వీరనారి రాణి లక్ష్మీభాయ్ జీవిత చరిత్రను ‘మణికర్ణిక’గా వెండితెరపై ఆవిష్కరించనున్నారు క్రిష్. బాలీవుడ్ క్వీన్ కంగనా రనౌత్ లక్ష్మీభాయ్ పాత్రలో నటించనున్నారు. జీ స్టూడియో సమర్పణలో కైరోస్ కంటెంట్ ప్రొడక్షన్స్పై జాగర్లమూడి రాధాకృష్ణ (క్రిష్) దర్శకత్వంలో కమల్ జైన్ ఈ చిత్రాన్ని నిర్మిస్తున్నారు. శంకర్–ఇషాన్–లాయ్ త్రయం సంగీతం సమకూర్చుతున్నారు. ప్రముఖ రచయిత విజయేంద్రప్రసాద్ ఈ సినిమాకు కథ అందిస్తున్నారు.
గురువారం ఉత్తరప్రదేశ్లోని వారణాసిలో ‘మణికర్ణిక’ టైటిల్ లోగో విడుదల, రిలీజ్ డేట్ అనౌన్స్మెంట్ కార్యక్రమం జరిగింది. ఈ కార్యక్రమంలో ఇరవై అడుగుల పోస్టర్ను రిలీజ్ చేశారు. ఈ చిత్రాన్ని వచ్చే ఏడాది ఏప్రిల్ 27న తమిళ, తెలుగు, హిందీ భాషల్లో విడుదల చేయనున్నారు.