వైరల్‌
అహ్మదాబాద్‌లోని ఒక హెల్త్‌కేర్‌ కంపెనీలో మంచి జీతంతో పనిచేస్తున్న ధృవీ పాంచల్‌కు వంటలు చేయడం అంటే చాలా ఇష్టం. ఆ పాషన్‌ తనను ఎక్కడిదాకా తీసుకెళ్లిందంటే వీధి పక్కన ఫుడ్‌ స్టాల్‌ స్టార్ట్‌ చేసేంత వరకు! అలా అని ఆమె ఉద్యోగానికి రాజీనామా చేయలేదు.
ఒకవైపు ఉద్యోగం చేస్తూనే సాయంత్రం ఆరు నుంచి రాత్రి పదకొండు వరకు ఫుడ్‌ స్టాల్‌ నడుపుతోంది. సోషల్‌ మీడియాలో షేర్‌ చేసిన పాంచల్‌ వీడియో వైరల్‌ అయింది. ‘చక్కగా ఉద్యోగం చేసుకోకుండా ఎందుకమ్మా ఈ కష్టం’ అన్న వాళ్లు అతి కొద్దిమంది అయితే... ‘ఈ వీడియో మమ్మల్ని ఎంతో ఇన్‌స్పైరింగ్‌ చేసింది’ అన్నవాళ్లు ఎక్కువ.
