పోలీస్‌ సాబ్‌ మీరు సూపర్‌; వీడియో వైరల్‌

25 May, 2018 13:47 IST|Sakshi
అల్లరి మూక దాడి నుంచి ముస్లిం యువకుడిని కాపాడుతున్న పోలీసధికారి గంగాదీప్‌ సింగ్‌

రామ్‌ నగర్‌, ఉత్తరాఖండ్‌ : ప్రేమకు, మానవత్వం చాటుకోవడానికి మతం అడ్డురాదు. వాటికి తెలిసిందల్లా ప్రేమను పంచడం... సాయం చేయడమే. ఉత్తరాఖండ్‌లో ఈ రెండు సంఘటనలు ఏక కాలంలో జరిగాయి. తమ మతానికి చెందిన యువతిని ప్రేమిస్తున్నాడన్న కారణంగా ముస్లిం యువకుడిపై కొందరు హిందూ యువకులు దాడికి దిగారు. ఈ సంఘటన రామ్‌పూర్‌ గ్రామంలోని ఓ దేవాలయం సమీపంలో జరిగింది. ఈ గొడవ గురించి ఆ ఏరియా పోలీస్‌ ఆఫీసర్‌ గంగాదీప్‌ సింగ్‌కు సమాచారం అందించారు స్థానికులు.

సింగ్‌ ఆ ప్రదేశానికి చేరుకునే సరికి హిందూ యువకులు ముస్లిం యువకుడిని కొట్టడానికి ముందుకు వస్తున్నారు. ఇది గమనించిన సింగ్‌ బాధిత యువకుడిని కాపాడటం కోసం ముందుకు వెళ్లి ఆ యువకుడికి అడ్డుగా ఉండి కాపాడాడు. ఈ తతంగాన్ని ఒకరు ఫోన్‌లో రికార్డు చేసి ట్విటర్‌లో పోస్టు చేశారు. ఈ వీడియో చూసిన వారంతా గంగాదీప్‌ సింగ్‌ను అభినందనలతో ముంచేత్తుతున్నారు. ‘పోలీస్‌ సాబ్‌ మానవత్వానికి మతంతో పని లేదని చాటారు...మీరు సూపర్‌ సార్‌’ సోషల్‌ మీడియాలో హీరోను చేస్తూ కామెంట్‌ చేశారు.

Read latest National News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా