సండే ఫండే అంటూ వచ్చే నాగార్జున.. నేడు బిగ్బాస్ హౌస్లో నవ్వులు పూయించినట్లు తెలుస్తోంది. ప్రతీ ఒక్కరి చేత టాస్కులు చేయించి ఫన్ క్రియేట్ అయ్యేలా చేశాడు. ఉన్నవి లేనివి ఏవైనా కల్పించుకుని చేయండి.. కానీ మమ్మల్ని ఎంటర్టైన్ చేయండని హౌస్మేట్స్కు నాగ్ టాస్క్ ఇచ్చినట్టు కనిపిస్తోంది. అయితే ఈ మేరకు విడుదల చేసిన ప్రోమో ప్రస్తుతం వైరల్ అవుతోంది. దీంట్లో పునర్నవికి చివరగా నాగ్ వేసిన పంచ్ అదిరిపోయింది.
ఇంటి సభ్యులకు నాగ్ ఇచ్చిన టాస్క్ను హౌస్మేట్స్.. అందరూ రెచ్చిపోయి నటించినట్లు తెలుస్తోంది. టాస్క్లో భాగంగా.. అనుమానపు భార్యను అంటూ వితికా తన క్యారెక్టర్ గురించి వివరిస్తూ ఉండగా.. మధ్యలో నాగ్ కౌంటర్ వేశాడు. వితికా తన గురించి కరెక్ట్గా చెప్పుకుందని కామెంట్ చేశాడు. ఈ వారంలో జరిగిన గొడవలపై రాహుల్ పాట పాడి అందర్నీ అలరించాడు. రంగస్థలంలోని రంగమ్మ మంగమ్మ సాంగ్ను పున్ను అని మార్చి పాడేశాడు. రాహుల్ ఫేక్ ఎలిమినేషన్ను ఉద్దేశించి పునర్నవి.. వచ్చిండే సాంగ్ను పేరడి చేస్తూ ఫన్నీగా పాడేసింది. చివరకు నాగార్జున.. పున్నుకు మంచి కౌంటర్ వేశాడు. టీవీ ప్రాబ్లమా..? నువ్వు నిల్చున్నా.. రాహుల్ కూర్చున్నా ఒకటే హైట్ ఉందంటూ నాగ్ పంచ్ వేశాడు. దీంతో హౌస్మేట్స్ అంతా పగలబడి నవ్వారు.