మా సిరిసిమువ్వ హీరో మృతి చెందటం బాధగా ఉంది. ఈ సినిమా షూటింగ్‌ సమయంలో చంద్రమోహన్‌ నా స్నేహితుల ఇళ్లలోనే మకాం ఉండేవారు. షూటింగ్‌లో చాలా సరదాగా పాల్గొనేవారు. పదహారేళ్ల వయసు సినిమా షూటింగ్‌ కూడా చాలా వరకూ ఈ ప్రాంతంలోనే జరిగింది. దీంతో చంద్రమోహన్‌తో నాకు మంచి అనుబంధం ఏర్పడింది.
– ఉజూరి వీర్రాజు, సినీ నిర్మాత, రామచంద్రపురం
మంచి వ్యక్తిత్వం
చంద్రమోహన్‌ చాలా సరదాగా ఉండేవారు. ఆ ఈజ్‌తోనే మంచి హాస్యనటుడిగా ఎదిగారు. తన దగ్గర ఎవ్వరి డబ్బులూ ఉంచుకునేవారు కాదు. తనకు రావాల్సిన ఒక్క రూపాయి కూడా వదిలేవారు కాదు. మన కష్టానికి ప్రతిఫలం తీసుకోకుండా ఉండకూడదని చెప్పేవారు. ఆయన ఆత్మకి శాంతి కలగాలని దేవుడిని ప్రార్థిస్తున్నాను.
– శ్రీపాద జిత్‌మోహన్‌ మిత్రా, సీనియర్‌ సినీ ఆర్టిస్టు, రాజమహేంద్రవరం
