సాక్షి, హైదరాబాద్‌: ఇండియన్‌ సూపర్‌ లీగ్‌ (ఐఎస్‌ఎల్‌) టోర్నీలో ఇప్పటికే సెమీఫైనల్‌ బెర్త్‌ ఖరారు చేసుకున్న డిఫెండింగ్‌ చాంపియన్‌ హైదరాబాద్‌ ఫుట్‌బాల్‌ క్లబ్‌ (ఎఫ్‌సీ) జట్టుకు అనూహ్య ఓటమి ఎదురైంది.
జంషెడ్‌పూర్‌ ఎఫ్‌సీతో శనివారం జరిగిన మ్యాచ్‌లో హైదరాబాద్‌ 2–3 గోల్స్‌ తేడాతో పరాజయం పాలైంది. జంషెడ్‌పూర్‌ తరఫున రిత్విక్‌ దాస్‌ (22వ ని.లో), జే ఇమ్మాన్యుయెల్‌ థామస్‌ (27వ ని.లో), డానియల్‌ చుక్వు (29వ ని.లో) ఒక్కో గోల్‌ చేయగా... హైదరాబాద్‌ తరఫున ఒగ్‌బెచె (12వ, 79వ ని.లో) రెండు గోల్స్‌ సాధించాడు.
