ముంబై: డాలర్తో పోల్చితే రూపాయి రికార్డు స్థాయిలో బలహీనపడింది. 61 రూపాయలకు పడిపోయింది. బ్యాంకులు, దిగుమతిదారుల నుంచి డాలర్కు నిరంతరం డిమాండ్ ఉండటంతో ఈ పరిస్థితి ఏర్పడింది. గత జూన్ 26న ఇంటర్ బ్యాంక్ ఫాక్ఛ్సేంజ్ మార్కెట్లో డాలర్తో మారకం 60.22 రూపాయలు కాగా, ఈ రోజు రికార్డు స్థాయిలో 61.21 రూపాయలకు దిగజారింది. రూపాయి విలువ పడిపోవడంతో భారత వాణిజ్య వేత్తలు ఆందోళనకు గురౌతున్నారు.
ఈ ఏడాది డాలర్ మారకంలో హెచ్చు తగ్గుల వల్ల దేశీయ రూపాయి 10 శాతం మేర నష్టపోయింది. ఈ ఆర్థిక సంవత్సరానికి ద్రవ్యలోటు 4.8 శాతంకు చేరిన విషయం తెలిసిందే. పరిస్థితులను బట్టి దిగుమతులను తగ్గించుకోవడం, ఎగుమతులను పెంచుకోవడం ద్వారా రూపాయి పతనానికి అడ్డుకట్టవేయవచ్చనే అభిప్రాయాన్ని పారిశ్రామికవేత్తలు వ్యక్తం చేస్తున్నారు. క్యాడ్ అనుగుణంగా విదేశీ కరెన్సీ అందుబాటులో ఉంచడం కష్టతరంగా మారింది.
