సఫారీకి అఫ్గాన్‌ షాక్‌

18 Jan, 2020 04:09 IST|Sakshi

కింబర్లీ: ఆతిథ్య దక్షిణాఫ్రికా జట్టుకు అండర్‌ –19 ప్రపంచ కప్‌ తొలి రోజు, తొలి మ్యాచ్‌లోనే చుక్కెదురైంది. అఫ్గానిస్తాన్‌ స్పిన్నర్‌ షఫీక్‌ఉల్లా గఫారీ (6/15) మాయాజాలానికి దక్షిణాఫ్రికా ఓటమి చవిచూసింది. గ్రూప్‌ ‘డి’లో భాగంగా  జరిగిన ఈ మ్యాచ్‌లో గఫారి ధాటికి దక్షిణాఫ్రికా 29.1 ఓవర్లలో 129 పరుగులకు ఆలౌటైంది. ఒక దశలో 62/2తో నిలకడగా ఆడుతున్నట్లు కనిపించిన దక్షిణాఫ్రికా జట్టును గఫారీ తన లెగ్‌ బ్రేక్‌తో తిప్పేశాడు. దాంతో దక్షిణాఫ్రికా చివరి 8 వికెట్లను 67 పరుగుల వ్యవధిలో కోల్పోయింది. అనంతరం అఫ్గాన్‌ 25 ఓవర్లలో 3 వికెట్లు కోల్పోయి 130 పరుగులు చేసి ఏడు వికెట్లతో గెలుపొందింది. ఇబ్రహీమ్‌ జద్రాన్‌ (52; 8 ఫోర్లు), ఇమ్రాన్‌ (57; 9 ఫోర్లు) జట్టుకు విజయాన్ని ఖాయం చేశారు. ‘ప్లేయర్‌ ఆఫ్‌ మ్యాచ్‌’ అవార్డును గఫారీ అందుకున్నాడు.   

Read latest Sports News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా