చిత్తూరు(తిరుపతి): తిరుపతి పట్టణంలోని గోవిందరాజు గుడి సమీపంలో ఉన్న ఓ లాడ్జీలో ప్రేమ జంట గురువారం బలవన్మరణానికి పాల్పడింది. మృతులు దేవిశ్రీ(22), దుర్గారావు(25) పశ్చిమగోదావరి జిల్లా వాసులుగా గుర్తించారు. దుర్గారావుకు 8 నెలల క్రితం వేరే యువతితో ఇష్టంలేని వివాహమైంది. దేవిశ్రీ, దుర్గారావు గతంలో ప్రేమికులు. కాని పెద్దలు వారి ప్రేమను అంగీకరించకుండా దుర్గారావుకు వేరే యువతితో వివాహం జరిపించారు. ఈ క్రమంలో 4 రోజుల క్రితం వీరిద్దరూ ఇంటిని వదిలి తిరుపతిలో వివాహం చేసుకుని లాడ్జిలో దిగారు. లాడ్జి మేనేజరు గురువారం సాయంత్రం 4 గంటలకు రూం ఖాళీ చేయాలని కోరాడు. దుర్గారావు కూడా ఖాళీ చేస్తున్నానని చెప్పాడు. మేనే జర్ మళ్లీ వచ్చి చూసేసరికి ఇద్దరూ ఉరేసుకుని ఆత్మహత్య చేసుకున్నారు. మేనేజర్ సమాచారాన్ని తిరుపతి పోలీసులకు అందించారు. పోలీసులు కేసు నమోదుచేసుకుని దర్యాప్తు చేస్తున్నారు.
