మరింత ప్రియం కానున్న మద్యం

25 Jul, 2019 13:04 IST|Sakshi

సెప్టెంబర్‌తో ముగియనున్న ప్రస్తుత పాలసీ

నూతన పాలసీలో లైసెన్సు ఫీజు పెంపు!  

కొత్త కార్పొరేషన్లతో మరింత ఆదాయం

అదనపు దుకాణాల ఏర్పాటుపైనా దృష్టి

మరింత ప్రియం కానున్న మద్యం

సాక్షి సిటీబ్యూరో: రెండు నెలల్లో ప్రారంభం కానున్న కొత్త మద్యం పాలసీపై తెలంగాణ ప్రభుత్వం దృష్టి సారించింది.  ప్రధాన ఆదాయ వనరుగా ఉన్న మద్యం అమ్మకాలను మరింత పెంచడం ద్వారా ఖజానాకు భారీగా ఆదాయాన్ని సమకూర్చుకోవడమే లక్ష్యంగా ప్రభుత్వం ఇప్పటికే సన్నాహాలు చేస్తోంది. ఇందులో భాగంగా మద్యం దుకాణాల లైసెన్స్‌ ఫీజును పెంచడంతో పాటుకొత్తగా ఏర్పాటైన కార్పొరేషన్లు, మున్సిపాలిటీల పరిధిలో దుకాణాల సంఖ్యను సైతం పెంచే దిశగా ప్రయత్నాలు చేపట్టారు. 2017 అక్టోబర్‌ 1 నుంచి ప్రారంభమైన ప్రస్తుత పాలసీ.. ఈ ఏడాది సెప్టెంబర్‌ 31తో ముగిసి అక్టోబర్‌ 1 నుంచి కొత్త ఎక్సైజ్‌ పాలసీ ప్రారంభమవుతుంది. పాత పాలసీకి రెండు నెలలే సమయం ఉండడంతో ప్రభుత్వం అగస్టులో కొత్త పాలసీకి సంబంధించిన నిర్ణయాలు, విధివిధానాలను ప్రకటించనుంది. ఆదాయాన్ని మరింత పెంచుకునే దిశగా ప్రభుత్వం సన్నాహాకాలు చేపడుటుతుండడంతో కొత్త ఎక్సైజ్‌ పాలసీలో ఫీజులు ఎలా ఉంటాయానే ఉత్కంఠ మద్యం వ్యాపారుల్లో నెలకొంది. 

ఏటా పెరుగుతున్న అమ్మకాలు
హైదరాబాద్‌ జిల్లాలో మొత్తం 199 మద్యం దుకాణాలు, 147 బార్లు ఉన్నాయి. ఉమ్మడి రంగారెడ్డి జిల్లాలోని రంగారెడ్డి, మేడ్చల్, వికారాబాద్‌ పరిధిలో 412 మద్యం దుకాణాలు, 405 బార్లు ఉన్నాయి. 2017–18 ఆర్థిక సంవత్సరంలో హైదరాబాద్‌ జిల్లాలో రూ.2,314 కోట్ల మద్యం అమ్మకాలు జరగ్గా.. 2018–19లో రూ.2,588 కోట్ల అమ్మకాలు జరిగాయి. అంటే ఏడాదిలో 11.9 శాతం అమ్మకాలు పెరిగాయి. అదే విధంగా ఉమ్మడి రంగారెడ్డి జిల్లాలో 2017–18లో రూ.4,255 కోట్ల వ్యాపారం జరగ్గా.. 2018–19లో రూ.5234 కోట్ల అమ్మకాలు జరిగాయి. ఇక్కడా ఏడాదిలో 23 శాతం మేర మద్యం అమ్మకాలు పెరిగాయి. దీనిప్రకారం ప్రతి ఏటా మద్యం అమ్మకాలు అంతకంతకు పెరుగుతూనే ఉన్నాయి. రోజూ హైదరాబాద్‌ జిల్లాలో రూ.7 కోట్లు, ఉమ్మడి రంగారెడ్డి జిల్లాలో రూ.14 కోట్ల మద్యం వ్యాపారం జరుగుతోంది.  

ఈసారి పెంపు తప్పదా!
గతంలో ప్రభుత్వం మద్యం దుకాణాలకు బహిరంగంగా వేలం వేసేది. ఇందులో పాల్గొన్న మద్యం వ్యాపారులు ఎవరు ఎక్కువ పాడితే వారికే దుకాణం దక్కేది. కానీ ఈ పాలసీ వల్ల ఇబ్బందులు తలెత్తుతున్నాయని, ప్రభుత్వమే ముందుగా దుకాణం ధరను నిర్ణయించి లక్కీడిప్‌ ద్వారా కేటాయిచే పాలసీని తీసుకువచ్చారు. 2019 అక్టోబర్‌ నుంచి ప్రారంభమయ్యే కొత్త ఎక్సైజ్‌ పాలసీలోనూ పెద్దగా మార్పులు లేకపోయినా లైసెన్స్‌ ఫీజు మాత్రం పెంచుతారని తెలుస్తోంది. రెండేళ్ల క్రితం గ్రేటర్‌ పరిధిలోని ఒక్కో దుకాణానికి ఏడాదికి రూ.1.8 కోట్ల ధరను నిర్ణయించగా రెండేళ్లకు రూ.2.16 కోట్లుగా వ్యాపారుల నుంచి వసూలు చేశారు. కానీ కొత్త పాలసీలో ఈ ధర మరింత పెరిగే అవకాశముంది. అధిక ధర వెచ్చించి దుకాణం దక్కించుకున్న వ్యాపారులకు ఆదాయం రావాలంటే మద్యం ధరను పెంచక తప్పదు.  

దుకాణాల సంఖ్య పెంపు
గ్రేటర్‌ శివార్లలో కొత్త కార్పొరేషన్లు, కొత్త మున్సిపాలిటీలు ఏర్పడిన నేపధ్యంలో పాలసీలో మార్పులు వచ్చే అవకాశం ఉందని కొందరు ఎక్సైజ్‌ శాఖ అధికారులు అంటున్నారు. రెండేళ్ల క్రితం మండలాలు, మున్సిపాలిటీల పరిధిలో ఉన్న దుకాణాలకు ఏడాదికి లైసెన్స్‌ ఫీజు రూ.45 లక్షలుగా నిర్ణయించారు. కానీ ప్రస్తుతం అవి కార్పొరేషన్లు, మున్సిపాలిటీలుగా ఏర్పడటంతో లైసెన్స్‌ ఫీజు భారీగా పెరగనుంది. దీంతో పాటు దుకాణాల సంఖ్యను కూడా పెంచనున్నారు. దీనిద్వారా ప్రభుత్వానికి ఆదాయం భారీగా సమకూరే అవకాశముంది.

Read latest Telangana News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

కిరోసిన్‌ కట్‌

జైపాల్‌రెడ్డి అంత్యక్రియల్లో మార్పు

కమలంలో కోల్డ్‌వార్‌ 

మున్సిపల్‌ ఎన్నికలు జరిగేనా..?

వరంగల్‌లో దళారీ దందా

మెట్రో రూట్లో ఊడిపడుతున్న విడిభాగాలు..

‘నగర’ దరహాసం

పాతబస్తీ పరవశం

టీఆర్‌ఎస్‌ శ్రేణుల్లో గుబులు..

ఎఫ్‌ఎన్‌సీసీలో జిమ్‌ ప్రారంభం

హైదరాబాద్‌లో కాస్ట్‌లీ బ్రాండ్లపై మక్కువ..

తెలంగాణ సంస్కృతి, ఎంతో ఇష్టం

మాజీ ఎంపీ వివేక్‌ పార్టీ మార్పుపై కొత్త ట్విస్ట్‌!

గ్యాస్‌ ఉంటే.. కిరోసిన్‌ కట్‌..!

మరింత కిక్కు..! 

ఉమ్మడి జిల్లాపై ‘జైపాల్‌’ చెరగని ముద్ర 

జైపాల్‌రెడ్డి ఇక లేరు..

గోడపై గుడి చరిత్ర!

చెత్త‘శుద్ధి’లో భేష్‌ 

కృష్ణమ్మ వస్తోంది!

అంత డబ్బు మా దగ్గర్లేదు

లాభం లేకున్నా... నష్టాన్ని భరించలేం!

ఓయూ నుంచి హస్తినకు..

మాదాపూర్‌లో కారు బోల్తా 

20వ తేదీ రాత్రి ఏం జరిగింది?

నిజాయతీ, నిస్వార్థ రాజకీయాల్లో ఓ శకం ముగిసింది

బేగంపేటలో వింగర్‌ బీభత్సం 

ఆ పుస్తకం.. ఆయన ఆలోచన 

హైదరాబాద్‌ యూటీ కాకుండా అడ్డుకుంది జైపాలే 

ఓ ప్రజాస్వామ్యవాది అలుపెరుగని ప్రస్థానం 

ఆంధ్రప్రదేశ్
తెలంగాణ
సినిమా

నా జాక్‌పాట్‌ సూర్యనే!

‘నా కథ విని సాయిపల్లవి ఆశ్చర్యపోయింది’

నోరు జారి అడ్డంగా బుక్కైన రష్మీక

ఆ ముద్ర  చెరిగిపోయింది

తలైవి కంగనా

పూణే కాదు  చెన్నై