► సర్వజనాస్పత్రిలో సెక్యూరిటీ ఉద్యోగాలకు వసూళ్లు
► మంత్రి, ఎంపీ, ఇద్దరు ఎమ్మెల్యేలకు ప్రత్యేక కోటా
► ఒక్కో పోస్టుకు రూ.30 వేల వరకు ‘దండు’కున్న వైనం
అనంతపురం మెడికల్ : సర్వజనాస్పత్రిలో జరిగే ఏ పనైనా టీడీపీ నాయకులకు కాసులు కురిపిస్తోంది. పారిశుద్ధ్య పనుల్లో కక్కుర్తి పడిన ఓ ఎమ్మెల్సీ అనుచరుడు చివరకు కలెక్టర్ ఆగ్రహంతో ఇంటి ముఖం పట్టగా.. తాజాగా సెక్యూరిటీ గార్డుల భర్తీలో తమ్ముళ్లు దందా చేస్తున్నారు. ఉద్యోగం గ్యారంటీగా ఇప్పిస్తామంటూ రూ.30 వేల వరకు వసూలు చేస్తున్నారు. ఇందుకు ప్రజాప్రతినిధులు కూడా సహకారం అందిస్తున్నారు. అనంతపురం మెడికల్ కళాశాల, అనుబంధంగా ఉన్న సర్వజనాస్పత్రిలో సెక్యూరిటీ సర్వీసెస్ను హైదరాబాద్కు చెందిన ఎజైల్ సంస్థ నిర్వహించేది. ఇటీవల తిరుపతికి చెందిన ‘జై బాలాజీ’ సెక్యూరిటీ సర్వీసెస్కు ఈ బాధ్యతలు అప్పగించారు. దీంతో ఈ నెల మొదటి వారంలో మెడికల్ కళాశాలతో పాటు సర్వజనాస్పత్రిలోని ఎజైల్ సెక్యూరిటీ గార్డులను స్వాధీనం చేసుకున్నారు.
కళాశాలలో 12 మంది ఉండగా ఎలాంటి మార్పు జరగలేదు. సర్వజనాస్పత్రిలో మాత్రం కొత్త నిబంధనలు వచ్చాయి. 500 పడకల ఆస్పత్రి కావడంతో ప్రతి 30 పడకలకు ఉదయం షిఫ్ట్లో ఇద్దరు, మధ్యాహ్నం, రాత్రి షిఫ్టుల్లో ఒక్కో సెక్యూరిటీ గార్డు ఉండేలా నియామకాలు చేపట్టాల్సి ఉంది. మొత్తం 74 మంది అవసరం. పాత ఏజెన్సీ కింద 26 మంది ఉండగా కొత్త ఏజెన్సీ అదనంగా నియమించుకోవాల్సి రావడంతో అసలు కథ మొదలైంది. అధికార పార్టీ ప్రజాప్రతినిధులు తాము సూచించిన వాళ్లకే ఉద్యోగాలు ఇవ్వాలని సదరు ఏజెన్సీ ప్రతినిధికి అల్టిమేటం జారీ చేశారు. ఓ మంత్రి సోదరుడు 20 వరకు దరఖాస్తులను పంపి వాళ్లందరినీ ఉద్యోగాల్లోకి తీసుకోవాలని సూచించారు. టీడీపీలో ప్రధాన పోస్టులో ఉన్న ఓ ఎమ్మెల్యేతో పాటు మరో ఎమ్మె ల్యే కూడా తమ వాళ్లను తీసుకోవాల్సిం దిగా ఆదేశించారు.
ఈ విషయం తెలుసుకున్న ఓ ఎంపీ అనుచరులు కూడా రంగంలోకి దిగి ఏకంగా గొడవపడ్డారు.ఆస్పత్రిలోని ఓ డాక్టర్ వద్ద వారం క్రితం పంచాయితీ కూడా జరిగినట్లు సమాచారం. ఈ సమయంలో సదరు నేత అనుచరులు బెదిరింపులకు పాల్పడినట్లు తెలిసింది. ‘అంతా వాళ్లకేనా.. మా ఎంపీ చేతకానోడా.. చూస్తాం.. మీరెలా డ్యూటీలు చేస్తారో.. ఇన్నాళ్లూ ఆస్పత్రి గురించి సరిగా పట్టించుకోలేదు. ఇక నుంచి మా సారు కూడా ఆస్పత్రికి వస్తారు. మీ కథ చెబుతాం’ అని చెప్పడంతో కంగుతిన్న ఏజెన్సీ ప్రతినిధి ఇప్పటికే ఉద్యోగాల కోసం నేతలు చేసిన సిఫార్సుల గురించి వాళ్లకు వివరించినట్లు సమాచారం. దీంతో ‘అదంతా మాకు తెలీదు. మా వాళ్లకు ఉద్యోగాలు కావాల్సిందే’ అని తేల్చిచెప్పడంతో సదరు ఎంపీ అనుచరులకు నాలుగు పోస్టులు ‘రిజర్వ్’ చేసినట్లు తెలిసింది.
కాగా నేతల పేరుతో రంగంలోకి దిగిన అనుచరులు ఎక్కడికక్కడ దందా ప్రారంభించారు. కొంత మందితో ఒక్కో పోస్టుకు రూ.20 వేల నుంచి రూ.30 వేల వరకు వసూళ్లకు పాల్పడ్డారు. సాధారణంగా సెక్యూరిటీ పోస్టుకు పదో తరగతి విద్యార్హతతో పాటు శారీరక దృఢత్వం, ఎత్తు తదితర అంశాలను పరిగణలోకి తీసుకోవాల్సి ఉన్నా కొందరి విషయంలో అవేమీ పట్టించుకోకుండానే నియామకాలు చేపట్టారు. పైగా నేతలు సిఫార్సు చేసిన వారి దరఖాస్తులు నేరుగా వాళ్ల అనుచరుల నుంచే ఏజెన్సీ ప్రతినిధికి వచ్చినట్లు తెలిసింది.
పైసలిస్తే.. పోస్టుఖాయం!
Published Fri, May 20 2016 5:04 AM
Advertisement
స్టార్ హీరోలతో యాక్టింగ్.. ఆ కమెడియన్ ఇలా అయిపోయాడేంటి!
భర్తతో విడిపోయిన హీరోయిన్.. కూతురితో కలిసి..
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
ఐసీఎంఆర్ విడుదల చేసిన ఆహార మార్గదర్శకాలు ఇవే..
వైట్హౌస్కు ఏఐ టెక్నాలజీని పరిచయం చేసిన భారత సంతతి ఇంజనీర్! ఎవరీమె?
రాజధానిపై కూటమి కుట్ర బట్ట బయలు చేసిన దేవులపల్లి
టీడీపీ కార్యకర్తల దాడి అంబటి స్ట్రాంగ్ కౌంటర్
పిఠాపురంలో పవన్ చిత్తు చిత్తు.. ప్రచారంలో వంగా గీత కూతురు అల్లుడు
పిట్రోడా వ్యాఖ్యల దుమారం.. నిర్మలా సీతారామన్ ఆగ్రహం
How To Cast Your Vote : ఓటు వేద్దాం.. స్ఫూర్తి చాటుదాం (ఫొటోలు)
కడప కోర్టులో షర్మిల, సునీతకు మరోసారి ఎదురుదెబ్బ
నా స్కూటీని తగులబెట్టారు: రాగ మంజరి చౌదరి
చంద్రబాబు, పవన్ కళ్యాణ్ కడుపుమంట అదే : నాగార్జున యాదవ్
తప్పక చదవండి
- ఒక్క క్లిక్తో ‘ఏపీ పాలిసెట్’ ఫలితాలు
- సుప్రీత మైండ్ బ్లోయింగ్ గ్లామర్.. ఫారెన్ వీధుల్లో కేతిక!
- పిట్రోడా వ్యాఖ్యల దుమారం.. నిర్మలా సీతారామన్ ఆగ్రహం
- జ్యుడీషియల్ కస్టడీకి రేవణ్ణ
- పవన్ మూవీ రిలీజ్ డేట్కి టెండర్ వేసిన 'దేవర'?
- ఓటీటీలోకి వచ్చేస్తున్న మరో వివాదాస్పద మూవీ
- టీ20 వరల్డ్కప్ 2024 కోసం భారత బి టీమ్.. కెప్టెన్గా కేఎల్ రాహుల్..!
- ‘నోరు మెదపరేం రాహుల్జీ?’..ప్రధాని మోదీ విమర్శలు
- ధోని ఆల్టైమ్ రికార్డు బద్దలు కొట్టిన సంజూ.. భారత తొలి క్రికెటర్గా..
- బాబోస్తే ఆరోగ్యశ్రీ గో..వింద
Advertisement