తల ఒక్కింటికి.. 100 రియాళ్లు!

23 Jun, 2017 01:18 IST|Sakshi
తల ఒక్కింటికి.. 100 రియాళ్లు!

ఆర్థిక సంక్షోభం గట్టెక్కేందుకు వలస కుటుంబాలపై సౌదీ కన్ను
ఆర్థిక సంక్షోభం నుంచి గట్టెక్కేందుకు సౌదీ అరేబియా విదేశీ వలస ఉద్యోగులపై పడింది. సౌదీలో నివాస వీసాపై ఉంటున్న విదేశీ ఉద్యోగుల కుటుంబ సభ్యులపై నెలకు పన్ను విధించింది. పైగా ఈ పన్ను మొత్తాన్ని మరో మూడేళ్ల పాటు ఏటా పెంచనుంది. సౌదీలో ఉన్న విదేశీ ఉద్యోగుల్లో భారతీయులే అధికంగా ఉండటం.. వారిలోనూ తెలుగు రాష్ట్రాలవారి సంఖ్య మరీ ఎక్కువ కావడంతో వారంతా ఆందోళన చెందుతున్నారు. ఈ భారాన్ని తప్పించుకోవడానికి తమ కుటుంబ సభ్యులను స్వదేశానికి పంపేస్తున్నారు.

ఎందుకీ పన్ను?
చమురు నిక్షేపాలపైనే ఆధారపడిన సౌదీ వంటి దేశాలు అంతర్జాతీయంగా చమురు ధరలు పడిపోవడంతో ఆర్థిక సంక్షోభాన్ని ఎదుర్కొంటున్నాయి. ఈ నేపథ్యంలో ఆదాయం పెంచుకోవడానికి వలసదారులపై ‘ఆశ్రిత పన్ను’ విధించింది. వాస్తవానికి ఇప్పటికే సౌదీ అరేబియాలోని కంపెనీల ఉద్యోగుల్లో స్థానికుల కన్నా విదేశీయులు ఎక్కువ ఉంటే.. ఒక్కొక్కరి  నుంచి నెలకు 200 సౌదీ రియాళ్ల చొప్పున పన్నుగా వసూలు చేస్తున్నారు. ఇప్పుడు విదేశీ ఉద్యోగుల కుటుంబ సభ్యుల్లో ఒక్కొక్కరి నుంచి నెలకు 100 సౌదీ రియాళ్లు (సుమారు రూ. 1,723) చొప్పున ‘ఆశ్రిత పన్ను’ వసూలు చేయనున్నారు. పైగా ఈ పన్నును ముందస్తుగానే.. అంటే కుటుంబ సభ్యుల నివాస అనుమతిని పునరుద్ధరించుకునే సమయంలోనే చెల్లించాల్సి ఉంటుంది.

ప్రభావం ఏమిటి?
సౌదీ అరేబియాలో నెలకు 5,000 రియాళ్లు (సుమారు రూ.86,000), ఆపై వేతనం గల వారికి అక్కడి సర్కారు కుటుంబ వీసా ఇస్తుంది. భార్య, ఇద్దరు పిల్లలతో సౌదీలో నివసించే ఒక విదేశీ ఉద్యోగి.. తన కుటుంబ సభ్యుల కోసం ఆశ్రిత పన్ను కింద నెలకు 300 రియాళ్లు (సుమారు రూ.5,400) చెల్లించాల్సి ఉంటుంది.

పైగా ఈ పన్ను 2020 వరకూ ఒక్కొక్కరికి ఏటా 100 రియాళ్ల చొప్పున పెరుగుతుంది. అంటే 2020 నాటికి భార్య, ఇద్దరు పిల్లలు గల విదేశీ ఉద్యోగి నెలకు 1,200 రియాళ్లు (సుమారు రూ. 21,600) పన్నుగా చెల్లించాలి. ఈ లెక్కన పన్ను అమల్లోకి వచ్చే జూలైలో భార్య, ఇద్దరు పిల్లల కోసం 3,600 రియాళ్లు (సుమారు రూ. 64,000) ముందుగా చెల్లించాల్సి వస్తుంది. అదే 2020 నాటికి వస్తే.. భార్య, ఇద్దరు పిల్లల కోసం ఏడాదికి 14,400 రియాళ్లు (సుమారు రూ. 2,60,000) చెల్లించాల్సి వస్తుంది.

మనోళ్లు ఎంతమంది?
సౌదీ అరేబియాలో దాదాపు 400కి పైగా సంస్థల్లో సుమారు 41 లక్షల మంది భారతీయులు ఉండగా.. అందులో 10 లక్షల మందికి పైగా తెలుగువారు ఉన్నారు. వారిలో పెద్ద సంఖ్యలో ఉద్యోగులు తమ కుటుంబాలతో అక్కడే నివాసముంటున్నారు. వారు పన్నుభారం తప్పించుకోవడానికి కుటుంబ సభ్యులను స్వదేశానికి పంపేస్తున్నారు.

•  ఒక్కో కుటుంబ సభ్యుడిపై నెలకు 100 రియాళ్ల చొప్పున ‘ఆశ్రిత పన్ను’
•  మూడేళ్లపాటు ఏటా ఒక్కొక్కరిపై మరో 100 రియాళ్లు పెంపు
•  భార్య, ఇద్దరు పిల్లలుంటే.. ఇప్పుడు 64,000 కట్టాల్సిందే
•  మూడేళ్ల తర్వాత వసూలు చేసేది ఏకంగా రూ. 2,60,000
సౌదీ వలసల్లో 41,00,000 మందితో భారతీయులదే అగ్రస్థానం
అందులోనూ 10,00,000 మంది తెలుగు రాష్ట్రాల వారే
•  ‘ఆశ్రిత పన్ను’ కారణంగా స్వస్థలాలకు తరలుతున్న కుటుంబాలు


 - సాక్షి నాలెడ్జ్‌ సెంటర్‌

Read latest International News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

సోషల్‌ మీడియాతో చిన్నారుల్లో మానసిక రుగ్మతలు

అంతర్జాతీయ కోర్టులో భారత్‌కు విజయం

నాడు చంద్రుడి యాత్ర విఫలమైతే..

అంతుచిక్కని రోగం: ముఖం భయంకరంగా..

గ్లోబల్‌ టెర్రరిస్ట్‌ హఫీజ్‌ సయీద్‌ అరెస్ట్‌

నిర్లవణీకరణకు కొత్త మార్గం!

భారత్‌కు దావూద్‌ కీలక అనుచరుడు!

ఇదో ఘనకార్యమైనట్టు.. ఇలా ఫొటో దిగారు!!

40 కేజీల లగేజీ తీసుకెళ్లొచ్చు!

పోయిందే.. ఇట్స్‌గాన్‌..

పెట్‌ యువర్‌ స్ట్రెస్‌ అవే!

హత్య చేసి.. శవంపై అత్యాచారం

అమెరికా, రష్యాల మధ్య నూతన ఒప్పందం

విడాకులు కోరినందుకు భార్యను...

పర్యాటకులకు కొద్దిదూరంలోనే విమానం ల్యాండింగ్‌!

ప్రేయసి గొంతుకోసి ‘ఇన్‌స్టాగ్రామ్‌’లో..

ప్రైమ్‌ డే సేల్ ‌: అమెజాన్‌కు షాక్‌

ఎయిరిండియాకు భారీ ఊరట

ప్రాచీన పిరమిడ్‌ సందర్శనకు అనుమతి

యాంగ్‌ యాంగ్‌ బీభత్సం.. ఎగిరెగిరి తన్నుతూ..

హఫీజ్‌ సయీద్‌కు బెయిల్‌

ఇటలీ టమోటాలకు నెత్తుటి మరకలు

వదలని వాన.. 43 మంది మృతి..!

బుర్ర తక్కువ మనిషి; అయినా పర్లేదు..!

ఫేస్‌బుక్‌కు రూ.34 వేల కోట్ల జరిమానా!

అక్రమ వలసదార్ల అరెస్టులు షురూ

సోమాలియాలో ఉగ్రదాడి

మొసలిని మింగిన కొండచిలువ!

స్త్రీల లోదుస్తులు దొంగిలించి.. ఆ తర్వాత...

కుక్క మాంసం తినొద్దు ప్లీజ్‌!

ఆంధ్రప్రదేశ్
తెలంగాణ
సినిమా

‘అలా 26 కిలోల బరువు తగ్గాను’

క్యారెక్టర్‌ కోసమే స్మోక్‌ చేశా..

హైకోర్టులో ‘బిగ్‌బాస్‌’ కి ఊరట

‘చెట్ల వెంట తిరుగుతూ డాన్స్‌ చేయలేను’

కండలవీరుడికి కబీర్‌ సింగ్‌ షాక్‌

గుర్తుపట్టారా... తనెప్పటికీ బ్యూటీక్వీనే!