సాక్షి, న్యూఢిల్లీ: దీపావళి సందర‍్భంగా విమానయాన సంస్థ జెట్ ఎయిర్‌ వేస్‌ డిస్కౌంట్‌ ధరలను ప్రకటించింది. స్పెషల్‌ లిమిటెడ్‌ పీరియడ్‌ పథకం కింద తొమ్మిది రోజులు అమ్మకాలను ప్రారంభించినట్టు మంగళవారం ప్రకటించింది. ఈ ఆఫర్ లో దేశీయ, అంతర్జాతీయ విమాన టికెట్లపై 20శాతం దాకా తగ్గింపు ధరలను ఆఫర్ చేస్తోంది. దివాలీ 2017 పథకం కింద అక్టోబర్‌ 17నుంచి 25 వరకు ఈ స్పెషల్‌ సేల్‌ నిర్వహిస్తోంది. నవంబర్ 1, 2017 నుంచి ప్రయాణానికి వినియోగించుకోవచ్చు.
దీపావళి 2017 పథకం కింద ప్రీమియర్ టిక్కెట్లలో 20 శాతం వరకు డిస్కౌంట్లను ఆఫర్ చేస్తున్నట్టు ఎయిర్‌ లైన్స్ ఒక ప్రకటనలో తెలిపింది. జెట్ ఎయిర్వేస్ అందిస్తున్న దేశీయ , విదేశీయంగా ఆకర్షణీయమైన ప్రయాణ ఆఫర్లను ఆస్వాదించాలని జెట్ ఎయిర్వేస్ చీఫ్ వాణిజ్య అధికారి జయరాజ్ షణ్ముగం అన్నారు. వన్-వే , తిరిగి ప్రయాణాల కోసం ఈ ఆఫర్ వర్తిస్తుందని జెట్ ఎ యిర్‌వేస్‌ తెలిపింది. దేశీయ టికెట్ల ద్వారా నవంబర్ నుంచి ప్రయాణింవచ‍్చని అలాగే గెస్ట్‌బుకింగ్‌ ఇంటర్నేషనల్‌ టికెట్ల ద్వారా వెంటనే ప్రయాణించవచ్చని పేర్కొంది.
