ఇస్లామాబాద్‌ : ఆత్మాహుతి దాడితో భారత ప్రధాని నరేంద్ర మోదీని అంతం చేస్తానంటూ ప్రకటించిన పాకిస్తాన్‌ పాప్‌ సింగర్‌ రబీ పిర్జాదా నగ్న వీడియో శుక్రవారం ఉదయం లీక్‌ అయింది. దీని వెనుక పాక్‌ ఆర్మీలోని పీఆర్‌ విభాగాధిపతి ఆసిఫ్‌ గఫూర్‌ హస్తం ఉన్నట్లు నెటిజన్లు అనుమానం వ్యక్తం చేస్తున్నారు. పాక్‌ ఆర్మీలో పీఆర్‌ విభాగం ‘కాఫ్‌ కంగనా’ పేరుతో ఓ సినిమాను నిర్మించింది. ట్రైలర్‌ కూడా రిలీజైన ఈ సినిమాలో భారత హిందూ అమ్మాయి, పాక్‌ ముస్లిం అబ్బాయి మధ్య ప్రేమ కథాంశం. ఈ సినిమాలో ఓ ఐటెం సాంగ్‌ కూడా ఉంది. ఆ పాట అచ్చం మన తెలుగు సినిమాల్లో ఉండే ఐటెం సాంగ్‌ను పోలి ఉంటుంది. దీనిపై చాలా మంది అభ్యంతరం వ్యక్తం చేశారు. (చదవండి : పాక్‌ సినిమాలో ఐటెం సాంగ్‌; నెటిజన్లు ఫైర్‌)
ఆ పాటలో నటించిన నీలమ్‌ మునీర్‌ అనే పాక్‌ నటి భారత యువతి పాత్రను పోషిస్తూ ఆ పాటలో నర్తించింది. సాహిత్యం కూడా భారత్‌ను ద్వేషిస్తూ సాగుతుంది. ఈ వివాదంపై నీలమ్‌ మునీర్‌, పీఆర్‌ డీజీ ఆసిఫ్‌ గపూర్‌ వివరణ కూడా ఇచ్చారు. అయినా విమర్శలు ఆగడం లేదు. ఇలా అందరితో పాటు రబీ పిర్జాదా కూడా వీరిని లక్ష్యంగా చేసుకొని విమర్శించింది. అనంతరం గంటకే ఆమె ప్రైవేట్‌ వీడియో ట్విట్టర్‌లో ప్రత్యక్షమవడం గమనార్హం. ఈ వీడియోను రబీ మాజీ ప్రియుడు లీక్‌ చేశాడని భావిస్తున్నారు. మాజీ ప్రియుడి వెనక ఆసిఫ్‌ గపూర్‌ ప్రోద్బలం ఉన్నట్టు నెటిజన్లు ఆరోపిస్తున్నారు. కొందరేమో నిజాలు తెలుసుకోకుండా ఉన్నత స్థానంలో ఉన్న వ్యక్తిని అనుమానించొద్దంటూ గఫూర్‌ను సమర్ధిస్తున్నారు. మరోవైపు రబీకి మద్దతునిస్తూ ఈ వీడియోలను షేర్‌ చేయవద్దని ట్విటర్‌ తన ఖాతాదారులకు విజ్ఞప్తి చేస్తూ వాటిని డిలీట్‌ చేసింది. రబీ గతంలో మోదీని చంపడానికి తన వద్దనున్న పాములు, మొసళ్లను వదులుతానంటూ వివాదాస్పద వ్యాఖ్యలు చేసింది.
