లక్నో : విమానంలో ప్రయాణిస్తున్న ఓ వ్యక్తి తన ఒంటిపై దుస్తులన్నీ విప్పేసి నగ్నంగా తిరుగుతూ కలకలం స్పష్టించాడు. ఈ ఘటన దుబాయ్-లక్నో ఎయిరిండియా విమానంలో శనివారం చోటుచేసుకుంది. ఉన్నట్టుండి ఒక్కసారిగా దుస్తులు విప్పేసి అటూఇటూ తిరగడంతో విమానంలో ప్రయాణిస్తున్న ప్రయాణికులు ఒక్కసారిగా షాక్‌కు గురయ్యారు.
ప్రయాణికుడి బిత్తిరి చర్యకు వెంటనే స్పందించిన సిబ్బంది అతడి ఒంటిపై దుప్పటి కప్పి సీట్లో కూర్చోబెట్టారు. లక్నో విమానాశ్రయానికి చేరుకున్న తర్వాత అతన్ని పోలీసులకు అప్పగించారు. అతడిని అదుపులోకి తీసుకున్న పోలీసులు, ఆ వ్యక్తి అకస్మాత్తుగా దుస్తులు ఎందుకు విప్పాడన్న విషయంపై ఆరా తీస్తున్నారు. ప్రయాణికుడిని భద్రతా సిబ్బందికి అప్పగించామని, అతడు ఎందుకు అలా ప్రవర్తించాడన్న దానిపై దర్యాప్తు జరుగుతోందని ఎయిరిండియా అధికార ప్రతినిధి ఒకరు మీడియాకు తెలిపారు.
