వాషింగ్టన్: ఫొటోలోని ఆహారపదార్థాలను స్కాన్ చేసి అందులో కేలరీల సంఖ్యను చెప్పే యాప్‌ను గూగుల్ సంస్థ రూపొందించింది. ‘ఐఎం2 కేలరీస్’ అనే పేరుతో రూపొందించిన ఈ యాప్ ఇమేజ్ ప్రాసెసింగ్ టెక్నాలజీతో ఆహారపదార్థాలను గుర్తిస్తుంది. ఒకవేళ ఈ యాప్ ఫుడ్‌ఐటమ్స్‌ను గుర్తించలేకపోతే వినియోగదారులు సాఫ్ట్‌వేర్‌లో మార్పులు చేసుకునే వీలు కల్పించింది. దీంతో ఈ యాప్ మరింత మెరుగుపడే అవకాశముంటుందని సంస్థ పేర్కొంటోంది. ఇటీవలే దీని పేటెంట్ హక్కుల కోసం గూగుల్ దరఖాస్తు చేసుకుంది.
అయితే ఇది అందుబాటులోకి రావడానికి మరింత సమయం పట్టొచ్చని చెబుతున్నారు. ఈ యాప్ విజయవంతమైతే ట్రాఫిక్ విశ్లేషణ, పార్కింగ్ ప్రదేశాలు ఎక్కడున్నాయనే సమాచారాన్ని అందించేలా మార్పులు చేయాలని చూస్తున్నారు.
