విజయవాడ : కోడి పందేలను పోలీసులు అడ్డుకోవడం దురదృష్టకరమని పెనమలూరు ఎమ్మెల్యే బోడె ప్రసాద్ తెలిపారు. పూర్వం నుంచి కోడి, పొట్టేలు పందేలను పండుగ సంప్రదాయంలో భాగంగా వేడుకలాగా నిర్వహించేవారన్నారు. హింసకు తావు లేకుండా చట్టానికి లోబడి ఈ వేడుకలు జరుపుతున్నారని తెలిపారు. అయితే ఎవరో ఓ వ్యక్తి కోర్టుకి వెళితే పోలీసులు అడ్డుకోవడం మెజార్టీ ప్రజల మనోభావాలకు విలువ ఇవ్వనట్టేనని పేర్కొన్నారు. తమిళనాడులో జల్లి కట్టు కోసం ఆర్డినెన్స్ తెచ్చారు. ఇక్కడ అలా కాకుండా కేవలం సంక్రాంతి సందర్భంగా 3 రోజులు కోళ్ల పందేలకు అనుమతి ఇస్తే బాగుంటుందని తెలిపారు.
