ఒంగోలు కలెక్టరేట్, న్యూస్లైన్: వచ్చే ఏడాది జనవరి ఒకటి నాటికి పద్దెనిమిదేళ్లు నిండే వారందరికీ ఓటర్లుగా నమోదు చేసుకునే అవకాశాన్ని ఎన్నికల సంఘం కల్పించింది. అన్నిరకాల అర్హతలున్నప్పటికీ ఓటరుగా నమోదు చేసుకోలేని వారికి కూడా అవకాశం కల్పించింది. అన్ని పోలింగ్ కేంద్రాల్లో మూడు ఆదివారాలు బూత్ లెవల్ ఆఫీసర్లు అందుబాటులో ఉండి ఓటరు నమోదు ప్రక్రియ నిర్వహించనున్నారు. ఈనెల 24, డిసెంబర్ 1, 8 తేదీల్లో ఉదయం నుంచి సాయంత్రం వరకు పోలింగ్ కేంద్రాల వద్ద బూత్ లెవల్ ఆఫీసర్లు ప్రజలకు అందుబాటులో ఉంటారు. జిల్లావ్యాప్తంగా 2,751 పోలింగ్ కేంద్రాల్లో ఈ ప్రక్రియ ప్రారంభం కానుంది. ఈ ఏడాది జనవరిలో ప్రకటించిన ఓటర్ల జాబితాలో 22,05,692 మంది ఓటర్లున్నారు. ఆ తర్వాత పలుమార్లు ఓటు హక్కు అవకాశం కల్పించడంతో ఓటర్ల సంఖ్య పెరిగిపోయింది. ఇటీవల ప్రకటించిన ఓటర్ల ముసాయిదా జాబితాలో ఆ సంఖ్య 23,15,407కు చేరుకుంది. వీరిలో 11,64,744 మంది పురుషులు, 11,50,574 మంది మహిళా ఓటర్లున్నారు. తాజాగా చేపట్టిన ఓటర్ల నమోదు ప్రక్రియతో జిల్లాలో ఓటర్ల సంఖ్య మరింత పెరిగే అవకాశాలున్నాయి. జిల్లాలోని జూనియర్ కాలేజీల్లోని విద్యార్థులకు ఓటు హక్కుపై అవగాహన కలిగించేందుకు జిల్లా యంత్రాంగం చర్యలు తీసుకుంటోంది. అంతేగాకుండా రాష్ట్ర ఎన్నికల సంఘం కూడా అందుబాటులో ఉన్న సాంకేతిక పరిజ్ఞానంతో అర్హులైన వారందరినీ ఓటర్లుగా నమోదు చేసేందుకు చర్యలు చేపట్టింది. ఇప్పటికే సెల్ఫోన్ ద్వారా రాష్ట్ర ఎన్నికల సంఘం నుంచి ఓటరుగా నమోదు చేసుకోవాలంటూ ఎస్ఎంఎస్లు పంపుతూ చైతన్యవంతులను చేస్తోంది.
అక్కడే ఫారాలు
ఓటర్ల నమోదు ప్రక్రియకు సంబంధించి జిల్లాలోని అన్ని పోలింగ్ కేంద్రాలకు చెందిన బూత్లెవల్ ఆఫీసర్లకు అన్నిరకాల ఫారాలు జిల్లా కేంద్రం నుంచి అందాయి. కొత్తగా ఓటు హక్కు పొందాలనుకునే వారు ఫారం-6, పేర్లు తొలగింపునకు ఫారం-7, తప్పుల సవరణకు ఫారం-8, ఒక ప్రాంతం నుంచి మరో ప్రాంతానికి ఓటు హక్కు బదిలీ చేసుకునేందుకు ఫారం-8ఏలను పోలింగ్ కేంద్రాల వద్ద సిద్ధంగా ఉంచారు. ఒంగోలు అసెంబ్లీ నియోజకవర్గంలో 251 పోలింగ్ కేంద్రాలు, సంతనూతలపాడులో 228, చీరాలలో 198, పర్చూరులో 254, అద్దంకిలో 249, కొండపిలో 238, కందుకూరులో 220, దర్శిలో 240, కనిగిరిలో 257, గిద్దలూరులో 235, మార్కాపురంలో 216, యర్రగొండపాలెంలో 217 పోలింగ్ కేంద్రాలున్నాయి. ఇటీవల ప్రకటించిన ఓటర్ల ముసాయిదా జాబితాను పోలింగ్ కేంద్రాల వారీగా ఇప్పటికే అందించారు. రానున్న మూడు ఆదివారాలు ఓటర్ల నమోదు, మార్పులు, చేర్పులు, తొలగింపులకు స్పెషల్ డ్రైవ్ చేపడతారు. డిసెంబర్ 10వ తేదీ వరకు ఓటర్ల నమోదు ప్రక్రియ జరుగుతుంది. కొత్తగా ఓటు హక్కు పొందాలనుకునే వారు అడ్రస్ ప్రూఫ్లతోపాటు రెండు కలర్ పాస్పోర్టు సైజు ఫొటోలు బూత్ లెవల్ ఆఫీసర్లకు అందించాల్సి ఉంటుంది. నిర్ణీత గడువు అనంతరం వచ్చిన దరఖాస్తులను తీసుకొని ఇంటింటికీ తిరిగి విచారణ చేపట్టనున్నారు. అర్హులైతే వారిని ఓటర్లుగా నమోదు చేస్తారు. అనర్హులైతే పేర్లను తొలగిస్తారు. తుది జాబితాను జనవరి 16న ప్రచురించనున్నారు. ఈ జాబితా ఆధారంగా త్వరలో జరగనున్న శాసనసభ, పార్లమెంటు ఎన్నికలు నిర్వహించనున్నారు. ఆ తరువాత జరిగే ఇతరత్రా ఎన్నికలు ఇదే జాబితాతో జరపనున్నారు.
అర్హులైన వారంతా ఓటర్లుగా దరఖాస్తు చేసుకోవాలి: డీఆర్ఓ
వచ్చే జనవరి 1 నాటికి పద్దెనిమిదేళ్లు నిండే వారంతా ఓటరుగా దరఖాస్తు చేసుకోవాలని జిల్లా రెవెన్యూ అధికారి జీ గంగాధర్గౌడ్ కోరారు. ఈ అవకాశాన్ని సద్వినియోగం చేసుకోవాలన్నారు. పౌరుడికి ఓటు హక్కు ఎంతో ముఖ్యమైందన్నారు. ఓటు హక్కు ప్రాధాన్యం గురించి కాలేజీల్లో అవగాహన కలిగించేందుకు చర్యలు తీసుకుంటున్నట్లు వివరించారు.
ఓటు రాయించుకోండి
Published Sun, Nov 24 2013 6:46 AM
Advertisement
స్టార్ హీరోలతో యాక్టింగ్.. ఆ కమెడియన్ ఇలా అయిపోయాడేంటి!
భర్తతో విడిపోయిన హీరోయిన్.. కూతురితో కలిసి..
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
బర్త్ డే స్పెషల్.. విజయ్ దేవరకొండ ఎక్కడ తప్పు చేస్తున్నాడు?
Abinaya: 'అ అంటే అమలాపురం' పాటతో అదరగొట్టిన బ్యూటీ.. ఇప్పటికీ అలానే! (ఫోటోలు)
100 మందికే అనుమతి.. పశ్చిమ బెంగాల్ రాజభవన్ కీలక ప్రకటన
IPL 2024: భువీ విజృంభణ.. నామమాత్రపు స్కోర్కే పరిమితమైన లక్నో
హైదరాబాద్ vs లక్నో సూపర్ జెయింట్స్..ఉప్పల్ ఊగేలా తారల సందడి (ఫొటోలు)
SRH VS LSG: సిక్సర్ల సునామీ.. ఐపీఎల్ చరిత్రలో అత్యంత వేగంగా..!
భారత్లోకి గూగుల్ వాలెట్ వచ్చేసింది.. ఎలా వాడొచ్చంటే?
ప్రముఖ దర్శకుడు కన్నుమూత.. హీరో ఎమోషనల్ పోస్ట్
ఎన్నికల ప్రచారంలో షర్మిలకు షాక్
IPL 2024: ఇవెక్కడి క్యాచ్లు రా బాబు.. చూస్తే ఫ్యూజ్లు ఎగిరిపోవాల్సిందే..!
తప్పక చదవండి
- బర్త్ డే స్పెషల్.. విజయ్ దేవరకొండ ఎక్కడ తప్పు చేస్తున్నాడు?
- ఒక్క క్లిక్తో ‘ఏపీ పాలిసెట్’ ఫలితాలు
- సుప్రీత మైండ్ బ్లోయింగ్ గ్లామర్.. ఫారెన్ వీధుల్లో కేతిక!
- ఐసీఎంఆర్ విడుదల చేసిన ఆహార మార్గదర్శకాలు ఇవే..
- పిట్రోడా వ్యాఖ్యల దుమారం.. నిర్మలా సీతారామన్ ఆగ్రహం
- పవన్ మూవీ రిలీజ్ డేట్కి టెండర్ వేసిన 'దేవర'?
- టీ20 వరల్డ్కప్ 2024 కోసం భారత బి టీమ్.. కెప్టెన్గా కేఎల్ రాహుల్..!
- ‘నోరు మెదపరేం రాహుల్జీ?’..ప్రధాని మోదీ విమర్శలు
- ల్యాండ్ టైట్లింగ్ చట్టం నిజాలివిగో..
- బాబోస్తే ఆరోగ్యశ్రీ గో..వింద
Advertisement