మాడ్రిడ్‌: ఏటీపీ మాస్టర్స్‌ 1000 టెన్నిస్‌ టోర్నీ మాడ్రిడ్‌ ఓపెన్‌లో టైటిల్‌ సాధించేందుకు బరిలోకి దిగిన భారత ఆటగాడు రోహ న్‌ బోపన్నకు నిరాశే ఎదురైంది. శనివారం జరిగిన ఫైనల్లో ఏడో సీడ్‌ బోపన్న – మాథ్యూ ఎబ్డెన్‌ (ఆస్ట్రేలియా) జోడి ఓటమిపాలైంది.
డబుల్స్‌లో జత కట్టిన సింగిల్స్‌ స్పెషలిస్ట్‌లు, రష్యాకు చెందిన కరెన్‌ ఖచనోవ్‌ – ఆండ్రీ రుబ్లెవ్‌ 6–3, 3–6, 10–3 స్కోరుతో బోపన్న – ఎబ్డెన్‌పై విజయం సాధించారు. 69 నిమిషాల పాటు సాగిన ఈ పోరులో బోపన్న – ఎబ్డెన్‌ ద్వయం 4 ఏస్‌లు సంధించగా, రష్యా జంట 3 ఏస్‌లు కొట్టింది.
