కాకినాడ సిటీ : కాకినాడ రేవులో మెకనైజ్డ్ ఫిషింగ్ బోట్లకు ఇస్తున్న సబ్సిడీ డీజిల్ పక్కదారి పడుతోంది. కొందరు అక్రమార్కులు మత్స్య శాఖ అధికారుల సహకారంతో తప్పుడు పాస్ పుస్తకాల ద్వారాసబ్సిడీని స్వాహా చేస్తున్నారు. నిబంధనల ప్రకారం కుటుంబంలోఒకరికే ఆయిల్ సబ్సిడీ వర్తిస్తుంది. దీనికి విరుద్ధంగా ఒకే కుటుంబంలో ఇద్దరు, ముగ్గురి (భార్య, భర్త, పిల్లలు) పేర్లతో మంజూరు చేసిన పాస్ పుస్తకాలతో, ఒకే బోటును రెండు ప్రాంతాల్లో వేర్వేరు నంబర్లు, పేర్లతో చూపించి తీసుకున్న పుస్తకాల ద్వారా సబ్సిడీ సొమ్మును కాజేస్తున్నారు. మరోపక్క సముద్రంలో వేటకు మాత్రమే వినియోగించాల్సిన సబ్సిడీ డీజిల్ను ఇతరపనులకు వినియోగిస్తున్నారు.
కాకినాడ రేవులో మెకనైజ్డ్ ఫిషింగ్ బోట్లకు సంబంధించి నాలుగు వందలకు పైబడి సబ్సిడీ పాస్ పుస్తకాలు ఉన్నాయి. ఇందులో సుమారు వంద వరకు తప్పుడు పాస్ పుస్తకాలని అంచనా. 2002 తరువాత సబ్సిడీ పుస్తకాలు కొత్తబోట్లకు మంజూరు చేయకూడదన్న నిబంధనను ఉల్లంఘించి మత్స్యశాఖాధికారులు పలు బోట్లకు మంజూరు చేసినట్టు ఆరోపణలు ఉన్నాయి. వేటకు వెళ్ళే ఒక్కో మెకనైజ్డ్ బోటుకు నెలకు మూడువేల లీటర్ల రాయితీ డీజిల్ను అందజేస్తున్నారు. వినియోగించుకున్న ఈ డీజిల్కు సబ్సిడీగా లీటరుకు రూ.6.03 చొప్పున రూ.18,090 నగదు బిల్లు రూపంలో చెల్లిస్తున్నారు. ఏళ్ల తరబడి భారీ ఎత్తున సబ్సిడీ సొమ్ము స్వాహా జరుగుతున్నట్టు గుర్తించిన పలువురు సంబంధిత శాఖ జిల్లా అధికారుల దృష్టికి తీసుకువెళ్లినా పట్టించుకోక పోవడంతో కలెక్టర్తో పాటు మత్స్యశాఖ కమిషనర్కు ఫిర్యాదు చేశారు. దీంతో ఆ శాఖాధికారుల్లో కదలిక వచ్చి 2004లో రిజిస్ట్రేషన్ చేసుకున్న బోట్లకు సంబంధించి నాలుగు కుటుంబాలకు చెందిన ఎనిమిది బోట్ల పాస్ పుస్తకాలను గుర్తించి నిలుపుదల చేసినట్టు సమాచారం.
నామమాత్రంగా గుర్తింపు ప్రక్రియ
వేట నిషేధం ప్రారంభమయ్యూక ఉన్నతాధికారుల ఆదేశాల మేరకు వారం రోజుల క్రితం జిల్లావ్యాప్తంగా చేపట్టిన బోట్ల గుర్తింపును నామమాత్రంగా పూర్తి చేశారనే ఆరోపణలు ఉన్నాయి. ఈ ప్రక్రియలో మెకనైజ్డ్ ఫిషింగ్ బోట్ల పొడవు, వెడల్పు, లోతు ఆధారంగా తనిఖీలు చేపట్టకుండా ఒడ్డున ఒకచోట కూర్చుని బోట్ల యజమానులు తీసుకువచ్చిన పత్రాలను పరిశీలించి గుర్తింపు సంఖ్య ఇచ్చినట్టు తెలిసింది. ఈ క్రమంలోనే అక్రమంగా ఉన్న కొన్ని పాస్ పుస్తకాలను సక్రమం చేసుకునేందుకు నంబర్ లేని బోట్లను తీసుకుని పాస్ పుస్తకంలో ఉన్న బోటు నంబర్ వేసుకునే విధంగా అక్రమార్కులకు మత్య్సశాఖాధికారులు సహకరించినట్టు ఆరోపణ.
రెండు ఫిర్యాదులపై విచారణ : డీడీ
డీజిల్ సబ్సిడీ స్వాహాపై జిల్లా మత్స్యశాఖ డిప్యూటీ డెరైక్టర్ టి.కళ్యాణంను వివరణ కోరగా విచారణ జరిపి చర్యలు తీసుకుంటామన్నారు. తమకు రెండు ఫిర్యాదులు రావడంతో విచారణ జరుపుతున్నామన్నారు. ఇటీవల బోట్ల సర్వే చేపట్టామని, ఆ నివేదికలను పరిశీలించి అక్రమాలు ఉంటే చర్యలు చేపట్టడమే కాక దుర్వినియోగమైన సబ్సిడీని రికవరీ చేస్తామని చెప్పారు.
సబ్సిడీ స్వాహా!
Published Thu, Apr 28 2016 1:21 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
‘ఆప్’ స్టార్ క్యాంపెయినర్ల లిస్టులో కేజ్రీవాల్ పేరు
టీ20 వరల్డ్కప్ వస్తోంది.. బుమ్రాకు విశ్రాంతి ఇవ్వండి: జాఫర్
హీరామండి సిరీస్లో పెద్ద తప్పులు.. ఇవి కూడా చూసుకోరా?
భూకబ్జాలు చేసేవారికి ఈ యాక్ట్ రావడం ఇష్టముండదు: సజ్జల
ప్రధాని మోదీ కీలక వ్యాఖ్యలు.. 25 ఏళ్లలో..
రేపు దేశవ్యాప్తంగా నీట్ పరీక్ష.. ఏపీలో 29 పరీక్షా కేంద్రాలు
Best Pictures Of The Day : ఈ రోజు ఉత్తమ చిత్రాలు (03-05-2024))
లైంగిక ఆరోపణల కేసు.. రేవణ్ణ అరెస్టు
ఆర్సీబీతో మ్యాచ్.. గుజరాత్ జట్టులోకి కొత్త ప్లేయర్! తుది జట్లు ఇవే
గవర్నర్పై ఆరోపణలు.. మమత సర్కారు దూకుడు
తప్పక చదవండి
- రాకాసి నర్సుకు 760 ఏళ్ల జైలు శిక్ష : అసలు ఏమైందంటే..!
- బీజేపీలో చేరిన ఢిల్లీ మాజీ కాంగ్రెస్ చీఫ్ అరవిందర్ సింగ్
- నాలుగుసార్లు అబార్షన్ అయిందా? క్లారిటీ ఇచ్చిన స్టార్ హీరోయిన్
- రాయ్బరేలి బరిలో రాహుల్.. వయనాడ్ ఓటర్ల ఫీలింగ్ ఇదే..!
- బాలుడి ఊపిరితిత్తుల్లోకి ఎల్ఈడీ బల్బు.. డాక్టర్లు ఏం చేశారంటే..
- మా భూమి మాది కాకపోతే మరెవరిది రామోజీ..?: మంత్రి బొత్స
- చంద్రబాబు మేనిఫెస్టో మాయలు గుర్తున్నాయా?: సీఎం జగన్
- 2024 లోక్సభ ఎలక్షన్స్.. 9 లక్షల మందికి ఉపాధి!
- Tech Layoffs 2024: షాకింగ్ రిపోర్ట్: ఒక్క నెలలోనే 21 వేల టెకీలకు ఉద్వాసన
- చంద్రబాబు, కోట్లకు కౌంటరిచ్చిన మంత్రి బుగ్గన
Advertisement