లోక్‌సభ డిప్యూటీ స్పీకర్‌గా కనిమొళి..!

9 Jun, 2019 08:26 IST|Sakshi

పరిశీలనలో ‘కని’ పేరు.. ప్రతిపక్షాల తరఫున చాన్స్‌

సాక్షి, చెన్నై: పార్లమెంట్‌ డిప్యూటీ స్పీకర్‌ పదవి డీఎంకేకు దక్కే అవకాశాలు ఉన్నట్టుగా చర్చ జోరందుకుంది. ఇందులో ఆ పార్టీ ఎంపీ కనిమొళి పేరు ప్రప్రథమంగా పరిశీలనలో ఉన్నట్టు సంకేతాలు వెలువడ్డాయి. ప్రతి పక్షాల తరఫున ఆమెకు చాన్స్‌ దక్కడం ఖాయం అన్నట్టుగా డీఎంకే వర్గాలు పేర్కొంటున్నాయి.  2019 పార్లమెంట్‌ ఎన్నికల్లో ప్రధాని నరేంద్రమోదీకి దేశ ప్రజలు ఊహించని రీతిలో మళ్లీ  పట్టం కట్టారు. బీజేపీ కూటమి 352 స్థానాల్ని దక్కించుకోగా, అందులో బీజేపీ అభ్యర్థులే 303 మంది విజయఢంకా మోగించారు. ఇక, కాంగ్రెస్‌ తరఫున 52 మంది, ఆ కూటమిలోని డీఎంకే తరఫున 23 మంది పార్లమెంట్‌లో అడుగుపెట్టారు. ఈ పరిస్థితుల్లో ప్రతిపక్షానికి డిప్యూటీ స్పీకర్‌ పదవిని అప్పగించేందుకు తగ్గట్టుగా ప్రధాని నరేంద్రమోదీ సర్కారు నిర్ణయించినట్టుగా సంకేతాలు వెలువడ్డాయి.

2014లో కూడా డిప్యూటీ స్పీకర్‌ పదవి ప్రతి పక్షానికి అప్పగించడంతో అతిపెద్ద పార్టీగా అవతరించిన అన్నాడీఎంకేకు ఆ చాన్స్‌ దక్కింది. ఆ పార్టీ తరఫున తంబిదురై డిప్యూటీ స్పీకర్‌గా వ్యవహరించారు. అదే బాణిలో తాజాగా కూడా ప్రతిపక్షాలకు ఆ పదవిని అప్పగించేందుకు తగ్గట్టుగా కేంద్రం నిర్ణయించినట్టు సమాచారం. ఈ పదవిని కాంగ్రెస్‌కు అప్పగించే అవకాశాలు ఎక్కువేనని సమాచారం. అయితే, కాంగ్రెస్‌లో ఆ పదవిని చేపట్టేందుకు ఏ ఒక్క ఎంపీ సిద్ధంగా లేనట్టు సంకేతాలు వెలువడ్డాయి. దీంతో మిత్ర పక్షం డీఎంకేకు ఆ పదవిని అప్పగించేందుకు తగ్గట్టుగా కాంగ్రెస్‌ పరిశీలన జరిపి ఉన్నట్టు తెలిసింది. ఇందుకు తగ్గట్టుగా డీఎంకే అధ్యక్షుడు స్టాలిన్‌తోనూ కాంగ్రెస్‌ వర్గాలు చర్చించినట్టు ప్రచారం. 

కనిమొళికి చాన్స్‌ .....
దివంగత డీఎంకే అధినేత ఎం కరుణానిధి గారాల పట్టి కనిమొళి గతంలో రాజ్యసభ సభ్యురాలుగా వ్యవహరించారు. రెండుసార్లు ఆమె రాజ్యసభకు ఎన్నిక కావడంతో ఢిల్లీ కొత్తేమీ కాదు. అక్కడి ఎంపీలతో ఆమెకు పరిచయాలు ఎక్కువే. తాజాగా ఆమె తూత్తుకుడి నుంచి ప్రప్రథమంగా ప్రత్యక్ష ఎన్నికల్లో పోటీ చేసి విజయకేతనం ఎగుర వేశారు. తొలిసారిగా పార్లమెంట్‌లో అడుగు పెట్టనున్న కనిమొళికి పార్టీ పార్లమెంటరీ వ్యవహారాల ఉప నేత పదవిని స్టాలిన్‌ కేటాయించారు. ఆ పార్టీ పార్లమెంటరీ నేత పదవిని సీనియర్‌ నేత టీఆర్‌బాలుకు, విప్‌ పదవి ఎ.రాజాలకు అప్పగించారు. అయితే, ప్రప్రథమంగా ప్రత్యక్ష ఎన్నికల ద్వారా లోక్‌సభలో అడుగు పెట్టనున్న కనిమొళిని అందలం ఎక్కించే విధంగా కాంగ్రెస్‌ పరిశీలన జరిపి ఉన్నట్టు తెలిసింది. మాజీ ప్రధాని మన్మోహన్‌ సింగ్‌ రాజ్యసభ అభ్యర్థిత్వం తమిళనాడు నుంచి దక్కే విధంగా డీఎంకేతో ఇప్పటికే కాంగ్రెస్‌ వర్గాలు సంప్రదింపుల్లో ఉన్న విషయం తెలిసిందే. ఇందుకు ప్రతి ఫలం అన్నట్టుగా కనిమొళికి డిప్యూటీ స్పీకర్‌ పదవి అప్పగించే విధంగా చర్చ సాగి ఉన్నట్టు ప్రచారం.

మన్మోహన్‌ రాజ్యసభ అభ్యర్థిత్వానికి పరోక్షంగా స్టాలిన్‌ అంగీకరించి ఉన్నట్టు, అందుకే కనిమొళి పేరును కాంగ్రెస్‌ పరిశీలనలోకి తీసుకున్నట్టు రాష్ట్ర కాంగ్రెస్‌ వర్గాలు పేర్కొంటున్నాయి. స్పీకర్‌గా కేంద్ర మాజీ మంత్రి మేనకాగాంధీ పేరు పరిశీలనలో ఉన్న దృష్ట్యా, ప్రతి పక్షాల తరఫున మహిళగా కనిమొళికి చాన్స్‌ ఇచ్చే రీతిలో ప్రయత్నాలు సాగుతున్నట్టు డీఎంకేలోనూ చర్చ సాగుతుండడం గమనార్హం. కనిమొళి విషయంలో స్టాలిన్‌ సైతం సానుకూలత వ్యక్తం చేసినట్టు చర్చ సాగుతున్న దృష్ట్యా, కనిమొళి పార్లమెంట్‌ డిప్యూటీ స్పీకర్‌ అయ్యేనా అన్నది మరి కొద్దిరోజుల్లో తేలనుంది. ఇక, తమిళ మీడియాల్లో సైతం కనిమొళి డిప్యూటీ స్పీకర్‌ ఖాయం అన్నట్టుగా చర్చ జోరందుకోవడం గమనార్హం.
 

Read latest Politics News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

కాంగ్రెస్‌లో కొనసాగేనా?.. బీజేపీలోకి జంపా!

రాజ్‌గోపాల్‌ రెడ్డి యూటర్న్‌.. బీజేపీకి నో!

అవిశ్వాస తీర్మానికి మేం రె‘ఢీ’: యడ్యూరప్ప

అత్యంత శుభ్రమైన ప్రాంతంలో స్వచ్ఛ భారత్‌

బాంబ్‌ పేల్చిన సీనియర్‌ నేత..

ఫిరాయింపు: మంత్రులుగా ‍ప్రమాణ స్వీకారం

రాజీనామా వెనక్కి తీసుకుంటా: కాంగ్రెస్‌ ఎమ్మెల్యే

సుప్రీంను ఆశ్రయించిన ఐదుగురు ఎమ్మెల్యేలు

కోడెల కుటుంబం మరో అరాచకం

ద్రోణంరాజు శ్రీనివాస్‌కు కీలక బాధ్యతలు

తాడేపల్లికి వైఎస్సార్‌ సీపీ ప్రధాన కార్యాలయం

‘ఈ పథకం దేశంలోని ఏ రాష్ట్రంలో లేదు’

రాహుల్‌కు బావ భావోద్వేగ లేఖ

ఫలించిన ట్రబుల్‌ షూటర్‌ చర్చలు

బీజేపీలోకి ధోని : కేంద్ర మాజీమంత్రి

సిట్టింగులకు టికెట్ల దడ!

రెబల్‌ ఎమ్మెల్యే నాగరాజ్‌తో మంతనాలు

సీపీఐకి కొత్తరక్తం ఎక్కించాలి

సున్నా వడ్డీకి చంద్రబాబు ఎగనామం

ఫిరాయింపు నేతల్లో ముగ్గురికి మంత్రి పదవులు

విశ్వాసపరీక్షకు సిద్ధం!

బీసీ బిల్లుకు కేంద్రం నో

ఏకపక్ష విజయమే!

కాంగ్రెస్‌ అధ్యక్ష పదవి.. తెరపైకి వారిద్దరు

యనమల బడ్జెట్‌పై చర్చకు సిద్ధమా?

‘కన్నడ సంక్షోభం వెనుక బీజేపీ ధనస్వామ్యం’

పార్టీ మారకుండా ఎందుకు రాజీనామా !?

కీలక బిల్లుపై ఓటింగ్‌కు విజయిసాయి రెడ్డి డిమాండ్‌

బలపరీక్షకు సిద్ధమన్న కుమారస్వామి

బీజేపీలో చేరిన అన్నం సతీష్‌ ప్రభాకర్‌

ఆంధ్రప్రదేశ్
తెలంగాణ
సినిమా

ఆగస్టులో ఎవరు

జాన్‌ ఎటాక్‌

ఫలితాన్ని ప్రేక్షకులే నిర్ణయిస్తారు

నిర్మాణం అంటే రోజుకో పెళ్లి చేసినట్టే

విశ్రాంతి లేదు

అంతా ఆశ్చర్యమే!