సాక్షి,హైదరాబాద్‌: జూన్‌ 4న దేశం గెలుస్తుందని, 140 కోట్ల మంది సంకల్పం గెలుస్తుందని ప్రధాని మోదీ అన్నారు. హైదరాబాద్‌ ఎల్బీ స్టేడియంలో జరిగిన బీజేపీ ఎన్నికల ప్రచార సభలో మోదీ మాట్లాడారు. ‘కాంగ్రెస్‌కు ఓటు వేయడమంటే పాత రోజులను ఆహ్వానించినట్లే..  దేశం ఉగ్రవాదుల చేతిలోకి వెళ్లకూడదు.2012లో దిల్‌సుఖ్‌నగర్‌లో జంట పేలుళ్లు జరిగాయి. ఎంతో మంది అమాయకులు కాంగ్రెస్‌ పాలనలో బలయ్యారు. ఢిల్లీలో బీజేపీ ప్రభుత్వం వచ్చాకే బాంబు పేలుళ్లు ఆగాయి. అందుకే మోదీని దించాలని చాలామంది చూస్తున్నారు.  కాంగ్రెస్‌ వద్దు, బీఆర్‌ఎస్‌ వద్దు. మజ్లిస్‌ వద్దని తెలంగాణ అంటోంది. బీజేపీ కావాలంటోంది. లూటీ లూటీ లూటీ, వారసత్వ రాజకీయాలు ఇవే కాంగ్రెస్‌ ట్రాక్‌ రికార్డు.  మీ సంపదను లాక్కునే వాళ్లు కావాలా.. మీ సంపదపై మీ పిల్లలకు హక్కుఉండాలా వద్దా. రాముడికి పూజ చేయడం తప్పా. నాకు హైదరాబాద్‌ చాలా ప్రత్యేకం. యువరాజుకు ట్యూషన్‌ చెప్పే నేత రామ నవమి చేసుకోవడం తప్పన్నారు. కాంగ్రెస్‌ ఓబీసీ, ఎస్సీ, ఎస్టీ రిజర్వేషన్లకు కోత పెట్టి ముస్లింలకు కోటా ఇచ్చింది. ఇదీ కాంగ్రెస్‌ పార్టీ మోడల్‌. తెలంగాణకు ఎయిమ్స్‌, వందేభారత్‌ రైళ్లు ఇచ్చిందెవరో చెప్పాలి’అని మోదీ ప్రసంగించారు. 

సార్వత్రిక ఎన్నికల్లో మహిళలు ప్రధాన పాత్ర పోషించనున్నారు. ఫలితాలపై ప్రభావం చూపనున్నారు.ప్రజలకు రూ.1136.43 కోట్ల సంక్షేమంగతంలో ఎన్నడూ లేని విధంగా వైఎస్సార్‌సీపీ ప్రభుత్వం అర్హత ఉన్న ప్రతి ఒక్కరికీ సంక్షేమ పథకాలు అందించింది. అందులో భాగంగా డీబీటీ ద్వారా నేరుగా చిత్తూరు నియోజకవర్గంలోని 1,83,939 మంది లబ్ధిదారుల ఖాతాల్లో రూ.508.19 కోట్లు జమ చేసింది. అలాగే నాన్‌ డీబీటీ పథకాల తో 1,44,702 మందికి రూ.628.24 కోట్ల లబ్ది చేకూర్చింది. మొత్తంగా ఒక్క చిత్తూరు నియోజకవర్గంలో ఈ ఐదేళ్లలో రూ.1136.43 కోట్ల సంక్షేమ ఫలాలను ప్రజలకు అందించింది. – 8లో– 8లో

చిత్తూరు కలెక్టరేట్‌ : జిల్లావ్యాప్తంగా అన్ని యాజమాన్యాల ఐటీఐ కళాశాలల్లో అడ్మిషన్లకు ఆసక్తిగల విద్యార్థులు దరఖాస్తులు చేసుకోవాలని కన్వీనర్‌ రవీంద్రరెడ్డి తెలిపారు. గురువారం ఆయన విలేకర్లతో మాట్లాడుతూ అర్హులైన విద్యార్థులు జూన్‌ 10వ తేదీ లోపు www.iti.ap.gov.in వెబ్‌సైట్‌లో దరఖాస్తు చేసుకోవచ్చన్నారు. ఆన్‌లైన్‌లో దరఖాస్తు చేసుకున్నవారు ప్రభుత్వ ఐటీఐ కళాశాలకు వెళ్లి సర్టిఫికెట్‌ వెరిఫికేషన్‌ చేయించుకోవాలని సూచించారు. వివరాలకు 7799933370, 949362 9036 నంబర్లలో సంప్రదించాలని కోరారు.

తిరుపతి కల్చరల్‌: టీటీడీ ఆధ్వర్యంలో నిర్వహిస్తున్న ఎస్వీ సంగీత, నృత్య కళాశాల, ఎస్వీ నాదస్వర పాఠశాలలో 2024–25 విద్యా సంవత్సరానికి పలు రెగ్యులర్‌ కోర్సుల్లో ప్రవేశానికి విద్యార్థుల నుంచి దరఖాస్తులు ఆహ్వానిస్తున్నారు. ఈమేరకు ఈనెల 25 నుంచి కళాశాలలో దరఖాస్తులను జారీచేస్తారు. పూర్తిచేసిన దరఖాస్తులను జూన్‌ 12వ తేదీ వరకు స్వీకరిస్తారు. ఎస్వీ సంగీత, నృత్య కళావాలలో గాత్రం, వయోలిన్‌, వీణ, ప్రూట్‌, నాదస్వరం, భతరనాట్యం, హరికథ, మృదంగం, డోలు, ఘటం విభాగాల్లో ఫుల్‌టైం విశారద డిప్లొమా, ప్రవీణ్‌ అడ్వాన్స్డ్‌ డిప్లొమా కోర్సులు ఉన్నాయి. ఎస్వీ నాదస్వరం, డోలు పాఠశాలలో ఫుల్‌ టైమ్‌ సర్టిఫికెట్‌, డిప్లొమా కోర్సులు ఉన్నాయి. ఇతర ప్రాంతాల విద్యార్థులకు హాస్టల్‌ వసతి ఉంటుంది. ఆసక్తి గల అభ్యర్థులు కళావాలలో రూ.50 చెల్లించి దరఖాస్తు పొందవచ్చు. వివరాలకు 0877–2264597, 7330811173, 9848374408, 9440793205లలో సంప్రదించాలని కళాశాల యాజమాన్యం సూచించింది. పార్ట్‌టైమ్‌ కోర్సులకు దరఖాస్తుల ఆహ్వానం ఎస్వీ సంగీత, నృత్య కళాశాలలో 2024–25 ఏడాదికి సంబంధించి సాయంత్రం పార్ట్‌టైమ్‌ సర్టిఫికెట్‌, డిప్లొమా, కళాప్రవేశిక కోర్సుల ప్రవేశానికి ఈనెల 25 నుంచి దరఖాస్తులు స్వీకరిస్తున్నట్లు కళాశాల ప్రిన్సిపల్‌ తెలిపారు. సాయంత్రం 5.30 నుంచి 7.30 గంటల వరకు పార్ట్‌ౖటైమ్‌ కోర్సులలో గాత్రం, భక్తి సంగీతం, వీణ, వయోలిన్‌, వేణువు, మృదంగం, ఘటం, భరతనాట్యం, కూచిపూడి నృత్యం విభాగాల్లో ప్రవేశాలకు దరఖాస్తు చేసుకోవచ్చని తెలిపారు. ఈ కళాశాలలో హైదరాబాద్‌లోని పొట్టి శ్రీరాములు తెలుగు వర్సిటీ గుర్తింపు పొందిన సర్టిఫికెట్‌ కోర్సు నాలుగేళ్లు, రెండేళ్ల డిప్లొమా కోర్సు ఉన్నాయని పేర్కొన్నారు. టీటీడీ నిర్వహించే రెండేళ్ల ఫౌండేషన్‌ కోర్సు కళాప్రవేశిక ఉందని తెలిపారు. రూ.50 చెల్లించి కళాశాల కార్యాలయం పనివేళల్లో దరఖాస్తు పొందవచ్చని తెలిపారు. పూర్తిచేసిన దరఖాస్తులు మే 25వ తేదీ నుంచి అన్ని జిరాక్స్‌ కాపీలతో కలిపి జూన్‌ 12వ తేదీలోపు సమర్పించాలని తెలిపారు. మరిన్ని వివరాలకు పై నున్న నంబర్లు లేదా టీటీడీ వెబ్‌ సైట్‌ ww-w.-tir uma a.o-r-fలో సంప్రదించాలని కోరారు.

చిత్తూరు కలెక్టరేట్‌ : ఓటర్లను ప్రలోభపెట్టేందుకు రాజకీయ పార్టీలు మద్యం, నగదు పంపిణీ చేయకుండా పర్యవేక్షణ బృందాలు ప్రత్యేక నిఘా పెట్టాలని జిల్లా ఎన్నికల అధికారి షణ్మోహన్‌ ఆదేశించారు. గురువారం కలెక్టరేట్‌లో అబ్జర్వర్ల సమక్షంలో వరుస సమావేశాలు నిర్వహించారు. జిల్లా ఎన్నికల అధికారి మాట్లాడుతూ పోలింగ్‌కు సమయం దగ్గర పడుతోందన్నారు. ప్రశాంత వాతావరణంలో ఎన్నికలు నిర్వహించేందుకు చర్యలు చేపట్టాలని సూచించారు. పోలింగ్‌ రోజున ఏజెంట్ల సమక్షంలో మాక్‌పోలింగ్‌ నిర్వహించాలన్నారు. పోలింగ్‌ సిబ్బంది అందరికీ గుర్తింపు కార్డులను మంజూరు చేయాలని చెప్పారు. రిసెప్షన్‌ కౌంటర్‌లో చెక్‌లిస్ట్‌ మేరకు పోలింగ్‌కు అవసరమైన సామాగ్రిని పంపిణీ చేయాలన్నారు. ఈ నెల 11వ తేదీన వెబ్‌ కెమెరాల నిర్వహణపై బీఎల్‌ఓలకు శిక్షణ ఇవ్వాలని ఆదేశించారు. సాంకేతిక సమస్యలొస్తే టెక్నిషియన్‌లు వెంటనే స్పందించేలా అప్రమత్తంగా ఉండాలన్నారు. ప్రతి పోలింగ్‌ కేంద్రంలో ఓటరు సమాచార కేంద్రం ఏర్పాటు చేయాలని కోరారు. అబ్జర్వర్‌ షాదిక్‌ అలం మాట్లాడుతూ పోలింగ్‌ రోజున ప్రతి నియోజకవర్గంలో కంట్రోల్‌ రూమ్‌ ఏర్పాటు చేసి పోలింగ్‌ సరళిని పర్యవేక్షించాలన్నారు. పోలీస్‌ అబ్జర్వర్‌ అరవింద సాల్వే మాట్లాడుతూ సమస్యాత్మక కేంద్రాలలో శాంతిభద్రతలకు ఏర్పాట్లు చేయాలని స్పష్టం చేశారు. వ్యయ అబ్జర్వర్‌ రోహన్‌ ఠాగూర్‌ మాట్లాడుతూ సరిహద్దు చెక్‌పోస్టుల వద్ద పకడ్బందీగా విధులు నిర్వర్తించాలని ఆదేశించారు. సమావేశంలో చిత్తూరు అసెంబ్లీ ఆర్‌ఓ శ్రీనివాసులు, ఇతర నియోజకవర్గాల ఆర్‌ఓలు మనోజ్‌రెడ్డి, శ్రీనివాసులు, వెంకటశివ, చిన్నయ్య, వెంకటరెడ్డి, మధుసూదనరెడ్డి పాల్గొన్నారు. 10వ తేదీకి పోలింగ్‌ కేంద్రాల్లో ఏర్పాట్లు జిల్లా వ్యాప్తంగా అన్ని నియోజకవర్గాల్లో ఈ నెల 10వ తేదీ నాటికి పోలింగ్‌ కేంద్రాలలో ఏర్పాట్లు పూర్తి చేసి సెక్టోరల్‌ అధికారులకు అప్పగించాలని జిల్లా ఎన్నికల అధికారి షణ్మోహన్‌ ఆదేశించారు. క్షేత్రస్థాయి అధికారులతో ఆయన మాట్లాడుతూ జిల్లాలోని అన్ని పోలింగ్‌ కేంద్రాలలో మౌలిక వసతులు పక్కాగా ఉండాలన్నారు. సమావేశంలో పంచాయతీరాజ్‌ ఎస్‌ఈ చంద్రశేఖర్‌రెడ్డి, సమగ్రశిక్ష ఏపీసీ వెంకటరమణారెడ్డి, డీఈఓ దేవరాజు పాల్గొన్నారు.