ప్రైవేట్ ట్రావెల్స్పై ఆర్టీఏ అధికారుల దాడులు కొనసాగుతున్నాయి. హైదరాబాద్ - బెంగళూరు జాతీయ రహదారిపై ఆర్టీఏ అధికారులు బుధవారం తెల్లవారుజామున తనిఖీలు నిర్వహించారు. నిబంధనలకు విరుద్ధంగా నడుస్తున్న ఆరు బస్సులను సీజ్ చేశారు. ఇటీవల మహబూబ్ నగర్ జిల్లా కొత్తకోట మండలం పాలెం సమీపంలో ప్రైవేట్ బస్సు అగ్నికి ఆహుతి అయింది.
ఆ ఘటనలో 45 మంది దుర్మరణం చెందిన సంగతి తెలిసిందే. అప్పటి వరకు మొద్దు నిద్రలో ఉన్న రవాణా శాఖ అధికారులు ఆ ఘటనతో ఒక్కసారిగా ఉలిక్కిపడ్డారు. అదికాక ఆ దుర్ఘటనపై సర్వత్ర నిరసనలు వెల్లువెత్తాయి. ఈ నేపథ్యంలో ఆర్టీఏ అధికారులు ప్రైవేట్ ట్రావెల్స్కు చెందిన బస్సులపై నిరంతరం దాడులు నిర్వహిస్తున్న సంగతి తెలిసిందే.
TV
