లాప్‌టాప్‌ లాక్కెళ్లిన పంది.. నగ్నంగా అడవంతా..

8 Aug, 2020 10:51 IST|Sakshi

బెర్లిన్‌ : బట్టలు లేకుండా బాత్రూం నుంచి బయటకు రావాలంటేనే తెగ ఇబ్బందిగా ఫీల్‌ అవుతాం. నగ్నంగా అందరి ముందు తిరిగితే ఎలా ఉంటుందో ఒకసారి ఊహించుకోండి. తలుచుకుంటేనే సిగ్గుతో చచ్చిపోతాం కదా. కానీ సరిగ్గా ఇలాంటి ఘటనే జర్మనీలో చోటుచేసుకుంది. నగ్నంగా ఓ వ్యక్తి అడవంతా పరుగులు తీశాడు. అసలేం జరింగిందంటే.. బెర్లిన్‌లోని గ్రున్‌ వాల్డ్‌ అడవిలో ఓ వ్యక్తి సరస్సులో దిగి స్నానం చేస్తున్నాడు. అదే సమయంలో అటుగా వచ్చిన కొన్ని అడవి పందులు ఆ వ్యక్తి సంచిని ఎత్తుకెళ్లింది. అందులో అతని ల్యాప్‌టాప్‌ కూడా ఉంది. ఇది గమనించిన స్నానం చేస్తున్న ఆ వ్యక్తి  బట్టలు లేకుండానే  అడవి పందుల వెంబడి పరుగెత్తాడు. దీంతో నగ్నంగా ఉన్న వ్యక్తిని అడవిలోని మిగతా సందర్శకులు చూసి తెగ నవ్వుకున్నారు. (ఆస్థి కోసం, త‌ల్లి న‌గ్న చిత్రాల‌ను..)

ఈ దృశ్యాలను స్థానిక అడిలె అనే మహిళ ఫోటో తీసింది. అనంతరం వాటిని అతనికి చూపించగా ఆ వ్యక్తి నవ్వుకున్నాడు. పంది ల్యాప్‌టాప్‌ పట్టుకెళుతోందన్న కంగారులో బట్టలు వేసుకోవడం మర్చిపోయానని సదరు వ్యక్తి తెలిపాడు. అనంతరం వీటిని సోషల్‌ మీడియాలో పోస్ట్‌ చేయాలా అని అడగ్గా.. అతడు అందుకు అంగీకరించాడు. దీంతో ఆ మహిళ వీటిని ఫేస్‌బుక్‌లో పోస్టు చేసింది. అడిలె షేర్‌ చేసిన ఈ ఫోటోలు ప్రస్తుతం సోషల్‌ మీడియాలో వైరల్‌గా మారాయి. అనేక మంది లైకులు, కామెంట్లు చేస్తున్నారు.  జర్మనీలో నదులు, చెరువుల్లో నగ్నంగా సన్‌బాత్, స్విమ్ చేయడం సర్వ సాధారం. ఇందుకు ప్రభుత్వం కూడా అనుమతిచ్చింది. ఈ సంప్రదాయాన్ని నేచురిజం అంటారు. దీన్నే స్థానికంగా ఫ్రీ బాడీ కల్చర్ అని పిలుస్తారు.

Read latest International News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా