డుమ్‌కా (జార్ఖండ్): జార్ఖండ్‌లో ఎన్నికల సందర్భంగా మావోయిస్టులు పేట్రేగిపోయారు. డుమ్‌కా జిల్లాలోని డుమ్‌కా లోక్‌సభ స్థానానికి పోలింగ్ ముగిసిన అనంతరం వాహనంలో తిరిగి వెళ్తున్న పోలింగ్ సిబ్బంది లక్ష్యంగా శక్తిమంతమైన మందుపాతర పేల్చారు. ఈ ఘటనలో ఆరుగురు పోలింగ్ సిబ్బంది, ఇద్దరు పోలీసులు మృతి చెందారు.
జిల్లాలోని షికారీపరా అసెంబ్లీ సెగ్మెంట్ పరిధిలో ఉన్న అస్నజోర్ సమీపంలో ఈ దాడికి పాల్పడ్డారు. ఆరో దశ సార్వత్రిక ఎన్నికల్లో భాగంగా జార్ఖండ్‌లో డుమ్‌కాతోపాటు రాజ్ మహల్, గొడ్డా, ధన్‌బాద్ స్థానాలకు గురువారం పోలింగ్ జరిగింది. మరోవైపు, అసోంలోని కోక్రాఝర్ లోక్‌సభ స్థానం పరిధిలో ఇద్దరు అభ్యర్థుల మద్దతుదారుల దాడిలో ఒక కానిస్టేబుల్ మృతిచెందాడు.
