బెంగళూరు(బొమ్మనహళ్లి) :
హీరోయిన్‌ అవకాశం ఇస్తానని చెప్పి ఓ యువతిని లైంగికంగా వేధిస్తున్న ఓ నిర్మాతకు బాధితురాలి బంధువులు దేహశుద్ధి చేసి పోలీసులకు అప్పగించారు. ఈ సంఘటన బెంగళూరులోని హెచ్‌ఎస్‌ఆర్‌ లేఔట్‌ పోలీస్‌ స్టేషన్‌లో జరిగింది. వివరాలు..‘ప్రీతి మాయ హుషారు’ సినిమా నిర్మాత వీరేష్‌ తన కార్యాలయంలో పనిచేసే ఓ యువతికి హీరోయిన్‌ అవకాశం కల్పిస్తానని లైంగికంగా వేధించడం మొదలుపెట్టాడు.
ప్రముఖ నిర్మాతలు కూడా తనకు పరిచయమని, తనకు సహకరిస్తే హీరోయిన్‌ అవకాశం కల్పిస్తానని నిత్యం వేధించేవాడు. దీంతో బాధితులు ఈ విషయాన్ని కుటుంబ సభ్యులకు తెలియజేసింది. దీంతో బాధితురాలి కుటుంబ సభ్యులు హెచ్‌ఎస్‌ఆర్‌ లేఔట్‌లో ఉన్న వీరేష్‌ ఇంటికి వచ్చి అతన్ని చితక్కొట్టి పోలీసులకు అప్పగించారు. పోలీసులు కేసు దర్యాప్తు చేస్తున్నారు.
