బ్రిస్టల్: మహిళల ప్రపంచకప్ క్రికెట్ టోర్నీలో శ్రీలంకతో జరిగిన మరో మ్యాచ్లో న్యూజిలాండ్ 9 వికెట్ల తేడాతో గెలిచింది. మొదట శ్రీలంక 50 ఓవర్లలో 9 వికెట్ల నష్టానికి 188 పరుగులే చేసింది. కివీస్ బౌలర్లలో హడిల్స్టన్ (5/35) నిప్పులు చెరిగింది. తర్వాత 189 పరుగుల సునాయాస లక్ష్యాన్ని న్యూజిలాండ్ 37.4 ఓవర్లలో వికెట్ మాత్రమే కోల్పోయి ఛేదించింది. కెప్టెన్ సుజీ బేట్స్ (109 బంతుల్లో 106 నాటౌట్; 11 ఫోర్లు, 1 సిక్స్) సెంచరీ చేసింది. సాటెర్త్వైట్ (103 బంతుల్లో 78; 7 ఫోర్లు) రాణించింది.
