వేగానికి కొత్త అర్థం చెప్పేలా మొదటితతరం సూపర్‌సానిక్‌ జెట్‌ విమానాలు త్వరలో అందుబాటులోకి రానున్నాయి. సన్‌ ఆఫ్‌ కాంకర్డ్‌గా పిలిచే కొత్తతరం సూపర్‌ సానిక్‌ జెట్‌ విమానాన్ని శనివారం ఇంగ్లండ్‌లో టెస్ట్‌ ఫ్లయింగ్‌ నిర్వహించారు. ఇంతవరకూ ఈ విమానానికి పేరు పెట్టకపోయినా.. ప్రొటోటైప్‌ ఎస్‌-512 క్విట్‌ సూపర్‌సానిక్‌ విమానంగా సైంటిస్టులు పిలుస్తున్నారు.
శనివారం టెస్ట్‌ ఫ్లై పూర్తి చేసుకున్న ఈ విమానం.. వేగానికి మారుపేరుగా చెప్పుకోవచ్చు. అట్లాంటిక్‌ మహాసముద్రాన్ని అవలీలగా మూడుగంటల్లా దాటేస్తుంది. ఇది ధ్వని వేగం కన్నా.. 1.6 రెట్లు అధికంగా ప్రయాణిస్తుంది. దీనిని అమెరికా విమానయాన సంస్థ అయిన స్పైక్‌ ఏరోస్పేస్‌ రూపొందించింది.
సన్‌ ఆఫ్‌ కాంకర్డ్‌గా పిలుచుకునే ఈ విమానాన్ని 2021 నాటికి వినియోగదారులకు పూర్తిస్థాయిలో అందుబాటులోకి తీసుకువస్తామని స్పైక్‌ ఏరోస్పేస్‌ చెబుతోంది. 22 మంది ప్రయాణికులు ప్రయాణించగలిగే ఈ విమానంలో అత్యంత లగ్జరీగా ఉంటుంది.
