నిధులు మంజూరైనా నిర్లక్ష్యమే..

5 Sep, 2018 13:17 IST|Sakshi
వెంకటాపూర్‌ కత్వ వద్ద పూడికతో నిండిపోయిన వాగు

నిజాం కాలంలో నిర్మించిన కత్వ శిథిలావస్థకు చేరడంతో పునర్నిర్మించేందుకు ప్రభుత్వం నిధులు మంజూరు చేసింది. అయితే నిధులు మంజూరై సంవత్సరం దాటినా టెండర్ల ప్రక్రియ పూర్తి కాలేదు. మూడు మండలాల్లోని పది గ్రామాలకు ప్రయోజనం కలిగించే ఈ కత్వ నిర్మాణానికి రైతులు ఎదురుచూస్తున్నారు.

మొయినాబాద్‌(చేవెళ్ల): వందేళ్ల క్రితం నిజాం పాలకులు హిమాయత్‌ సాగర్‌ జలాశయాన్ని నిర్మించారు. అదే సమయంలో ఈసీ వాగుపై మొయినాబాద్‌ మండలం వెంకటాపూర్‌ వద్ద, దానికింద శంషాబాద్‌ మండలంలోని మల్కారం వద్ద, మొయినాబాద్‌ మండలంలోని అమ్డాపూర్‌ వద్ద కత్వలు నిర్మించారు. ఈసీవాగు వికారాబాద్‌ జిల్లాలోని అనంతగిరికి కుడివైపు నుంచి పారుతూ హిమాయత్‌సాగర్‌ జలాశయంలో కలుస్తుంది. అప్పట్లో వాగు జీవనదిగా పారేది. దీంతో కత్వలు నిండి పైనుంచి పొర్లి నీరు కిందకు వెళ్లేది. కత్వ ఎగువ భాగంలో నిలిచిన నీటితో పరిసర  ప్రాంతాల్లో భూగర్భజలాలు పెరిగేవి. అప్పట్లో కత్వల వద్ద నిల్వ ఉండే నీటిని మోట ద్వారా రైతులు పంటపొలాలకు తరలించేవారు.

వెంకటాపూర్‌ వద్ద నిర్మించిన కత్వ ద్వారా ప్రత్యక్షంగా, పరోక్షంగా సుమారు 500 ఎకరాలకు లబ్ధిచేకూరేది. కత్వకు కుడివైపు సుమారు మూడు కిలోమీటర్ల దూరం పెద్ద కాలువ ఉండేది. ఈ కాలువ ద్వారా శంషాబాద్‌ మండలంలోని రామంజాపూర్, కవేలిగూడ, మల్కారం, కేబీ దొడ్డి గ్రామాల్లోని సుమారు 350 ఎకరాలకు సాగునీరు అందేది. అదే విధంగా ఎగువ ప్రాంతంలో ఉన్న మొయినాబాద్‌ మండలంలోని వెంకటాపూర్, శ్రీరాంనగర్, కేతిరెడ్డిపల్లి, నక్కలపల్లి, షాబాద్‌ మండలంలోని చిన్నసోలిపేట్, పెద్దసోలిపేట్, హైతాబాద్‌ తదితర గ్రామాల రైతులు కత్వ ఎగువన నిల్వ ఉన్న నీటిని మోట ద్వారా పొలాలకు పారించుకునేవారు. 50 ఏళ్ల క్రితం వరకు ఆయా గ్రామాలకు సాగునీరు అందేది. అయితే కొంత కాలం క్రితం కత్వకు రంద్రాలు పడి నీటి నిల్వ తగ్గడంతోపాటు పంటకాల్వలు మూసుకుపోవడంతో నీటి పారుదల వ్యవస్థ దెబ్బతిన్నది. ఈసీ వాగు కూడా వరదలు వచ్చినప్పుడు మాత్రమే పారుతుండడంతో ఆయకట్టుకు నీరందకుండా పోయింది.

రూ.2.77 కోట్లు మంజూరు  
వెంకటాపూర్‌ కత్వ పునర్నిర్మాణానికి ప్రభుత్వం సంవత్సరం క్రితం నిధులు మంజూరు చేసింది. రెండేళ్ల క్రితం చేవెళ్ల ఎమ్మెల్యే కాలె యాదయ్యతో పాటు ఇరిగేషన్‌ అధికారులు  కత్వను పరిశీలించారు. కత్వ పునర్నిర్మాణం చేపడితే రైతులకు ఉపయోగపడుతుందని గుర్తించి ప్రభుత్వం దృష్టికి తీసుకెళ్లారు. దీంతో ప్రభుత్వం కత్వ పునర్నిర్మాణంతోపాటు పంట కాలువల నిర్మాణానికి రూ.2.77కోట్లు మంజూరు చేసింది. అయితే నిధులు మంజూరై సంవత్సరం దాటినా ఇప్పటి వరకు పనలు మొదలు కాలేదు. నిధులు మంజూరు చేయడంతో సంతోషించిన రైతులు ఇంకా పనులు మొదలు కాకపోవడంతో ఆవేదన వ్యక్తం చేస్తున్నారు. ప్రజాప్రతినిధులు, అధికారులు స్పందించి వెంటనే కత్వ పునర్నిర్మాణ పనులు చేపట్టాలని కోరుతున్నారు. 

 భూగర్భజలాలు పెరుగుతాయి 
వెంకటాపూర్‌ కత్వ పూర్తిగా శిథిలావస్థకు చేరింది. వాగులు పారినా నీళ్లు నిల్వ ఉండడం లేదు. కత్వ పునర్నిర్మాణానికి సంవత్సరం క్రితమే ప్రభుత్వం నిధులు మంజూరు చేసింది. కానీ ఇప్పటి వరకు పనులు మొదలు పెట్టలేదు. కత్వ పునర్నిర్మాణం జరిగితే సాగునీరు అందడంతోపాటు పరిసర ప్రాంతంలో భూగర్భ జలాలు పెరిగి బోరుబావుల్లో నీటి మట్టం పెరుగుతుంది. – మాణెయ్య, మాజీ సర్పంచ్, శ్రీరాంనగర్‌ 

టెండర్‌ ప్రక్రియలో ఆగింది 
వెంకటాపూర్‌ కత్వ పునర్నిర్మాణానికి ప్రభుత్వం రూ.2.77 కోట్లు మంజూరు చేసింది. దీనికి సంబందించి టెక్నికల్‌ సాంక్షన్‌ వచ్చింది. టెండర్‌ ప్రక్రియలోనే ఆగిపోయింది. ఎందుకు ఆగిందనే విషయం పూర్తిగా తెలియదు. దానిని పూర్తిచేసేందుకు చర్యలు తీసుకుంటాం. అనిల్, ఇరిగేషన్‌ ఏఈ, మొయినాబాద్‌ 

Load Comments
Hide Comments
మరిన్ని వార్తలు

కుక్క మూత్రం పోసిందని.. మహిళలపై దాడి

విద్యార్థినిని బలవంతగా లాక్కెళ్లిన పోలీసులు

రాళ్లు, కర్రలు, కత్తులతో దాడులు, ఉద్రిక్తత

ఇంటర్‌ బోర్డు అధికారులపై చర్యలు తీసుకోవాలి

‘చంద్రబాబు గెలిచే పరిస్థితి లేదు’

ఇంటర్‌ బోర్టుపై కోమటిరెడ్డి ఫైర్‌

ఇంటర్‌ బోర్డ్‌ వద్ద తీవ్ర ఉద్రిక్తత

సర్వే.. సవాలే!

ఆహ్లాదం.. వేగిరం

ఐరిస్‌తోనే రేషన్‌!

కరెంట్‌ 'కట్‌'కట

పురపాలనలోకి శంషాబాద్‌

ఠారెత్తిస్తున్న టమాటా

వేసవి సీజన్‌.. భద్రత మరిచెన్‌!

మృత్యుంజయురాలు దివ్య..

ఆ ఊరు అక్షరానికే ఆదర్శం

ఫైల్‌ ప్లీజ్‌...

మూగవేదన 

మీరు ఏసీ కింద గంటలతరబడి ఉంటున్నారా?

సర్వీస్‌ నం.112

‘అరణ్య’ రోదన.. 

అనగనగా ఓ కథ.. కదిలే బొమ్మల కళ

ఒకే కాన్పులో నలుగురు శిశువులు

స్థానిక సంస్థల ఎన్నికలపై బీజేపీ కసరత్తు 

సీఎల్పీ విలీనం ఖాయం 

స్థానిక ఎన్నికలకు  సిద్ధమవుతున్న టీజేఎస్‌

గండ్ర నివాసానికి వెళ్లిన భట్టి..

నేటి నుంచి ‘పరిషత్‌’ నామినేషన్లు

స్థానిక సమరానికి సిద్ధమైన కాంగ్రెస్‌

వరంగల్‌ మేయర్‌.. ఎవరికివారే!

ఆంధ్రప్రదేశ్
తెలంగాణ
సినిమా

తిరువనంతపురం విజేత ఎవరు?

త్రిషతో అలా కనెక్ట్‌ అయ్యారు

శంకర్‌@25 ఆనందలహరి

క్రేజీ కాంబినేషన్‌ కుదిరింది

డైలాగ్‌ చెప్పండి.. కేజీయఫ్‌2లో నటించండి

ప్లీజ్‌.. అలాంటివి చేయొద్దు: లారెన్స్‌