మతిస్థిమితం కోల్పోయిన ఆర్టీసీ కండక్టర్‌

8 Nov, 2019 08:53 IST|Sakshi
మతిస్థిమితం కోల్పోయిన కండక్టర్‌ నాగేశ్వర్‌తో కుటుంబ సభ్యులు

మూడు,నాలుగు రోజులుగా ప్రవర్తనలో మార్పు 

చికిత్స కోసం ఆర్టీసీ ఆస్పత్రికి వెళ్తే వెళ్లగొట్టారు

కండక్టర్‌ భార్య సుజాత ఆవేదన

దాతలు సాయం చేయాలని వేడుకోలు

జోగిపేట (అందోల్‌): ‘ఆర్టీసీ సమ్మె ముగియకుంటే మా జీవితాలు ముగిసినట్లే. నా భర్త ఉద్యోగానికి వెళ్తేనే కుటుంబం గడిచే పరిస్థితి. సీఎం సారూ.. కనికరిస్తే బాగుండు. సమ్మె కారణంగా ఆందోళనతో నా భర్త మతి స్థిమితితం కోల్పోయాడు. కడుపునిండా తిని 20 రోజులయ్యింది’అంటూ ఆర్టీసీ కండక్టర్‌ నాగేశ్వర్‌ (45) భార్య సుజాత కన్నీటి పర్యాంతమవుతూ తమ కష్టాలను వెల్లడించింది. వివరాలిలా ఉన్నాయి.. సంగారెడ్డి జిల్లా నారాయణఖేడ్‌ డిపోలో పనిచేస్తున్న కండక్టర్‌ నాగేశ్వర్‌ జోగిపేటకు చెందిన సుజాతను 18 సంవత్సరాల క్రితం వివాహం చేసుకున్నాడు. సంగారెడ్డిలో అద్దె ఇంట్లో ఉంటూ జీవనం సాగిస్తున్నాడు.

ఆర్టీసీ సమ్మెలో భాగంగా ప్రతి రోజు సంగారెడ్డి డిపో వద్ద జరిగే ఆందోళన కార్యక్రమాల్లో పాల్గొన్నాడు. ఇటీవల ప్రభుత్వం కార్మికులు విధుల్లో చేరాలని నిర్ణయించిన డెడ్‌లైన్‌ను టీవీలో చూసినప్పటి నుంచి ఆయన ప్రవర్తనలో మార్పు వచ్చింది. దీంతో సుజాత తన తల్లి నివాసం ఉండే జోగిపేటకు భర్తతో కలసి వచ్చింది. మూడు, నాలుగు రోజులనుంచి నాగేశ్వర్‌ టికెట్‌.. టికెట్‌.. బస్‌ ఆగింది దిగండి.. రైట్‌ రైట్‌ అంటూ అరవడం, అసందర్భంగా నవ్వుతుండటం, ఫోన్‌ రాకున్నా హాలో.. హాలో అనడం, ఎవరు చేశారని ఎవరైనా అడిగితే అశ్వత్థామ.. అని సమాధానం ఇస్తున్నాడు. ఒక్కోసారి ఉండండి.. డిపోలో కలెక్షన్‌ కట్టివస్తా .. అని కూడా అంటున్నాడని భార్య సుజాత ఆందోళన వ్యక్తం చేసింది. తనను, పిల్లలను కూడా గుర్తు పట్టడంలేదని తెలిపింది. తమకు ఇద్దరు కొడుకులు ఉన్నారని, జీతం రాక ఆర్థికంగా ఇబ్బందులు తలెత్తడంతో చదువులను మధ్యలోనే మాన్పించేసినట్లు ఆమె చెప్పింది.

నాగేశ్వర్‌ రాత్రంతా నిద్రపోకుండా ఏదో ఒకటి మాట్లాడుతుండడంతో భర్త ప్రవర్తనను చూసి సుజాత కన్నీరు మున్నీరవుతూ జాగారం చేస్తుండగా, కొడుకులు కూడా తల్లిదండ్రుల బాధను చూసి వారు కూడా నిద్రకు దూరం అవుతున్నారు. చేతిలో డబ్బులు లేవని, తన భర్తకు చికిత్స అందించేందుకు దాతలు సాయం చేయాలని సుజాత వేడుకుంటోంది. ఆర్టీసీ ఆస్పత్రికి వెళ్తే సమ్మెలో ఉన్న ఉన్నవారికి చికిత్స చేయమంటూ వెళ్లగొట్టారని తెలిపింది. వేరే ఆస్పత్రికి తీసుకువెళ్లేందుకు డబ్బులు లేకపోవడంతో దేవుడి మీద భారం వేసి అలాగే ఉన్నట్లు తెలిపింది. కాగా, నాగేశ్వర్‌కు చికిత్స చేయించేందుకు ఆర్టీసీ ఉన్నతాధికారులు చొరవ తీసుకోవాలని కార్మికులు, స్థానికులు కోరుతున్నారు. (చదవండి: చలో ట్యాంక్‌బండ్‌ మరో మిలియన్‌ మార్చ్‌)

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

సిద్దిపేటకు నెక్లెస్‌ రోడ్డు

10న నాయి బ్రాహ్మణ వివాహ పరిచయ వేదిక

నేటి విశేషాలు..

బూడిదతో బెంబేలెత్తుతున్న ప్రజలు

డెంగీ కేసుల్లో కారేపల్లి మొదటి స్థానం

డాక్టర్‌ మంజులా రెడ్డికి ఇన్ఫోసిస్‌ అవార్డు

‘ఇండియా జస్టిస్‌’లో మహారాష్ట్ర టాప్‌

ఇంటికి జియో ఫెన్సింగ్‌

నేడు, రేపు తేలికపాటి నుంచి మోస్తరు వర్షాలు 

ప్రగతిలో పట్టణాలదే ప్రముఖపాత్ర

సబ్సిడీల కోసం వ్యాపారాలు చేయొద్దు

దెబ్బ తగలని పార్క్‌

నకిలీ వీసాలతో మోసాలు

రోల్‌మోడల్‌గా ఎదగాలి

ఆది ధ్వనికి... ఆతిథ్యం

ఆర్టీసీ డ్రైవర్‌కు గుండెపోటు

చలో ట్యాంక్‌బండ్‌ మరో మిలియన్‌ మార్చ్‌

ఆర్టీసీ సమ్మె: ఔదార్యమేదీ?

‘ఆ భూ వివాదంతో సంబంధం లేదు’

‘మీ నిర్ణయాల వల్లే ఆర్థికవ్యవస్థ కుప్పకూలింది’

ఈనాటి ముఖ్యాంశాలు

సురేష్‌ మృతి.. స్పందించిన తండ్రి

ఆర్టీసీ సమ్మె:ఇలాంటి అధికారులను చూడలేదు: హైకోర్టు

ఆర్టీసీ సమ్మె; నమ్మకద్రోహంపై మండిపాటు

ఆర్టీసీ సమ్మెతో కేసీఆర్‌కు భయం: మందకృష్ణ

ఓ బాటసారీ.. నీకో దారి

చలో ‘భారత్‌ దర్శన్‌’.. పూర్తి వివరాలు

‘కల్యాణ’ కమనీయం ఏదీ.?

క్విక్‌ రెస్పాన్స్‌

ఆంధ్రప్రదేశ్
తెలంగాణ
సినిమా

ప్రముఖ నిర్మాత ఇంట్లో ఐటీ సోదాలు 

సెలూన్‌ షాప్‌లో పనిచేశా..

పూల మాటుల్లో ఏమి హాయిలే అమలా...

డబ్బే ప్రధానం కాదు

హాలీవుడ్‌ ఆహ్వానం

అప్పుడు దర్శకుడు.. ఇప్పుడు నటుడు