∙శవమై కనిపించిన కిడ్నాపైన బాలిక
∙ఐదేళ్ల చిన్నారిపై కామాంధుడి అకృత్యం
∙లైంగిక దాడికి పాల్పడి.. ఆపై హత్య చేసిన వైనం
.పీసీపల్లి మండలం పెద ఇర్లపాడులో దారుణం
పీసీపల్లి (కనిగిరి) : మృగాడి అకృత్యానికి ఓ పసిమొగ్గ రాలిపోయింది. రెండ్రోజుల కిందట కిడ్నాపైన ఐదేళ్ల చిన్నారి నిర్మానుష ప్రదేశంలో శవమై కనిపించింది. అపహరణకు గురైన కన్నబిడ్డ ఆచూకీ లభించక పుట్టెడు దుఃఖంలో ఉన్న తల్లిదండ్రులకు గర్భం శోకం మిగిలింది. అన్నెం పున్నెం ఎరుగని బాలికను ఓ మానవ మృగం చిత్ర హింసలు పెట్టి.. లైంగిక దాడికి ఒడిగట్టి చివరికి ప్రాణాలు తీశాడు. ఈ అమానవీయ ఘటన పీసీపల్లి మండలంలో శనివారం సాయంత్రం వెలుగుచూసింది.
పోలీసులు తెలిపిన వివరాల ప్రకారం... నెల్లూరు జిల్లా రాపర్ల మండలం గుండువల్లి గ్రామానికి చెందిన బ్రహ్మయ్య, పుష్ప దంపతులు ఏడు నెలల కిందట ప్రకాశం జిల్లా పీసీపల్లి మండలంలోని కోదండ రామాపురానికి వచ్చారు. గ్రామానికి చెందిన వేమూరి మాల్యాద్రి పొలంలోని తోటల్లో కాపలాగా జీతానికి ఉంటున్నారు. వీరికి ఐదేళ్ల కుమార్తె సియోని కుమారి ఉంది. ఈ నెల 20న బాలికకు కడుపు నొప్పి రావడంతో వైద్యం కోసం తండ్రి సమీపంలోని పెద ఇర్లపాడు గ్రామానికి తీసుకొచ్చాడు. అక్కడి ఆర్ఎంపీ వద్ద సూది మందు వేయించుకునేందుకు బాలిక నిరాకరించడంతో మాత్రలు తీసుకున్నాడు.
ఇంటికి బయలుదేరుతున్న బ్రహ్మయ్యను ఓ అపరిచిత వ్యక్తి మాట కలిపి పరిచయం చేసుకోసాగాడు. స్థానికుల పేర్లు చెప్పి వారు తనకు తెలుసునని, వారు తనకు బంధువులేనని నమ్మబలికాడు. అప్పటికే మద్యం తాగి ఉన్న ఆ వ్యక్తి బ్రహ్మయ్యకు రూ.200 ఇచ్చి మద్యం తాగుదాం తీసుకురమ్మని పురమాయించాడు. పాపను అతడి వద్ద వదలి దుకాణానికి వెళ్లాడు. మద్యం షాపు మూసివేసి ఉండడంతో తిరిగొచ్చిన తండ్రికి అక్కడ కుమార్తె సహా ఆ వ్యక్తి కనిపించలేదు. చుట్టుపక్కల వారిని విచారించినా తెలియదనడంతో పోలీసులకు ఫిర్యాదు చేశారు. పోలీసులకు రెండు రోజులుగా బాలిక ఆచూకీ లభించలేదు.
పశుకాపరి కంటపడిన బాలిక శవం..
శనివారం సాయంత్రం పెద ఇర్లపాడు సమీపంలోని చెరువులోకి పశువులు వెళ్లగా వాటిని తోలుకొచ్చేందుకు వెళ్లిన కాపరికి అక్కడ చిల్లచెట్ల మధ్య పాప శవం కనిపించింది. పరుగున వచ్చి విషయాన్ని గ్రామస్తులకు చెప్పాడు. సమాచారం అందుకున్న పోలీసులు బాలిక మృతదేహాన్ని పరిశీలించారు. ఘటనాస్థలంలో ఆధారాలను సేకరించారు. ఘటనాస్థలంలో నిందితుడి చెప్పులు, బాలిక కోసం తీసుకున్న టిఫిన్ పొట్లాల కవర్ పడిఉన్నాయి. కందుకూరు డీఎస్పీ ప్రకాష్రావు మాట్లాడుతూ చిన్నారి సియోనిని మానభంగం చేసి, క్రూరంగా హత్యచేశారని తెలిపారు. చెవి కమ్మలు, గొలుసు కూడా అపహరించినట్టు చెప్పారు. నిందితుడు ఈ ప్రాంతానికి పలుమార్లు వచ్చినట్టు తెలిసిందని, అతడి సంబంధీకులు ఈ ప్రాంతంలో ఉన్నారని తెలిపారు. విచారించి, త్వరలోనే నిందితుడిని పట్టుకుంటామన్నారు. డీఎస్పీ వెంట సీఐ సుబ్బారావు, ఎస్ఐ రామక్రిష్ణ ఉన్నారు.
ఎంత ఘోరం ఒడిగట్టాడో..
రెండు రోజులుగా కుమార్తె కనిపించక తీవ్ర శోకంలో మునిగిపోయిన బ్రహ్మయ్య, పుష్ప దంపతులు కన్న బిడ్డ ఇక లేదని తెలిసి గుండెలు బాదుకున్నారు. పాత చెరువులో బాలిక మృతదేహం ఉన్నట్టు తెలుసుకున్న స్థానికులు పెద్ద సంఖ్యలో ఘటనాస్థలికి చేరుకున్నారు. అక్కడి పరిస్థితి, మృతదేహం పడి ఉన్న తీరును చూసి చలించి పోయారు. అన్నెం పుణ్యం తెలియని ఐదేళ్ల బాలికను ఆ పాపాత్ముడెవరో ఘోరంగా.. అతి దారుణంగా చంపేశాడని ఆవేదన వ్యక్తం చేశారు. నిందితుడిని పట్టుకుని కఠినంగా శిక్షించాలని పోలీసు అధికారులను వేడుకొన్నారు.
కన్నకూతుర్ని బలితీసుకున్న మద్యం మత్తు..
అనారోగ్యంతో బాధపడుతున్న కుమార్తెను కంటికి రెప్పలా చూసుకోవాల్సిన తండ్రి ఎవరో అనామకుడు మద్యం తాగుదామని ఆశ చూపడంతో తన బాధ్యత విస్మరించాడు. ఐదేళ్ల బాలికను గుర్తుతెలియని వ్యక్తికి అప్పగించి, మద్యం కోసం వెంపర్లాడాడు. అతడి నిర్లక్ష్యం కారణంగానే కన్నబిడ్డ హింసలకు గురై మరణించింది.
పసిమొగ్గపై దారుణం
Published Sun, Jul 23 2017 6:51 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
మొలకలతో బోలెడన్ని ప్రయోజనాలు, ఈ సైడ్ ఎఫెక్ట్స్తెలుసుకోండి!
కమిన్స్ మాటలు విని షాకైన హార్దిక్! వీడియో వైరల్
జ్యుడీషియల్ కస్టడీకి రేవణ్ణ
కుటుంబాన్ని బండ బూతులు తిట్టిన చంద్రబాబుతో పవన్ పొత్తు..!
చంద్రబాబుపై రైతుల ఆగ్రహం
ఢిల్లీ క్యాపిటల్స్ సహ యజమాని అతి ప్రవర్తన.. ఇందులో నిజమెంత..?
పవన్ మూవీ రిలీజ్ డేట్కి టెండర్ వేసిన 'దేవర'?
Satya Movie: ఆకట్టుకుంటున్న ‘నిజమా ప్రాణమా ..’ సాంగ్
ఒకప్పుడు ఎన్నో కష్టాలు.. పాన్ ఇండియా హీరో అయ్యాడు!
వేసవిలో నెయ్యిని తీసుకుంటే బోలెడన్ని లాభాలు!
తప్పక చదవండి
- జ్యుడీషియల్ కస్టడీకి రేవణ్ణ
- పవన్ మూవీ రిలీజ్ డేట్కి టెండర్ వేసిన 'దేవర'?
- ఓటీటీలోకి వచ్చేస్తున్న మరో వివాదాస్పద మూవీ
- టీ20 వరల్డ్కప్ 2024 కోసం భారత బి టీమ్.. కెప్టెన్గా కేఎల్ రాహుల్..!
- ఏనుగుల దాడిలో వీడియో జర్నలిస్టు మృతి
- ‘నోరు మెదపరేం రాహుల్జీ?’..ప్రధాని మోదీ విమర్శలు
- తెలుగులో డైరెక్ట్గా ఓటీటీలోకి వస్తున్న మూవీ, స్ట్రీమింగ్ ఎక్కడంటే?
- వెస్ట్ నైలు వైరస్ని తొలిసారిగా అక్కడ గుర్తించారు! ఎవరికి ప్రమాదమంటే..
- ధోని ఆల్టైమ్ రికార్డు బద్దలు కొట్టిన సంజూ.. భారత తొలి క్రికెటర్గా..
- బాబోస్తే ఆరోగ్యశ్రీ గో..వింద
Advertisement