= టీడీపీ సభ్యత్వాల్లో మాయ
= సభ్యత్వాలు ఎక్కువ చూపేందుకు పడరాని పాట్లు
= ఏకంగా వైఎస్సార్ సీపీ మద్దతు సర్పంచి పేరుతో సభ్యత్వం
= విషయం తెలిసి అవాక్కైన మన్నేపల్లి సర్పంచి జానకిరెడ్డి
= పరువు నష్టం దావా వేస్తానంటూ టీడీపీ నేతలకు హెచ్చరిక
తాళ్లూరు : నవ్వి పోదురుగాక మాకేటి సిగ్గు.. జిల్లాలో అధికార పార్టీ నాయకుల తీరు అచ్చం అలాగే ఉంది. హైటెక్ సీఎం పాలనలో కాకి లెక్కలు వచ్చి ఉంటే చాలు కాలం గడిపేయవచ్చని మరోసారి నిరూపించారు. పార్టీ అధినేత చంద్రబాబును దగ్గరగా గమనించిన నేతలు ఆయనలాగే వ్యవహరిస్తున్నారు. ఏకంగా పార్టీ సభ్యత్వ నమోదులో కూడా అంకెలు మార్చేశారు. లక్ష్యానికి మించి సభ్యత్వాలు చేసి అధినాయకులతో శభాష్..అనిపించుకునేందుకు కనిపించిన గడ్డీ తింటున్నారు. తీరా సభ్యత్వ నమోదులో కార్డులు వచ్చిన తర్వాత లోపాలు చూసి ఆ పార్టీకి చెందిన నాయకులే ముక్కున వేలేసుకుంటున్నారు.
ఓటర్ లిస్టు ఆధారంగా సభ్యత్వాలు: జిల్లాలో కొన్నిచోట్ల ఓటర్ లిస్టుల ఆధారంగా టీడీపీ సభ్యత్వాలు ఇచ్చేశారు. చివరకు వారి పైత్యం ఎక్కడికి వెళ్లిందంటే వైఎస్సార్ సీపీ మద్దతు సర్పంచికి కూడా సభ్యత్వ కార్డు ఇచ్చేశారు. సభ్యత్వ కార్డులు వచ్చిన తర్వాత వాటిని చూసి జనం ముక్కున వేలేసుకుంటున్నారు. తమ పేర్లతో సభ్యత్వాలు ఇచ్చి ఆత్మాభిమానాన్ని దెబ్బతీయ వద్దంటూ గ్రామస్థాయి నాయకులు టీడీపీ నేతలను హెచ్చరిస్తున్నారు. మరికొన్ని చోట్ల ఈ వ్యవహారంపై వాదోపవాదాలు సైతం చోటుచేసుకుంటున్నాయి. వైఎస్సార్ కాంగ్రెస్ పార్టీ మద్దతుదారుడు దారంవారిపాలేనికి చెందిన మన్నేపల్లి సర్పంచి దారం జానకిరెడ్డికి ఇటువంటి అనుభవం ఎదురైంది. తాను వైఎస్సార్ కాంగ్రెస్ పార్టీ మద్దతు సర్పంచినని, తన పేరుతో టీడీపీ సభ్యత్వం ఎలా వచ్చిందంటూ ఆయన ఆరా తీశారు. టీడీపీ నాయకులపై పరువు నష్టం దావా వేస్తానంటూ హెచ్చరిస్తున్నారు.
కాకి లెక్కలు: దర్శి నియోజకవర్గంలో టీడీపీ సభ్యత్వాలు దాదాపు 50 వేలు ఉన్నట్లు ఆ పార్టీ వర్గాలు చెబుతున్నాయి. ఇందులో తాళ్లూరు మండలంలో 9 వేలు ఉన్నాయి. ఆయా మండలాల్లో కొందరు పార్టీ సభ్యత్వం ద్వారా వచ్చే ప్రయోజనాల కోసం తమ పేర్లు నమోదు చేసుకున్నట్లు సమాచారం. టార్గెట్ కోసం ఆయా గ్రామాలకు చెందిన నాయకులు ఓటర్ లిస్టులను దగ్గర పెట్టుకుని సభ్యత్వాలు తయారు చేసినట్లు తెలుస్తోంది. చివరకు రుసుం సైతం సంబంధిత నాయకులే భరించినట్లు చెబుతున్నారు. ఇటువంటి లోపాలు అనేకం బయట పడుతుండటంతో తెలుగు తమ్ముళ్లు ఆందోళన చెందుతూ అంతర్గతంగా ఒకరినొకరు విమర్శించుకుంటున్నారు. దీనిపై తాళ్లూరు మండల టీడీపీ అధ్యక్షుడు షేక్ పెదకాలేషావలిని ‘సాక్షి’ వివరణ కోరగా పొరపాటు జరిగి ఉంటుందని సింపుల్గా సెలవిచ్చారు.
పరువు నష్టం దావా వేస్తా : పార్టీ మారితే రూ.లక్షలు ఇస్తామని టీడీపీ నాయకులు గతంలో ఎర చూపారు. నాది ఒకే మాట, ఒకే పార్టీ.. అని వారికి తేల్చి చెప్పా. నా అనుమతి లేకుండా టీడీపీ సభ్వత్వం ఇవ్వడం దారుణం. టీడీపీ నాయకులపై పరువు నష్టం దావా వేస్తా. – దారం జానకిరెడ్డి, మన్నేపల్లి సర్పంచి
అబ్రక.. దబ్ర!
Published Fri, Mar 3 2017 3:47 PM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
T20 WC 2024: టీమిండియా టీ20 వరల్డ్ కప్ జెర్సీ ఇదే.. ఫోటోలు వైరల్
కాంగ్రెస్కు పాకిస్తాన్ మద్దతు ఉంది: అనురాగ్ ఠాకూర్
టాలీవుడ్ హీరో డ్రీమ్ ప్రాజెక్ట్.. రెబల్ స్టార్ ఎంట్రీ!
ఇరాన్ నుంచి పారిపోయి కొచ్చికి భారత మత్స్యకారులు
పాఠశాల నేపథ్యంలో వస్తోన్న సత్య.. ఆసక్తిగా ట్రైలర్!
Best Pictures Of The Day : ఈ రోజు ఉత్తమ చిత్రాలు (06-05-2024)
Video: కేసీఆర్ బస్సును తనిఖీ చేసిన ఎన్నికల అధికారులు
'దేవర' షూటింగ్లో తేనెటీగల కలకలం.. 20 మందికి గాయాలు
ఎస్ఆర్హెచ్తో ముంబై కీలక పోరు.. కొత్త ప్లేయర్ ఎంట్రీ
వారితో భయంకరమైన అనుభవాలు ఎదుర్కొన్నా: హీరామండి నటి
తప్పక చదవండి
- సోనాక్షితో ఇంటిమేట్ సీన్స్.. ఆమె తల్లి ఏమన్నారంటే: నటుడు
- అలా చేస్తే ఆ కిక్కే వేరు! అతడితో లవ్లో ఉన్నా: నటి
- హీట్వేవ్ నుంచి ఉపశమనం.. త్వరలో వర్షాలు: వాతావరణ శాఖ
- డైరెక్టర్తో హీరోయిన్ పెళ్లి.. మామయ్యను మండపానికి రానివ్వలేదట!
- మాచర్లలో సీఎం జగన్ ప్రచారం.. పోటెత్తిన ప్రజాభిమానం (ఫొటోలు)
- కాంగ్రెస్ కీలక నిర్ణయం: బరిలోకి మాజీ ముఖ్యమంత్రులు
- హార్దిక్ కాదు!.. రోహిత్ తర్వాత టీమిండియా కెప్టెన్ అతడే!
- సమ్మర్లో కొబ్బరిబోండంలోని నీటిని నేరుగా తాగేస్తున్నారా..?
- చంద్రబాబు మోసాల చరిత్రను గుర్తు తెచ్చుకోండి: సీఎం జగన్
- కల్వకుంట్ల కవితకు బిగ్ షాక్
Advertisement