10 సెకన్లలో​ క్యాన్సర్‌ను గుర్తించే పెన్‌

7 Sep, 2017 16:06 IST|Sakshi
10 సెకన్లలో​ క్యాన్సర్‌ను గుర్తించే పెన్‌
న్యూయార్క్‌: క్యాన్సర్‌ చికిత్సలో కచ్చితత్వం పెరిగేలా ముందడుగు పడింది. సర్జరీ సమయంలో క్యాన్సర్‌ కణాన్ని గుర్తించే పెన్‌ వంటి పరికరాన్ని శాస్త్రవేత్తలు రూపొందించారు. ఈ పరికరం కేవలం పది సెకన్లలోనే 96 శాతం నిక్కచ్చిగా ఫలితాలను ఇస్తుంది. ప్రస్తుతం ఉన్న టెక్నాలజీతో పోలిస్తే మాస్పెక్‌ పెన్‌గా పిలిచే ఈ పరికరం 150 రెట్లు వేగంగా పనిచేస్తుంది. క్యాన్సర్‌ కణుతులను తొలగించే క్రమంలో ఏ కణుతులను తొలగించాలి, వేటిని కాపాడాలనే విషయంలో సర్జన్లకు ఈ వినూత్న డిస్పోజబుల్‌ పరికరం మెరుగ్గా ఉపకరించనుంది. క్యాన్సర్‌ కణాల వ్యాప్తిని నిరోధించి మెరుగైన చికిత్స అందించడంలో కూడా మాస్పెక్‌ పెన్‌ అందుబాటులోకి రానుంది. 
 
క్యాన్సర్‌ కణుతులను పూర్తిగా నిర్మూలించేందుకు ఈ టెక్నాలజీ సర్జన్లకు బాగా ఉపకరిస్తుందని యూనివర్సిటీ ఆఫ్‌ టెక్సాస్‌ అసిస్టెంట్‌ ప్రొఫెసర్‌ లివియా ఎబెర్లిన్‌ చెప్పారు. ఈ పెన్‌ను రోగి కణాలపై ఉంచినప్పుడు వాటిపై పరికరం నీటి బిందువును జారవిడుస్తుంది...ఈ శాంపిల్‌ను పరికరంలో ఉండే మాస్‌ స్పెక్ట్రోమీటర్‌ గ్రహిస్తుంది. సూక్ష్మాతిసూక్ష్మమైన అణువులను సైతం ఇది పరీక్షిస్తుంది.
Read latest National News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు