* మృతుడి ఒంటిపై 23 కత్తిపోట్లు
* విభిన్న కోణాల్లో కేసు దర్యాప్తు
* యువతి వివాదమే హత్యకు కారణం?
నెల్లూరు (క్రైమ్) : స్నేహితుల నడుమ విభేదాలు తారా స్థాయికి చేరాయి. స్నేహితులే ఇర్షాద్ను సోమవారం అర్ధరాత్రి బోడిగాడితోటలో అతి కిరాతకంగా హత్య చేశారు. మృతుడి మెడ, ఛాతిపై విచక్షణా రహితంగా 23 సార్లు పొడిచారు. చనిపోలేదని బండరాయితో తలపై మోది మృతి చెందాడని నిర్ధారించుకున్న అనంతరం అక్కడ నుంచి వెళ్లారు. ఈ సంఘటన నిందితుల పైశాచికత్వానికి అద్దం పడుతోంది. పోలీసులు, స్నేహితుల వివరాల మేరకు..
రంగనాయకులపేట ఇసుక డొంకకు చెందిన ఎస్కే ఇర్షాద్(19), కోటమిట్టకు చెందిన జహీర్, రంగనాయకులపేటకు చెందిన వాజి నగరంలోని ఓ ప్రైవేట్ కళాశాలలో బీబీఏ మొదటి సంవత్సరం చదువుతున్నారు. గతంలో ఇర్షాద్ కుటుంబం కోటమిట్టలో ఉండేది. ఆ సమయంలోనే ఇర్షాద్కు రౌడీషీటర్ రఫి అలియాస్ ఫిత్తల్కోడితో పరిచయం ఏర్పడింది. ఇద్దరు స్నేహితులుగా మారారు. కొద్దికాలం కిందట ఇర్షాద్ కుటుంబం రంగనాయకులపేట ఇసుకడొంకకు మారింది. సోమవారం రాత్రి జహీర్ తన ఇంటి ముందు ఉండగా రఫి అతనిపై అకారణంగా దాడి చేశాడు.
దీంతో జహీర్ ఒకటోనగర పోలీసులకు ఫిర్యాదు చేశాడు. ఈ విషయం తెలుసుకున్న ఇర్షాద్ స్నేహితుడి వద్దకు వచ్చాడు. సర్దిచెప్పి కేసును ఉపసంహరించుకోవాలని కోరాడు. అందుకు జహీర్ తనకు క్షమాపణ చెప్పించాలని కోరడంతో రఫికి ఫోన్ చేసి కోటమిట్టకు రమ్మని ఇర్షాద్ పిలిచాడు. దీంతో రఫి అతని స్నేహితుడు కాలేషాతో కలిసి రంగనాయకులపేట వద్దకు వచ్చి ఇర్షాద్కు ఫోన్చేసి మాట్లాడాలని పిలిచి బైక్పై ఎక్కించుకుని తీసుకెళ్లారు. బోడిగాడితోటలోకి తీసుకెళ్లి అతనితో గొడవపడ్డారు. రఫి కత్తితో విచక్షణా రహితంగా మెడ, ఛాతిపై 23 చోట్ల పొడిచాడు. చనిపోతాడో లేదోనని బండరాయితో తలపై మోది హత్య చేశాడు. అక్కడ నుంచి జహీర్కు ఫోన్ చేసి నాతో డబుల్ గేమ్ ఆడుతున్నందుకే హత్య చేశానని చెప్పాడు.
విభిన్న కోణాల్లో కేసు దర్యాప్తు
మంగళవారం ఉదయం మృతదేహాన్ని పోలీసులు పోస్టుమార్టం నిమిత్తం ప్రభుత్వాస్పత్రికి తరలించారు. పోస్టుమార్టంలో 23 కత్తిపోట్లను గుర్తించినట్లు సమాచారం. రెండో నగర ఇన్స్పెక్టర్ వి. సుధాకర్రెడ్డి ఆధ్వర్యంలో సిబ్బంది విభిన్న కోణాల్లో కేసు దర్యాప్తు చేపట్టారు. తొలుత వాజీ, జహీర్ను పోలీసులు విచారించారు. ఇర్షాద్ ప్రవర్తనపై ఆరా తీశారు. రఫితో ఏవైనా గొడవలున్నాయా అని ఆరాతీశారు. రఫి తనకు ఫోన్ చేసి నాతో విభేదించిన వారందరిని ఒక్కొక్కరిగా చంపుతానని బెదిరించినట్లు పోలీసులకు వెల్లడించారు.
ఇదిలా ఉంటే రఫి తన స్నేహితుడి చెల్లెలుతో సన్నిహితంగా ఉండటం చూసి ఇష్టం లేక ఇర్షాద్ ఆమె కుటుంబ సభ్యులకు తెలిపినట్లు, వారు ఆమెను మందలించడంతో రఫి అప్పటి నుంచి ఇర్షాద్పై కక్ష పెంచుకున్నట్లు తెలుస్తోంది. ఈ నేపథ్యంలోనే ఇర్షాద్ను హత్య చేసి ఉంటాడని ఒక సమాచారం. ఇర్షాద్ పలుమార్లు రఫిని నమ్మించి కేసుల్లో ఇరికించాడ న్న కోపంతోనే హత్య చేసి ఉండొచ్చుననే ప్రచారం కూడా ఉంది. దీంతో అన్నీ కోణాల్లో పోలీసులు కేసు దర్యాప్తు చేస్తున్నారు.
నిందితుల కోసం గాలింపు
రఫి, అతని స్నేహితుడు కాలేషా కోసం పోలీసులు గాలింపు చర్యలు చేపట్టారు. ప్రస్తుతం రఫి మూడో మైలులో ఉండటంతో అక్కడ సైతం అతని కోసం గాలించారు. త్వరలోనే నిందితులను అదుపులోకి తీసుకుంటామని పోలీసులు తెలిపారు.
ఖుదా దయలేదా...
ఒక్కగానొక్కకుమారుడని అల్లారు ముద్దుగా పెంచుకున్నా. ప్రయోజకుడై చేదోడు వాదోడుగా ఉంటానని ఆశపడ్డా...ఇంతలోనే నానుంచి దూరం చేస్తావా. దేవుడా నీకు దయలేదా అంటూ మృతుడి తండ్రి ఖాదర్బాషా రోదించడం చూపురులను కంటతడి పెట్టించింది.
అతి కిరాతకంగా హత్య
Published Wed, Mar 2 2016 4:09 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధర్వంలో ‘నక్షత్ర సభ’: థ్రిల్లింగ్ అనుభవం కావాలంటే!
Lok Sabha Election 2024: ఇద్దరు లాలు ప్రసాద్లు... అయితే ఏంటి?
కాంగ్రెస్తోనే అభివృద్ధి సాధ్యం
రైతు రుణమాఫీ ఊసేది..?
ఈవీఎంల రెండో విడత ర్యాండమైజేషన్
ప్రారంభమైన హోం ఓటింగ్
No Headline
No Headline
కూలీల కనీస వేతనం పెంచాలి
నీటి ఎద్దడి తలెత్తకుండా చర్యలు భేష్
డ్రంక్ అండ్ డ్రైవ్ కేసులో ఒకరికి జైలు
తప్పక చదవండి
- దశ దిశ మార్చే విజన్ అంటే ఇదే కదా!
- రేవంత్ ప్రచారం చేయకుండా నిషేధించాలి
- నేడు 4 చోట్ల సీఎం రేవంత్ ప్రచారం
- వరల్డ్కప్కు వెస్టిండీస్ జట్టు ప్రకటన.. విధ్వంసకర ఆటగాళ్లకు ఛాన్స్
- గుర్తుపట్టలేనంతగా మారిపోయిన టాలీవుడ్ స్టార్ హీరోయిన్
- ICC: నంబర్ వన్గా ఆసీస్.. అందులో మాత్రం టీమిండియానే టాప్
- కోర్టు పెండింగ్లో ఉన్న కేసు గురించి ఎలా మాట్లాడతారు?
- మద్యం పాలసీ కేసు.. మనీష్ సిసోడియాకు ఊరట
- ‘రాహుల్, లాలూ యాదవ్ పేరుందని పోటీ చేయకుండా ఆపలేం’
- ఎక్కువ జీతం కోసం ఎదురు చూస్తున్నారా? అయితే ఇది మీకోసమే
Advertisement