అఫ్ఘానిస్తాన్‌ అద్భుతం

20 Nov, 2017 04:01 IST|Sakshi

తొలిసారి ఆసియా అండర్‌–19 కప్‌ సొంతం

కౌలాలంపూర్‌: అంతర్జాతీయ క్రికెట్‌లో అఫ్ఘానిస్తాన్‌ క్రికెట్‌ జట్టు అద్భుతం చేసింది. అందరి అంచనాలను తారుమారు చేస్తూ తొలిసారి ఆసియా కప్‌ అండర్‌–19 టోర్నీలో చాంపియన్‌గా అవతరించింది. ఆదివారం జరిగిన ఫైనల్లో టైటిల్‌ ఫేవరెట్‌ పాకిస్తాన్‌పై అఫ్ఘానిస్తాన్‌ ఏకంగా 185 పరుగుల తేడాతో ఘనవిజయం సాధించింది. మొదట అఫ్ఘాన్‌ 50 ఓవర్లలో 7 వికెట్లకు 248 పరుగులు చేసింది. ఇక్రామ్‌ ఫైజీ (107; 10 ఫోర్లు, 2 సిక్సర్లు) సెంచరీ చేయగా, రహ్మాన్‌ గుల్‌ 40 పరుగులు చేశాడు. మూసా 3, షాహిన్‌ 2 వికెట్లు తీశారు. తర్వాత పాక్‌ 22.1 ఓవర్లలో 63 పరుగులకే కుప్పకూలింది. తాహ (19) టాప్‌స్కోరర్‌ కాగా, అఫ్ఘాన్‌ బౌలర్లలో ముజీబ్‌ 5, ఖైస్‌ అహ్మద్‌ 3 వికెట్లు పడగొట్టారు. 

Read latest Sports News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు