అస్తానా (కజకిస్తాన్ ): ప్రపంచ సీనియర్ మహిళల బాక్సింగ్ చాంపియన్‌షిప్‌లో తెలంగాణ అమ్మాయి నిఖత్ జరీన్ ప్రిక్వార్టర్ ఫైనల్లోకి దూసుకెళ్లింది. శుక్రవారం జరిగిన 54 కేజీల విభాగం తొలి రౌండ్‌లో నిఖత్ 2-1తో బియాంకా ఎల్ మీర్ (ఆస్ట్రేలియా)పై విజయం సాధించింది. ప్రిక్వార్టర్ ఫైనల్లో ఎరికా అడ్‌జీ (కెనడా)తో నిఖత్ తలపడుతుంది.
75 కేజీల విభాగంలో పూజా రాణి, 57 కేజీల విభాగంలో సోనియా లాథెర్ కూడా శుభారంభం చేశారు. మరియా బొరుత్సా (ఉక్రెయిన్)పై పూజా రాణి... గెండెగ్మా మ్యాగ్మార్ (మంగోలియా)పై సోనియా గెలుపొందారు.
