Telangana Assembly Elections Updates..
ట్విటర్‌లో కాంగ్రెస్ నేత చిదంబరానికి కౌంటర్ ఇచ్చిన కేటీఆర్
👉1952-2014 వరకు వందలాది మంది తెలంగాణ యువకుల ప్రాణాలు తీయడానికి మీ పార్టీదే బాధ్యత.
👉మీరు ఇప్పుడు ఎంత కష్టపడినా, కాంగ్రెస్ మాపై చేసిన దౌర్జన్యాలను తెలంగాణ ప్రజలు ఎప్పటికీ గుర్తుంచుకుంటారు.
Too late and Too little Chidambaram Ji
Your party is solely responsible for taking the lives of hundreds of Telangana youngsters from 1952 - 2014
No matter how hard you try now, people of Telangana will always remember the brutalities Congress perpetrated on us https://t.co/ifUGOTAK93
— KTR (@KTRBRS) November 16, 2023
సీఎం కేసీఆర్‌పై ఎలక్షన్ కమిషన్‌కు ఫిర్యాదు చేసిన కాంగ్రెస్ పార్టీ
👉బహిరంగ సభల్లో రెవెన్యూ అధికారులపై దుర్బాషలాడారని, అధికారులపై అవినీతి ముద్ర వేసారని ఫిర్యాదు
👉ముఖ్యమంత్రి భహిరంగ సభల్లో ఇలా మాట్లాడితే శాంతిభద్రతల సమస్య తలెత్తే అవకాశం ఉందన్న కాంగ్రెస్
👉ముఖ్యమంత్రి మాట్లాడే భాషను కట్టడి చేయాలని సీఈఓను కోరిన నాయకులు
👉ముఖ్యమంత్రి పదవిలో ఉండి భాద్యతగా ఉండాలని సూచన
నర్సాపూర్ సీఎం కేసీఆర్ సభలో బుల్లెట్‌ల కలకలం..
👉సభ ప్రగణంలోకి వచ్చిన అస్లం అనే వ్యక్తి నుంచి రెండు బుల్లెట్ లను స్వాధీనం చేసుకున్న పోలీసులు.
👉సంగారెడ్డి జిల్లా రాయికోడ్ చెందిన అస్లం అనే యువకుడిని అదుపులోకి తీసుకొని విచారిస్తున్న పోలీసులు.
కూకట్ పల్లి రోడ్ షోలో కేటీఆర్
👉ఆరున్నర సంవత్సరాల పని తీరు మీ ముందుంది
👉హైదరబాద్‌లో స్థిరబడిన అందర్నీ కడుపులో పెట్టుకొని చూసుకుంటాం అని కేసీఆర్ చెప్పారు.
👉ఏ రాష్ట్రం అయిన మేము కాపాడుకున్నాం.
👉పెట్టుబడులు ఆకర్షిస్తు హైదరాబాద్ ఎంతో అభివృద్ధి చెందుతుంది.
👉చెన్నై నుంచి వచ్చిన రజినీకి హైదరాబాద్ అభివృద్ది కనిపిస్తుంది కానీ, ప్రతిపక్ష గజినిలకు కనపడడం లేదు.
👉కూకట్ పల్లి లో అభివృద్ది చేసి చూపించాం.
👉ఇక్కడి నుంచి ఎక్కడి వెళ్ళలన్నా ఫ్లై ఓవర్‌లు, అండర్ పాస్‌లు రోడ్ల విస్తరణతో ప్రయాణం సులువు అయ్యింది.
👉హైదరాబాద్‌లో ఐటీ అభివృద్ది చెందింది.
👉మాధవరం కృష్ణ రావును గెలిపించాలి. కేసిఆర్‌ను మళ్ళీ ముఖ్యమంత్రి చేయాలి.
👉మేం అధికారంలోకి గ్యాస్ సిలెండర్ ధర 400 కే ఇస్తాం.
👉పని చేసే ప్రభుత్వాన్ని పట్టించుకోకపొతే మళ్ళీ ఇబ్బంది పడతాం.
👉హైదరాబాద్ బాగుండాలంటే కేసీఆర్ రావాలి. లేదంటే కుక్కలు చింపిన విస్తరి అవుతుంది.
👉ఆరు గ్యారంటీలంటే హైదరాబాద్ అగమవటం రాజకీయ అస్థిరత, ఆరునెలలకో సీఎం రావటం, మళ్ళీ కరెంట్ కష్టాలు రావటం మాత్రం గ్యారంటీ
నర్సాపూర్ ప్రజా ఆశీర్వాద సభలో మంత్రి హరీష్ రావు
👉తెలంగాణ మేమే ఇచ్చినం అని చిదంబరం అంటున్నారు.
👉తెలంగాణ ప్రజలు పోరాటం చేసి తెలంగాణ సాధించుకున్నారు
👉పోరాటం చేస్తే, కేసీఆర్ ఆమరణ దీక్ష చేస్తే తెలంగాణ వచ్చింది.
👉బ్రిటీష్ వాళ్లు దేశానికి స్వాతంత్య్రం ఇచ్చారు అంటామా?
👉దేశ ప్రజలు పోరాటం చేసి, బ్రిటీష్ వారి మెడలు వంచి సాధించారు.
👉అలాగే తెలంగాణలో 14 ఏళ్లు కేసీఆర్ సారథ్యంలో ఉద్యమం చేసి తెలంగాణ సాధించాం.
👉కాంగ్రెస్ ముందే తెలంగాణ ఇచ్చి ఉంటే వందల మంది విద్యార్థుల ప్రాణాలు కాపాడుకునే వాళ్ళం.
👉వందల మందిని పొట్టన పెట్టుకున్నది కాంగ్రెస్ పార్టీ.
👉రేవంత్ రెడ్డి సోనియాను బలి దేవత అన్నాడు. కుర్చీ కోసం మాట మార్చాడు.
👉బీజేపీ వాళ్ళు ఏం ముఖం పెట్టుకొని తిరుగుతున్నారు.
👉బీజేపీ, కాంగ్రెస్ పార్టీలను నమ్మవద్దు. మోసపోవద్దు.
👉ధరణి వద్దు అన్నవాళ్ళను బంగాళాఖాతంలో కలపాలి
👉రైతు బంధు ఎందుకు అన్నవాళ్లను బొంద పెట్టాలి.
👉కరెంట్ ఎందుకు అన్నొడిని పొలిమేర దాకా తరిమి కొట్టాలి.
👉కాంగ్రెస్ ఉచిత కరెంట్‌ను ఉత్త కరెంట్ చేసింది.
👉10 హెచ్ పీ మోటార్లు ఎవరు ఇస్తారు. మూడు గంటల కరెంట్ ఎలా చాలుతుంది.
👉కర్ణాటకలో అనేక కరెంట్ కష్టాలు ఉన్నాయి.
👉ప్రతిపక్షాలకు ఎజెండా లేక బూతులు మాట్లాడుతున్నారు.
👉తెలంగాణకు దశ, దిశ అందించే నాయకులు కావాలి. బూతులు మాట్లాడే నాయకులు మనకు ఎందుకు?
👉అన్నీ వర్గాల ప్రజలు సంతోషంగా ఉంటున్నారు.
👉సాగు నీళ్ళు వచ్చాయి. రెండు పంటలు పండుతున్నాయి. కాంటాలు పెట్టీ ప్రతి గింజ కొనుగోలు చేస్తున్నారు.
👉9 ఏళ్ల సీఎం కేసీఆర్ పాలనలో కరువు లేదు, కర్ఫ్యూ లేదు.
👉గత ప్రభుత్వాలు రైతు నుంచి డబ్బులు వసూలు చేస్తే, కేసీఆర్ రైతు బంధు ద్వారా రైతులకు ఇస్తున్నారు.
👉రైతు బంధు, వ్యవసాయాన్ని అవమానించిన రేవంత్ రెడ్డికి ఓటుతో బుద్ది చెప్పాలి.
👉మిగిలిన రుణమాఫీని పూర్తి చేస్తాం. ఇప్పటికే ఎన్నికల కమిషన్ అనుమతి కోరాం. అనుమతి వస్తే వారంలో పూర్తి చేస్తాం.
👉లేదంటే వచ్చేది మన ప్రభుత్వం. డిసెంబర్ 3 తర్వాత చేసుకుందాం.
👉మంచి మానిఫెస్టో సీఎం కేసీఆర్ రూపొందించారు. ప్రజల్లోకి తీసుకు వెళ్ళాలి.
👉కర్ణాటక ప్రజలు ఎందుకు కాంగ్రెస్‌కు ఓటు వేశాం అని బాధపడుతున్నారు.
👉నర్సాపూర్ అంటే గులాబీ జెండా అడ్డ. సునితమ్మను మెజారిటీతో గెలిపించాల్సిన అవసరం ఉంది.
ఆయన వస్తే గెలుపు తథ్యం: మంత్రి పువ్వాడ అజయ్
👉 2018లో ఇదే నెలలో ఈ ప్రాంతంలో మైనార్టీ సభ పెట్టారు. అది నాకు సెంటిమెంట్ సభ.
👉కార్పొరేషన్ ఎన్నికల్లో హోం మంత్రి మహమూద్ అలీ వచ్చి ప్రచారం చేస్తే 16కు 16 సీట్లు గెలుచుకున్నాం
👉ఆయన వస్తే గెలుపు తథ్యం.
👉తెలంగాణ రాష్ట్రం ఏర్పడిన తర్వాత మొదటి డిప్యూటీ సీఎం పదవి ముస్లింలకు సీఎం కేసీఆర్ కేటాయించారు.
👉దీన్ని బట్టి ఆయనకు మైనార్టీల పట్ల ఉన్న నిబద్దత అర్థమవుతోంది.
👉హోం మంత్రి మహమూద్ అలీ స్థానం కేసీఆర్ గుండెల్లో పదిలం.
👉హోం మంత్రి నన్ను ఎప్పుడు తమ్ముడు అని సంబోధిస్తారు.
👉ఈ అజయ్ అన్న మీ బిడ్డ. ఇక్కడే పుట్టాను. ఇక్కడే చదువుకున్నాను.
👉ఇక్కడి ప్రజలంతా నా బంధువులు, నేను మీ బిడ్డను, మీ అన్నను, మీ తమ్ముడిని.
👉నేను ఇక్కడే ఉండే లోకల్ వ్యక్తిని, ఆయన ఇక్కడ ఉండడు
👉అవతలి వ్యక్తి ఎన్టీఆర్ ను మోసం చేసి చంద్రబాబు పంచన చేరాడు
👉 చంద్రబాబును మోసం చేసి కేసీఆర్ దగ్గరకు వెళ్ళారు. ఆయనను ఆదరించి మంత్రి పదవి ఇచ్చారు కేసీఆర్.
👉ఆయన ఖమ్మం ప్రజలకు చేసింది ఏం లేదు
👉కొంతమందిని ప్యాకేజీ ఇచ్చి తీసుకుని పోతున్నారు. నేను ప్రజలను నమ్ముకుని ఉన్నా వారే నాకు అండగా ఉంటారు
తెలంగాణలో ఇంకా పూర్తికాని గుర్తుల కేటాయింపులు
👉స్వతంత్ర అభ్యర్థులకు, నాన్‌ రిజిస్ట్రేషన్‌ పార్టీలకు గుర్తులు కేటాయించడంలో ఆలస్యం
👉నామినేషన్ల ఉపసంహరణ గడువు ముగిసి 24 గంటలు అవుతున్నా.. ఇంకా పూర్తికాని అభ్యర్థుల గుర్తుల కేటాయింపులు
👉తెలంగాణ వ్యాప్తంగా వెయ్యికిపైగా ఇండిపెండెంట్‌ అభ్యర్థులు
👉నామినేషన్లు ముగిసినా అభ్యర్థుల పేరుమీద రాని గెజిట్‌
👉ROల నుంచి సరైన సమాయానికి రాని పూర్తిస్థాయి రిపోర్టు
వికారాబాద్‌లో కేటీఆర్ రోడ్ షో
👉రాష్ట్రంలో మంచినీటి సమస్య తీరింది
👉ఇంటింటికి నల్లా ద్వారా మంచినీరు అందిస్తున్నాం
👉పాలమూరు-రంగారెడ్డి ప్రాజెక్టును అడ్డుకునేకుట్ర
👉కాంగ్రస్‌ ఒక్క ఛాన్స్‌ ఇవ్వమంటుంది
👉11 ఛాన్స్‌లు ఇస్తే ఏం చేసింది?
రైతుబంధు ఉండాలంటే వచ్చే అసెంబ్లీ ఎన్నికల్లో బీఆర్ఎస్ గెలవాలి
👉 నర్సాపూర్‌లో బీఆర్ఎస్ ప్రజా ఆశీర్వాద సభలో సీఎం కేసీఆర్
👉 రైతు బంధు పథకాన్ని కలలో కూడా ఎవరూ ఊహించలేదు.
👉మొట్ట‌మొద‌టిసారి రైతుబంధును పుట్టించిందే బీఆర్ఎస్.
👉 ఈ పథకం కింద పెట్టుబడి సాయం అందుతుంది.
👉దురదృష్టవశాత్తు రైతు చనిపోతే వారం రోజుల్లోనే రూ. 5 లక్షల బీమా అందిస్తున్నాం.
అవినీతి కమీషన్ల కోసమే మేడిగడ్డ ప్రాజెక్ట్: ఉత్తమ్‌కుమార్‌ రెడ్డి
👉నేను హౌసింగ్ మినిస్టర్‌గా ఉన్నప్పుడు లక్షల ఇల్లు కట్టిస్తే కేసీఆర్ అగ్గిపెట్టె ఇల్లు కట్టించారు.
👉రాబోయే కాంగ్రెస్ ప్రభుత్వంలో అర్హులైన అందరికీ వంద గజాల ఇంటి స్థలంతో పాటు ఇంటి నిర్మాణానికి ఐదు లక్షలు.
👉మన పిల్లల భవిష్యత్తు కోసం బీఆర్ఎస్ పార్టీని బొంద పెట్టాలి.
👉నిరుద్యోగ యువతకి ఉద్యోగాలు కల్పిస్తాం.
👉ఇంటికో ఉద్యోగం అని చెప్పి అధికారంలోకి వచ్చిన కేసీఆర్ ఊరికి ఒక ఉద్యోగం కూడా ఇవ్వలేదు.
👉డిసెంబర్ నెలలో కాంగ్రెస్ ప్రభుత్వం ఏర్పాటు చేసిన వెంటనే ఖాళీగా ఉన్న రెండు లక్షల ఉద్యోగాలు భర్తీ చేస్తాం
తెలంగాణ అసెంబ్లీ బరిలో 2290 మంది..
👉తెలంగాణ అసెంబ్లీ ఎన్నికల్లో మొత్తం 119 నియోజకవర్గాలకు గానూ 2290 మంది అభ్యర్థులు బరిలో నిలిచారు.
👉అత్యధికంగా ఎల్బీ నగర్‌లో 48 మంది పోటీ.
👉అత్యల్పంగా నారాయణపేట్‌ నియోజకవర్గం బరిలో ఏడుగురు అభ్యర్థులు.
👉సంగారెడ్డి: సీపీఎం జిల్లా కార్యాలయనికి వెళ్లిన మంత్రి హరీష్ రావు.
👉ఎన్నికల్లో బీఆర్ఎస్ పార్టీకి మద్దతు తెలపాలని జిల్లా కార్యదర్శి మల్లేశంను కోరిన మంత్రి హరీష్ రావు.
👉సంగారెడ్డి జిల్లా కొండాపూర్ మండలం మల్లెపల్లిలోని సంగారెడ్డి బీజేపీ ఇంచార్జి రాజీవ్ దేశ్ పాండే ఇంటికి చేరుకున్న మంత్రి హరీష్ రావు.
👉సంగారెడ్డి బీజేపీ టికెట్ ఆశించి భంగపడిన దేశ్ పాండే
👉బీజేపీ రాష్ట్ర నాయకత్వంపై అసంతృప్తిగా ఉన్న దేశ్ పాండేను బీఆర్‌ఎస్‌లోకి రావాలని ఆహ్వానించిన మంత్రి హరీష్.
👉నర్సాపూర్ ప్రజా ఆశీర్వద సభలో సీఎం కేసీఆర్ సమక్షంలో బీఆర్ఎస్ లో చేరనున్న దేశ్ పాండే
👉సంగారెడ్డి జిల్లా పఠాన్ చేరు జీ జడ్పీటీసీ గడిలా శ్రీకాంత్ గౌడ్ బీజేపీ పార్టీకి రాజీనామా
కాంగ్రెస్ నేత చిదంబరానికి మంత్రి హరీష్ రావు కౌంటర్
👉చిదంబరం తీరు చూస్తుంటే హంతకుడే సంతాపం తెలిపిన‌ట్టుగా ఉంది.
👉తెలంగాణ ప్రకటన చేసిన చిదంబరం.. దాన్ని వెనక్కి తీసుకున్న ఫలితంగానే కదా ఉద్యమంలో యువకులు బలిదానం చేసింది.
👉 పొట్టి శ్రీరాములు ప్రాణత్యాగం గురించి చిదంబరం మాట్లాడటం దొంగే దొంగ అన్నట్టుగా ఉంది.
👉పొట్టి శ్రీరాములు ఆంధ్రా రాష్ట్రం గురించి ఉద్యమించినపుడు కేంద్రంలో అధికారంలో ఉంది కాంగ్రెస్ ప్రభుత్వం కాదా ?
👉 అప్పటి నెహ్రు ప్రభుత్వం తాత్సారం చేయడం వల్లే కదా పొట్టి శ్రీరాములు చనిపోయింది?
👉 చరిత్ర తెలియనిది కేసీఆర్‌కు కాదు.. చిదంబరమే చరిత్ర తెలియకుండా వ‌క్ర భాష్యాలు చెబుతున్నారు.
👉అప్ప‌ట్లో మద్రాసు రాష్ట్రం ఉండేద‌ని, తెలంగాణ రాష్ట్రం లేకుండే అని చిదంబరం మాట్లాడటం హాస్యాస్పదం.
👉హైదరాబాద్ అనేది ఓ రాష్ట్రంగా ఉండేద‌నే విషయాన్ని ఆయన మరిచిపోతున్నారు.
-ట్విట్టర్‌లో మంత్రి హరీష్ రావు
సీఎం కేసీఆర్ ప్రజలను మభ్యపెడుతున్నారు: బీజేపీ ఎంపీ లక్ష్మణ్‌
►బీఆర్‌ఎస్‌కు ఎందుకు ఓటేయాలి?
►10 జిల్లాలను 33 చేశారు.
►కొత్త వ్యవస్థకు సరిపడా ఉద్యోగాలు భర్తీ చేయలేదు.
►నిరుద్యోగుల ఆశలపై నీళ్లు చల్లారు.
►ఉద్యోగాలను కేసీఆర్ ప్రభుత్వం దొంగతనంగా అమ్ముకుంటోంది.
►కొలువులు రావాలంటే కేసీఆర్ ప్రభుత్వం పోవాలి.
ఆదిలాబాద్ సభలో సీఎం కేసీఆర్
► గోండిలో అందరికి రాం రాం చెప్పిన కేసీఆర్
►దేశంలో ప్రజాస్వామ్య పరిణితి రాలేదు.
► ఓటు ఆయుధం. దీనిని జాగ్రత్తగా వాడాలి
►అభ్యర్థులను అలోచించి ఓటు వేయాలి. ఆ పార్టీ చరిత్రను చూడాలి.
►ఎన్నికలలో ప్రజల గెలుపే నిజమైన ప్రజాస్వామ్యం
►దేశంలో ఏ రాష్ట్రంలో లేనివిధంగా సంక్షేమ పథకాలు అమలు చేస్తున్నాము
►ఇరవై నాలుగు గంటలు కరెంట్ ఇస్తున్నాము
►రైతు బంధు ఇస్తున్నాము. రైతు బాధ నాకు తెలుసు
►ధరణితో ప్రజలకు అధికారం ఇచ్చాము.
►మీభూమి హక్కును మార్చే శక్తి ముఖ్యమంత్రికి కూడా లేదు.
►మీ బోటనవేలు ముద్ర పడితేభూమి మారుతుంది
►ధరిణితో రైతు బంధు ఇస్తున్నాము.
►ధరణి తీసేస్తే రైతు బంధు ఎలా వస్తుంది.
►ధరణి తీసేస్తే లంచాల రాజ్యం వస్తుంది.
►టీపీసీసీ అధ్యక్షుడు రేవంత్ రెడ్డి మూడు గంటలు కరెంట్ ఇస్తామంటున్నారు.
►చావు నోట్ల తలపెట్టి తెలంగాణ తెచ్చిన.
► కరెంట్ కావాలా.. కాంగ్రెస్ కావాలా? అని గ్రామాల్లో చర్చించాలి.
►జోగురామన్న. సామాన్యమైన వ్యక్తి.
►అతన్ని మంచి మెజారీటీతో గెలిపించాలి.
►కేంద్ర ఒక్క మెడికల్ కళాశాల, నవోదయ కళాశాల ఇవ్వలేదు
►బీజేపీకి ఒక్క ఓటు కూడా వేయకూడదు.
సమర్థ పాలన కేవలం బీజేపీతోనే సాధ్యం..
👉పటాన్ చెరు నియోజకవర్గంలోని రామచంద్రాపురంలో బీజేపీ బహిరంగ సభ.
👉 హాజరైన పార్టీ జాతీయ ప్రధాన కార్యదర్శి బండి సంజయ్.
👉పైసలిచ్చి మహిపాల్ రెడ్డి టికెట్ తెచ్చుకున్నారు: బండి సంజయ్.
👉 మియాపూర్ నుంచి సంగారెడ్డి వరకు మెట్రోరైలు విస్తరణకు కృషి చేస్తాం.
👉 ప్రధాని మోదీ ఇచ్చే పైసలతో డబుల్ బెడ్ రూం, ఆసుపత్రులు కట్టారు
👉 నీళ్లు, నిధులు, నియమకాలు పేరుతో అధికారంలోకి వచ్చిన కేసీఆర్ ఆయనకు మాత్రమే తప్ప ఎవరికీ ఉద్యోగాలు రాలేదు.
👉బీఆర్ఎస్, కాంగ్రెస్ దొందు దొందే. ఈ పార్టీలు ప్రజలను మభ్యపెట్టి పబ్బం గడుపుకునే ప్రయత్నం చేస్తున్నాయి.
👉 కేసీఆర్, కాంగ్రెస్ పార్టీలు కూర్చుని ఆరు గ్యారంటీ పథకాలు సృష్టించారు.
👉 సమర్థ పాలన కేవలం బీజేపీతోనే సాధ్యం.
👉 కాంగ్రెస్, బీబఆర్ఎస్ పార్టీలు అధికారంలోకి వస్తే తెలంగాణ మరో శ్రీలంక అవుతుంది.
👉 పోడు భూముల కోసం, నిరుద్యోగుల కోసం కొట్లాడితే మాపై కేసులు పెట్టారు.
👉 కాంగ్రెస్ పార్టీ నేతలు ఎవరికోసమైనా కొట్లాడి జైలుకు పోయారా?
👉 బీజే ముఖ్యమంత్రి డిక్లరేషన్ చేసి బీజేపీ సంచనం సృష్టించింది.
👉 తెలంగాణ రాష్ట్ర అభివృద్ధి కోసం బీజేపీ గెలవాలి.
👉 కేసీఆర్ దారుసలాంకు సలాం చేయడు దారుకే సలాం చేస్తాడు.
👉 మైనారిటీలను కాంగ్రెస్, బీఆర్ఎస్ మోసం చేశాయి. ఓటు బ్యాంకుగానే వారిని చూస్తున్నారు.
బీఆర్‌ఎస్‌కు భవిష్యత్‌ లేదు: భట్టి విక్రమార్క
►సీఎల్పీ నేత భట్టి విక్రమార్క ఖమ్మంలో ఎన్నికల ప్రచారం
►బీఆర్ఎస్ పార్టీ నుండి మల్లు భట్టి విక్రమార్క సమక్షంలో 30 కుటుంబాలు కాంగ్రెస్ పార్టీలో చేరిక.
►మధిర మండలం రామచంద్రపురంలో భట్టి కామెంట్స్
►కాంగ్రెస్ పార్టీ ప్రకటించిన ఆరు గ్యారంటీలను ప్రభుత్వం ఏర్పాటైనా 100 రోజుల్లో అమలు చేస్తాం.
►బీఆర్‌ఎస్‌కు భవిష్యత్తు లేదు.
►నవంబర్‌ 30 తరువాత రాష్ట్రంలో బీఆర్ఎస్ ఉండదు.
►పది సంవత్సరాలు రాష్ట్ర సంపదను దోచుకున్నారు.
►బీఆర్ఎస్ ప్రభుత్వాన్ని ప్రజలు వదిలించుకోవాలనుకుంటున్నారు.
►కాంగ్రెస్ పార్టీని అధికారంలోకి తీసుకరావాలని ప్రజలు సునామీలా ప్రభంజనం సృష్టించబోతున్నారు.
►డిప్యూటీ స్పీకర్ హయాంలో నియోజకవర్గంలో నిధులు వరదలా పారించాం.
►జాలిముడి ప్రాజెక్టును నిర్మిచాం.
►బీఆర్ఎస్ పార్టీ నుండి మల్లు భట్టి విక్రమార్క సమక్షంలో 30 కుటుంబాలు కాంగ్రెస్ పార్టీలో చేరిక.
ఆర్‌ఎస్‌ ప్రవీణ్‌ కుమార్‌కు ఊరట
►తెలంగాణ బీఎస్పీ అధ్యక్షుడు ఆర్‌ఎస్‌ ప్రవీణ్‌ కుమార్‌కు హైకోర్టులో ఊరట లభించింది.
►ప్రవీణ్‌ కుమార్‌ను అరెస్ట్‌ చేయవద్దంటూ కోర్టు ఆదేశిచ్చింది.
►సిర్పూర్‌ కాగజ్‌నగర్‌ నుంచి ఎన్నికల బరిలో నిలిచిన ప్రవీణ్‌ కుమార్
►సిర్పూర్‌లో కొంత మందిపై ప్రవీణ్‌ కుమార్ దాడి చేశారని, డబ్బులు తీసుకున్నారని ఆయనపై కేసు నమోదు.
►దీంతో, హైకోర్టులో క్వాష్‌ పిటిషన్‌ వేసిన ప్రవీణ్‌ కుమార్
►విచారణ చేపట్టిన తెలంగాణ హైకోర్టు.
►తదుపరి ఉత్తర్వులు వెలువడే వరకు అరెస్ట్‌ చేయవద్దని కోర్టు ఆదేశం.
కాంగ్రెస్ మేనిఫెస్టో రెడీ!..
►కాంగ్రెస్ మేనిఫెస్టోలోని కొన్ని అంశాలు.
►ధరణి స్థానంలో భూ భారతి పేరుతో అప్‌గ్రేడ్‌ యాప్‌.
►గ్రామ వార్డు సభ్యులకు గౌరవ వేతనం.
►రేషన్‌ డీలర్లకు గౌరవ వేతనంతో పాటుగా కమీషన్‌.
►అభయ హస్తం పథకం తిరిగి పునద్దరణ.
►ఆర్‌ఎంపీ, పీఎంపీలకు గుర్తింపు కార్డులు.
►అమ్మహస్తం పేరుతో 9 నిత్యవసర వస్తువుల పంపిణీ.
►ఎంబీసీలకు ప్రత్యేక కార్పొరేషన్.
తెలంగాణ ఎన్నికల బరిలో 2290 మంది అభ్యర్థులు..
►రాష్ట్రంలో 119 నియోజకవర్గాలకుగానూ 2290 మంది అభ్యర్థులు.
►గజ్వేల్ బరిలో 44 మంది అభ్యర్థులు.
►గజ్వేల్ 114 అభ్యర్థులు కాగా 70 మంది ఉపసంహరణ
►మేడ్చల్‌లో 67 అభ్యర్థులకు గాను 45 మంది ఉపసంహరణ, పోటీలో ఉన్న అభ్యర్థులు 22 మంది.
►ఎల్బీ నగర్‌లో 48,
►సిరిసిల్ల, సిద్దిపేటలో 21,
►కామారెడ్డిలో 39,
►నాంపల్లి 34,
►మల్కాజిగిరి 33,
►షేర్ లింగంపల్లి 31 అభ్యర్థులు.
జగిత్యాల జిల్లా:
కోరుట్ల నియోజకవర్గంలో ఎమ్మెల్సీ కవిత ప్రచారం
మెట్‌పల్లి మండలం బండలింగాపూర్‌లో సిట్టింగ్ ఎమ్మెల్యే విద్యాసాగర్ రావుతో కలిసి బీఆర్ఎస్ అభ్యర్థి సంజయ్ కోసం రోడ్ షో లో పాల్గొన్న కవిత.
తెలంగాణలో స్పీడ్‌ పెంచిన ఈసీ..
►తెలంగాణలో పోలీంగ్‌కు ఈసీ స్పీడ్‌ పెంచింది.
►కాసేపట్లో ఈసీ వీడియో కాన్ఫరెన్స్‌.
►వీడియో కాన్ఫరెన్స్‌లో పాల్గొననున్న సీఈవో వికాస్‌రాజ్‌ బృందం.
రేవంత్ వ్యాఖ్యలు సరైనవి కావు: మహమూద్ అలీ
►ఖమ్మంలో ప్రచారంలో పాల్గొన్న హోం మంత్రి మహమూద్ అలీ.
►కాంగ్రెస్‌లో 20 మంది ముఖ్యమంత్రులు ఉన్నారు.
►బీఆర్ఎస్‌లో సీఎం కేసీఆర్ మాత్రమే.
►రేవంత్ రెడ్డి ఆర్‌ఎస్‌ఎస్‌వాది తరువాతే కాంగ్రెస్‌వాది.
►రేవంత్ వ్యాఖ్యలు సరైనవి కావు
►గాంధీ స్వాతంత్ర్యం కోసం పోరాడాడు.
►ఫరూఖ్ అజూల్లా న్యాయం కోసం పోరాడిన నాయకుడు
►తెలంగాణ గాంధీ కేసీఆర్
►మీడియాలో నా వ్యాఖ్యలను వక్రీకరించారు
►ఎవరైనా నా వ్యాఖ్యలకు బాధపడితే క్షమించాలి.
►పువ్వాడ అజయ్‌ను మళ్లీ గెలిపించాలి.
►గతంలో ఉన్న ఖమ్మం ఇప్పుడున్న ఖమ్మంను చూసి బీఆర్ఎస్ అభ్యర్థిని గెలిపించాలి.
బీఆర్ఎస్ సభకు అనుమతి..
►పరేడ్‌ గ్రౌండ్‌లో బీఆర్ఎస్ సభకు అనుమతి లభించింది.
►ఈనెల 25న పరేడ్‌ గ్రౌండ్‌లో బీఆర్ఎస్ సభ.
►భారీగా జన సమీకరణను బీఆర్ఎస్ కసరత్తు.
►సభలో పాల్గొననున్న సీఎం కేసీఆర్.
ఖర్గే సమక్షంలో కాంగ్రెస్‌లోకి విజయశాంతి..
►సీనియర్‌ నేత విజయశాంతి కాంగ్రెస్‌లో చేరుతున్నారు.
►రేపు తెలంగాణకు కాంగ్రెస్ అధ్యక్షుడు మల్లికార్జున ఖర్గే.
►ఖర్గే సమక్షంలో విజయశాంతి కాంగ్రెస్‌లో చేరుతున్నారు.
►బుధవారం బీజేపీకి రాజీనామా చేసిన విజయశాంతి.
►రాజీనామా లేఖను కిషన్‌రెడ్డికి పంపిన విజయశాంతి.
►ఆమె రాజీనామా లేఖపై ఇంకా స్పందించని బీజేపీ.
ఐటీ సోదాలపై భాస్కర రావు సీరియస్‌ కామెంట్స్..
►మిర్యాలగూడలో ఐటీ సోదాలపై స్పందించిన భాస్కర రావు
►ఎక్కడో వ్యాపారస్తుల మీద రైడ్ జరిగితే నాకేం సంబంధం
►నా బంధువులపై, నా కుమారుల ఇంట్లో సోదాలు జరగట్లేదు.
►నాపైన ఐటీ సోదాలు జరిగితే నేనెందుకు ఎన్నికల ప్రచారం నిర్వహిస్తాను
►నాకు పవర్ ప్లాంట్స్‌ ఉన్నాయి అన్నది అపోహ మాత్రమే..
►నాపైన ఐటీ సోదాలు జరుగుతున్నాయన్న ప్రచారాన్ని నమ్మకండి.
►నేను ఎన్నికల ప్రచారంలో బిజీగా ఉన్నాను.
నల్లగొండ జిల్లా:
నల్లగొండ పట్టణంలోని 38వ వార్డులో కొనసాగుతున్న కోమటిరెడ్డి వెంకటరెడ్డి సతీమణి సబిత ఎన్నికల ప్రచారం
నల్గొండ జిల్లా:
మునుగోడు పట్టణ కేంద్రంలో గడపగడపకు ప్రచారంలో పాల్గొన్న బీఆర్ఎస్ అభ్యర్థి కూసుకుంట్ల ప్రభాకర్ రెడ్డి.
బీఆర్ఎస్ మేనిఫెస్టోను వివరిస్తూ ఓటును అభ్యర్థిస్తున్న కూసుకుంట్ల ప్రభాకర్ రెడ్డి.
మెదక్ జిల్లా:
నర్సాపూర్ సభలో ముఖ్యమంత్రి కేసీఆర్ సమక్షంలో బీఆర్ఎస్ పార్టీలో చేరనున్న పీసీసీ మాజీ రాష్ట్ర ఉపాధ్యక్షుడు గాలి అనిల్ కుమార్
గాలి అనిల్ కుమార్ ఇంటికి మంత్రి హరీష్
సంగారెడ్డి జిల్లా;
అమిన్ పూర్ లోని పీసీసీ రాష్ట్ర మాజీ ఉపాధ్యక్షుడు గాలి అనిల్ కుమార్ ఇంటికి చేరుకున్న మంత్రి హరీష్‌రావు
గాలి అనిల్ కుమార్‌ని బీఆర్ఎస్ పార్టీలోకి ఆహ్వానించిన మంత్రి హరీష్
కేసీఆర్ కొత్త టెన్షన్‌.. గెలుపుపై ఎఫెక్ట్‌?
►తెలంగాణలో బుధవారంతో ముగిసిన నామినేషన్ల ఉపసంహరణ గడువు
►బరిలో నిలిచే అభ్యర్థులను ఫైనల్ చేసిన ఎలక్షన్ కమిషన్
►సీఎం కేసీఆర్ బరిలో ఉన్న గజ్వేల్, కామారెడ్డిలో అత్యధిక అభ్యర్థులు
►గజ్వేల్-44, కామారెడ్డి-39 మంది అభ్యర్థులు
►నిన్న సాయంత్రం మూడు గంటలకు ముగిసిన నామినేషన్ల ఉపసంహరణ గడువు
►ఇప్పటికీ అధికారిక ప్రకటన చేయని ఎలక్షన్ కమిషన్
►స్వతంత్ర అభ్యర్థులకు గుర్తులు కేటాయించడంలో ఆలస్యం అవుతుందన్న ఈసీ
►ఈరోజు పూర్తిస్థాయి ప్రకటన చేస్తామన్న ఎలక్షన్ కమిషన్
►అత్యాల్పంగా నారాయణపేటలో 10మంది అభ్యర్థులు మాత్రమే పోటీలో
►GHMC పరిధిలోని 15 సెగ్మెంట్లలో 312 మంది అభ్యర్థులు
►నిన్న 15 నియోజకవర్గాల్లో కలిపి ఉపసంహరణ చేసుకున్న 20మంది అభ్యర్థులు
►హైదరాబాద్ పరిధిలో అత్యధికంగా నాంపల్లి సెగ్మెంట్ బరిలో 34 మంది అభ్యర్థులు
►ముషీరాబాద్ 31, మలక్ పేట్, యాకుత పురాలో 27మంది అభ్యర్థులు
►ఖైరతాబాద్ 25, సికింద్రాబాద్ బరిలో 24మంది అభ్యర్థులు
►అత్యల్పంగా సికింద్రాబాద్ కంటోన్మెంట్ బరిలో 10మంది అభ్యర్థులు.
తెలంగాణలో మళ్లీ మొదలైన ఐటీ సోదాలు
►తెలంగాణలో ఎన్నికల వేళ ఐటీ సోదాలు కలకలం.
►మిర్యాలగూడ బీఆర్ఎస్ అభ్యర్థి నల్లమోతు భాస్కర్‌రావు ఇంటిపై ఐటీ దాడులు.
►మొత్తం 40 బృందాలతో ఐటీ అధికారుల దాడులు
►ఎన్నికల కోసం భారీగా డబ్బు నిల్వ చేసినట్టు ఆరోపణలు
►హైదరాబాద్, నల్గొండ, మిర్యాలగూడలో ఏకకాలంలో ఐటీ తనిఖీలు.
►ఒక్క నల్గొండలోనే 30 బృందాలతో సోదాలు చేస్తున్న ఐటీ.
►ప్రస్తుతానికి మిర్యాలగూడ ఎమ్మెల్యేగా కొనసాగుతున్న నల్లమోతు భాస్కరరావు
►ఎన్నికల నేపథ్యంలో భారీగా డబ్బులు నిల్వ చేసినట్లుగా ఆరోపణలు.
►నల్లమోతు భాస్కరరావుకి దేశవ్యాప్తంగా వ్యాపారాలు
►పలు పవర్ ప్లాంట్లలో పెట్టుబడి పెట్టిన భాస్కరరావు.
►భాస్కరరావు, ఆయన బావమరిది శ్రీధర్‌తో పాటు మరొక నాలుగు చోట్ల మిర్యాలగూడలో జరుగుతున్న సోదాలు
రేపు తెలంగాణలో ఖర్గే, రాహుల్ పర్యటన..
►పినపాక, పరకాల, వరంగల్ ఈస్ట్, వరంగల్ వెస్ట్, రాజేందర్ నగర్‌లలో రాహుల్ గాంధీ ఎన్నికల ప్రచారం.
►రేపు మధ్యాహ్నం టీకాంగ్రెస్ ఎన్నికల మ్యానిఫెస్టోను విడుదల చేయనున్న ఏఐసీసీ అధ్యక్షుడు ఖర్గే
►సాయంత్రం కుత్బుల్లాపూర్ ఎన్నికల ప్రచారంలో పాల్గొననున్న ఖర్గే
నేడు మేడ్చల్‌లో రేవంత్ ప్రచారం..
►నేడు మేడ్చల్ నియోజకవర్గంలో టీపీసీసీ అధ్యక్షుడు రేవంత్ రెడ్డి ఎన్నికల ప్రచారం
►జవహర్ నగర్, మేడ్చల్ ప్రాంతాల్లో కార్నర్ మీటింగ్స్‌లో పాల్గొననున్న రేవంత్
►ఉదయం 11 గంటలకు జవహర్ నగర్, మధ్యాహ్నం 12 గంటలకు కార్నర్ మీటింగ్స్‌లో పాల్గొననున్న రేవంత్
నేడు నాలుగు నియోజకవర్గాల్లో కేసీఆర్ ఎన్నికల ప్రచారం
►ఆదిలాబాద్, బోథ్‌, నిజామాబాద్, నర్సాపూర్‌లో సభలు.
►నిజామాబాద్ రూరల్ నియోజక వర్గం డిచ్ పల్లిలో నేడు సీఎం కేసీఆర్ పర్యటన
►ప్రజా ఆశీర్వాద సభలో పాల్గొననున్న సీఎం కేసీఆర్, బాజిరెడ్డి గోవర్దన్
►ఈ పర్యటనతో జిల్లాలో ముగుస్తున్న కేసీఆర్ సభలు
►కామారెడ్డిపై దృష్టి సారించనున్న కేసీఆర్సీఎం కేసీఆర్ నేడు ఆదిలాబాద్ జిల్లాలో పర్యటించనున్నారు.
►ఆదిలాబాద్ నిర్వహించే బీఆర్ఎస్ ప్రజా ఆశీర్వాద సభల్లో కేసీఆర్ పాల్గొంటారు.
నేడు కోరుట్లలో ఎమ్మెల్సీ కవిత ప్రచారం
►ఎమ్మెల్సీ కవిత నేడు కోరుట్లలో ఎన్నికల ప్రచారం చేయనున్నారు.
►కోరుట్ల బీఆర్ఎస్ అభ్యర్థి డాక్టర్ సంజయ్, సిట్టింగ్ ఎమ్మెల్యే విద్యాసాగర్ రావుతో కలిసి ప్రచారం..
►బండలింగాపూర్, వెల్లుల్ల, ఇబ్రహీంపట్నం, మల్లాపూర్, కోరుట్ల మండలం ఐలాపూర్‌లో సాయంత్రం వరకు ప్రచారంలో పాల్గొననున్న కవిత.
