కోల్‌కతా: పదేళ్ల అనంతరం ఈ నెల 9న ఆకాశంలో సుందర దృశ్యం ఆవిష్కృతం కా నుంది. సోమవారం మధ్యాహ్నం బుధ గ్రహం సూర్యుని ఒక కొన నుంచి మరో కొన మీదుగా నల్లటి చుక్క ఆకారంలో ప్రయాణం చేయనున్నట్లు పొజిషనల్ ఆస్ట్రానమీ డెరైక్టర్ సంజీబ్ సేన్ తెలిపారు. ఆ సమయంలో భూమి, సూర్యుడు, బుధుడు ఒకే సరళ రేఖపై ఉంటాయి. పలు ఆసియా దేశాలు, యూరప్, ఆఫ్రికా, గ్రీన్‌లాండ్, దక్షిణ అమెరికా, పసిఫిక్ మహా సముద్రం ప్రాంతాల్లో ఈ దృశ్యం ఏడున్నర గంటల పాటు కనబడుతుంది.
