గోవా టు కూనూర్‌ వయా ముంబై... ఇది నాని కొత్త సినిమా రూట్‌ మ్యాప్‌. నాని హీరోగా శౌర్యువ్‌ దర్శకత్వంలో ఓ సినిమా రూపొందుతున్న సంగతి తెలిసిందే. ఈ సినిమాలో మృణాల్‌ ఠాకూర్‌ హీరోయిన్‌గా నటిస్తుండగా, శ్రుతీహాసన్‌ కీ రోల్‌ చేస్తున్నారు. తొలుత గోవాలో ఓ లాంగ్‌ షెడ్యూల్‌ను పూర్తి చేసిన చిత్ర యూనిట్, ఇటీవల ముంబైలో మరో షెడ్యూల్‌ను పూర్తి చేసుకుంది.
తాజాగా కొత్త షెడ్యూల్‌ కోసం కూనూర్‌ వెళ్లనున్నారు. ఇక్కడి లొకేషన్స్‌లో ప్రధాన తారాగణంపై కీలక సన్నివేశాలను చిత్రీకరిస్తారు. మోహన్‌ చెరుకూరి (సీవీఎం), డాక్టర్‌ విజయేందర్‌ రెడ్డి తీగల నిర్మిస్తున్న ఈ సినిమా డిసెంబరు 21న విడుదల కానుంది. ఈ చిత్రానికి సంగీతం: హేషమ్‌ అబ్దుల్‌ వహాబ్‌.
