భార్య నోట్లో గుడ్డ పెట్టి.. తలను గోడకు బాది

1 Sep, 2018 11:46 IST|Sakshi
సావిత్రి మృత దేహం

బాన్సువాడ టౌన్‌ : పట్టణానికి చెందిన ఈరబోయిన సావిత్రి అలియాస్‌ అనురాధ(34) అనే వివాహితను ఆమె భర్త ఈరబోయిన రాజు హత్య చేసినట్లు బాన్సువాడ రూరల్‌ సీఐ శ్రీనివాస్‌రావు తెలిపారు. పట్టణంలోని గూడేంగల్లికి చెందిన రాజుకు పదేళ్ల కిత్రం బీర్కూర్‌ మండలం దామరంచ గ్రామానికి చెందిన సావిత్రితో వివాహమైంది. వీరికి కుమారుడు, కుమార్తె ఉన్నారు. తాగుడుకు బానిసైన రాజు నిత్యం భార్య సావిత్రిని వేధిస్తూ కొట్టేవాడు.

గురువారం బాన్సువాడలో సంత కావడంతో భార్యభర్తలు ఇద్దరు కలిసి సంతకు వెళ్లి కురగాయలు కొనుక్కొని కల్లు తాగి ఇంటికి వచ్చారు. రాత్రి ఇంట్లో నిద్రిస్తున్న సావిత్రి నోట్లో గుడ్డ పెట్టి తలను గోడకు బాదాడు. తీవ్రంగా గాయాలైన సావిత్రి మెడను నొక్కడంతో అక్కడికక్కడే మృతి చెందింది. ఉదయం ఎప్పటి లాగానే లేచి తన భార్య రాత్రి పడుకుని లేవడం లేదని చుట్టుపక్కల వారిని నమ్మించాడు.

మామూలుగానే చనిపోయిందని బావించిన కుటుంబికులు సావిత్రి కుటుంబ సభ్యులకు సమాచారం అందించారు. మృతురాలి బంధువులు వచ్చి చూడగా మెడపై, తలపై. వీపుపై గాయాలు కనబడడంతో పోలీసులకు సమాచారం అందించారు. సీఐ వచ్చి సావిత్రి భర్త రాజును అదుపులోకి తీసుకుని విచారించగా తానే చంపినట్లు ఒప్పుకున్నాడని సీఐ తెలిపారు. శవాన్ని పోస్టుమాస్టం నిమిత్తం ఆస్పత్రికి తరలించారు. సావిత్రి మేనమామ లస్మయ్య పిర్యాదు మేరకు కేసు నమోదు చేసినట్లు సీఐ తెలిపారు.

Load Comments
Hide Comments
మరిన్ని వార్తలు

తమిళనాడు చేరుకున్న జవాన్ల మృతదేహాలు

ముఖానికి ప్లాస్టిక్‌ కవర్‌ చుట్టుకుని...

అతడి ఇంట్లో శవాన్ని చూసి పారిపోయారు

సిగరెట్‌ ఇస్తుండగానే లాక్కెళ్లారు

ప్రయోజకుడిని చేస్తే పట్టించుకోవడం లేదు

ఆంధ్రప్రదేశ్
తెలంగాణ
సినిమా

పింక్‌ రీమేక్‌ మొదలైంది.!

పుల్వామా ఘటన.. విజయ్‌ ఆర్థిక సాయం

లొకేషన్ల వేటలో ‘ఆర్‌ఎక్స్‌ 100’..!

ఇన్నాళ్లకు విడుదలవుతోంది..!

దర్శకుడిగా మారనున్న కమెడియన్‌..!

‘కడుపుబ్బా నవ్వించి పంపే బాధ్యత మాది!’