ఈ ఫొటో గురించి చెప్పుకునే ముందు.. దీన్ని తీసిన ఫొటోగ్రాఫర్ జోస్ మార్టినేజ్ గురించి చెప్పుకోవాలి. ఎందుకంటే.. సాహసంతో కూడిన ఈ చిత్రాలు తీయడమంటే మాటలా మరీ. అదీ అలస్కాలోని హిమనీనదాల్లో.. తాను తీసే చిత్రాలు తన కస్టమర్స్ జీవితాల్లో మరిచిపోని అనుభూతిగా మిగిలిపోవాలన్నది జోస్ ఆశయం. దానికి నిదర్శనమే ఈ పెళ్లి చిత్రం. ఇటీవల క్నిక్ హిమనీనదం వద్ద ఇలాంటి అనేక చిత్రాలను తీశాడు. ఇందుకోసం ముందుగా హెలికాప్టర్ ఎక్కి.. ఫొటోలు తీయడానికి అనువైన ప్రదేశాలు ఎంచుకున్నాడు. తర్వాత పెళ్లికొడుకు, పెళ్లి కూతురిని తీసుకెళ్లి.. అద్భుత చిత్రాలను తీశాడు.
