పరిష్కారమెప్పటికో ? వానలొస్తే ప్రాణాలు పోకుండా ఉండేందుకు అప్పటి నుంచీ ఇప్పటి వరకు ప్రభుత్వాలు తగిన చర్యలు తీసుకుంటున్నా శాశ్వత పరిష్కారం ఇంకా లభించలేదు. గత ప్రభుత్వాల కాలంలో ప్రారంభమైన పనుల్లో మార్పులు జరిగాయి. గత బీఆర్‌ఎస్‌ ప్రభుత్వం 2020, 2021లలో కురిసిన వర్షాలతో శాశ్వత పరిష్కార దిశగా కాలనీలు నీట మునగకుండా ఉండేందుకు నాలాల ఆధునీకరణ, తదితర పనుల కోసం వ్యూహాత్మక నాలా నిర్మాణం పథకం( ఎస్‌ఎన్‌డీపీ ) చేపట్టింది. తొలిదశలో భాగంగా నగరం, శివార్లలోని పురపాలికల్లో మొత్తం 58 పనులకు శ్రీకారం చుట్టారు. వీటి అంచనా వ్యయం రూ.985.45 కోట్లు. వాటిల్లో 37 పనులు మాత్రం పూర్తయ్యాయి. రూ.581.29 కోట్లు ఇందుకు ఖర్చయ్యాయి. మిగతావి పూర్తి కాలేదు. ● శివార్లలోని పురపాలికల్లో 21 పనులకుగాను 8 పనులు మాత్రం పూర్తయ్యాయి. వీటికి రూ.6.89 కోట్లు ఖర్చు చేశారు. ● జీహెచ్‌ఎంసీ పరిధిలోని పనులకు అవసరమైన రూ.747.45 కోట్లకుగాను ఎస్‌బీఐ నుంచి 515.96 కోట్లు రుణంగా తీసుకున్నా రు. మిగతావి జీహెచ్‌ఎంసీ సమకూర్చింది. ● శివారు పురపాలికలు తమ వాటాగా చెల్లించాల్సిన మొత్తంలో ఇంకా రూ.115.66 కోట్లు చెల్లించాల్సి ఉండగా, చేతులెత్తేశాయి. జీహెచ్‌ఎంసీయే భరించాల్సిందిగా కోరాయి. కానీ జీహెచ్‌ఎంసీ ఈ నిధుల్ని సమకూర్చే పరిస్థితి లేదు. ● వరద ముంపునకు ప్రధాన కారణం నాలాలు, నాలాల్లోంచి వరదనీరు సాఫీగా వెళ్లే మార్గం లేక కాలనీలు, బస్తీలు మునుగుతున్నాయి. నాలాలకు తగిన రక్షణచర్యలు లేక వాటిల్లో పడి మరణాలు చోటు చేసుకుంటున్నాయి. నాలా ‘సేఫ్టీ’ ఏదీ ? నాలాల వెంబడి ఎక్కడా ప్రమాదకర పరిస్థితులుండకుండా ఉండేందుకు థర్డ్‌పార్టీ ఏజెన్సీలతో వేసవికి ముందే గత రెండేళ్లుగా నాలా సేఫ్టీ ఆడిట్‌ నిర్వహిస్తున్నారు. నాలాలకు ఎక్కడైనా పైకప్పులు లేకున్నా, పెద్ద నాలాలకు జాలీలు లేకున్నా, రిటైనింగ్‌ వాల్స్‌ లేకున్నా, దెబ్బతిన్నా , నాలాలో ఎక్కడైనా మనుషులు పడేందుకు వీలున్నా గుర్తించి తగిన చర్యల కోసం ఈ సేఫ్టీ ఆడిట్‌ నిర్వహిస్తున్నారు. నివేదిక అనంతరం సంబంధిత ఇంజినీర్లు క్షేత్రస్థాయిలో పర్యటించి ఎక్కడా ప్రమాదకర పరిస్థితి లేకుండా పటిష్టమైన చర్యలు చేపట్టాలి. నాలా ఉందని తెలిసేలా హెచ్చరిక బోర్డులు కూడా పెట్టాలి. సేఫ్టీ ఆడిట్‌ కోసం లక్షలాది రూపాయలు, పనుల కోసం కోట్లు ఖర్చు చేస్తున్నా ప్రమాదాలు ఆగడం లేదు. తాజాగా, బేగంపేట నాలాలో ఇద్దరు మరణించారు. రైలు పట్టాలు దాటే క్రమంలో వారు పట్టాల కింద ఉన్న నాలాలోకి ప్రమాదవశాత్తు పడి ఉంటారని భావిస్తున్నారు. నాలాలు ఓపెన్‌గా ఉండకుండా, చెత్త కూడా వేయకుండా కూడా పటిష్టమైన చర్యలు చేపట్టాల్సి ఉండగా ఆ పనులు జరగడం లేదు. ప్రతియేటా నాలాల్లో మృతదేహాలు కొట్టుకువస్తున్నాయి. పూడికతీత పనులు సగమే ! ప్రతియేటా నాలాల్లో పూడికతీత పనులు వేసవిలోగానే పూర్తి కాకపోవడం వల్ల కూడా నాలాలు పొంగిపొర్లుతున్నాయి. ఈ సంవత్సరం కూడా ఇంకా సగం పనులు మాత్రమే జరిగాయి. నగరవ్యాప్తంగా 952.71 కి.మీ. పొడవున ఉన్న నాలాల్లో పూడికతీతకు గాను రూ.57 కోట్ల అంచనా వ్యయంతో 201 పనులుగా టెండర్లు పిలిచారు. ఇప్పటి వరకు దాదాపు 470 కి.మీల మేర మాత్రమే పనులు జరిగాయి. నిబంధనలు కాగితాల్లో.. టౌన్‌ప్లానింగ్‌కు సంబంధించి సైతం నిబంధనలు పక్కాగా ఉంటున్నా అమలులో లోపాల వల్ల అమాయకుల ప్రాణాలు గాల్లో కలుస్తున్నాయి. ఎత్తయిన ప్రాంతాలకు దిగువన నివాసాలు ఉండరాదనేది కూడా ఒక నిబంధన. కానీ బాచుపల్లిలో ప్రహరీ కూలి దాని దిగువనున్న కార్మికుల నివాస షెడ్లపై పడటం వల్లే ఏడుగురు మృతి చెందారు సిద్ధం కాని యంత్రాంగం అటు టౌన్‌ప్లానింగ్‌ విభాగాలు కానీ, ఇటు ఇంజినీరింగ్‌ విభాగాలు కానీ ఇంకా వర్ష ప్రమాదాల నివారణకు సిద్ధం కాలేదు. మేలో ఎండలు మండుతుండటంతో వర్షాల వల్ల ప్రమాదాలు జరుగుతాయని ఊహించలేదు. కానీ కురిసిన ఒక్కవానకే సంసిద్ధత ఎంతో బట్టబయలైంది. మరో నాలుగైదు రోజులు కూడా వర్షాలు కురియనున్నట్లు వాతావరణశాఖ సమాచారంతో ప్రజల్లో ఆందోళన వ్యక్తమవుతోంది. వర్షాకాల సంసిద్ధతపై కమిషనర్‌ సమావేశం వర్షాలు కురుస్తుండటంతో వర్షాకాల సన్నద్ధతపై జీహెచ్‌ఎంసీ కమిషనర్‌ జోనల్‌ సంబంధిత అధికారులతో టెలీకాన్ఫరెన్స్‌ నిర్వహించారు. సర్కిళ్ల వారీగా శిథిల భవనాలను, ప్రహరీలను, సెల్లార్ల తవ్వకాలను గుర్తించి ప్రమాదాలు జరగకుండా ముందస్తు జాగ్రత్తలు తీసుకోవాల్సిందిగా ఆదేశించారు. గుర్తించిన అంశాలు, తీసుకోబోయే చర్యలతో ఈనెల 18వ తేదీ లోగా తనకు నివేదిక అందజేయాలన్నారు. 98 ఫిర్యాదులు సాక్షి, సిటీబ్యూరో: జీహెచ్‌ఎంసీ ఈవీడీఎం విభాగానికి వర్షానికి సంబంధించి బుధవారం 98 ఫిర్యాదులు రాగా, 78 పరిష్కరించినట్లు ఈవీడీఎం డైరెక్టర్‌ ప్రకాశ్‌రెడ్డి తెలిపారు. చెట్లు కూలిన ఫిర్యాదులు 94 రాగా 75 మధ్యాహ్నం వరకే పరిష్కరించినట్లు తెలిపారు. నీటినిల్వలకు సంబంధించి రెండు ఫిర్యాదులు, మృతదేహాలకు సంబంధించి రెండు ఫిర్యాదులందినట్లు పేర్కొన్నారు.

సాక్షి, సిటీబ్యూరో: లోక్‌సభ ఎన్నికల ప్రచారం తుది దశకు చేరడంతో జాతీయ నేతలు భాగ్యనగరానికి క్యూ కట్టారు. ఇప్పటికే పలువురు ప్రచారంతో హోరెత్తించగా.. చివరి మూడు రోజుల్లో ఫైనల్‌ టచ్‌ ఇచ్చేందుకు అతిరథ మహారథులు నగరానికి రానున్నారు. గురువారం ఏఐసీసీ అగ్రనేత రాహుల్‌గాంధీ, శుక్రవారం ప్రధాని మోదీ, శనివారం కాంగ్రెస్‌ నేత ప్రియాంక గాంధీ, బీఆర్‌ఎస్‌ సారథి కేసీఆర్‌ హైదరాబాద్‌లో జరిగే ప్రచార సభల్లో పాల్గొననున్నారు. ఇదీ వరుస.. ● గురువారం సాయంత్రం 6 గంటలకు సరూర్‌నగర్‌ స్టేడియంలో నిర్వహించే జనజాతర సభకు రాహుల్‌గాంధీ హాజరు కానున్నారు. శుక్రవారం సాయంత్రం 4 గంటలకు ఎల్‌బీ స్టేడియంలో జరిగే బహిరంగ సభలో ప్రధాని నరేంద్ర మోదీ పాల్గోనున్నారు. శనివారం ఉదయం 10 గంటలకు పటాన్‌చెరులో నిర్వహించే కార్నర్‌ మీటింగ్‌కు ఏఐసీసీ నాయకురాలు ప్రియాంకా గాంధీ హాజరు కానున్నారు. బీఆర్‌ఎస్‌ అధినేత కేసీఆర్‌ సైతం చివరి రోజు నగరంలో రోడ్‌షోలు, కార్నర్‌ మీటింగ్‌లు నిర్వహించేందుకు ప్లాన్‌ చేస్తున్నారు. ప్రతిష్టాత్మకంగా తీసుకున్న పార్టీలు.. గ్రేటర్‌లోని హైదరాబాద్‌, సికింద్రాబాద్‌, మల్కాజిగిరి, చేవెళ్ల లోక్‌ సభ స్థానాలు ప్రధాన రాజకీయ పార్టీలకు ప్రతిష్టాత్మకంగా మారాయి. అధికార కాంగ్రెస్‌ సిటింగ్‌ స్థానమైన మల్కాజిగిరితో పాటు గతంలో చేజారిన సికింద్రాబాద్‌, చేవెళ్ల స్థానాలను దక్కించుకునేందుకు ప్రచారంలో దూకుడు ప్రదర్శిస్తోంది. ఇప్పటికే పీసీసీ అధ్యక్షుడు, సీఎం రేవంత్‌రెడ్డి ఆయా లోక్‌సభ స్థానాల పరిధిలో రోడ్‌ షోలు, కార్నర్‌ మీటింగ్‌లు నిర్వహించారు. ఆ పార్టీ జాతీయ నేతలు సైతం అభ్యర్థుల తరపున ప్రచారం నిర్వహించారు. తాజాగా రాహుల్‌, ప్రియాంకలు రానుండటంతో మరింత ప్రాధాన్యం సంతరించుకుంది. ● ఇక బీజేపీ.. తన సిటింగ్‌ స్థానమైన సికింద్రాబాద్‌తో పాటు మల్కాజిగిరి, హైదరాబాద్‌, చేవెళ్ల లోక్‌సభ స్థానాలను ప్రతిష్టాత్మకంగా తీసుకుంది. ఇప్పటికే ప్రధాని నరేంద్ర మోదీ, కేంద్ర హోంమంత్రి అమిత్‌షాలతో పాటు బీజేపీ పాలిత రాష్ట్రాల ముఖ్యమంత్రులు, పార్టీ అనుబంధ సంఘాల అధ్యక్షులు సైతం నగరంలో విస్త్రృత ప్రచారం నిర్వహించారు. తాజాగా ఈ నెల 10న ప్రధాని మోదీ మళ్లీ నగరానికి రానున్నారు. బీఆర్‌ఎస్‌ సిటింగ్‌ స్థానమైన చేవెళ్లతో పాటు మల్కాజిగిరి, సికింద్రాబాద్‌ లోక్‌సభ స్థానాలను ఆ పార్టీ కీలకంగా తీసుకుంది. ఆ పార్టీ అధినేత కేసీఆర్‌ ఇప్పటికే చేవెళ్ల నుంచి బస్సు యాత్రను ప్రారంభించారు. పార్టీ వర్కింగ్‌ ప్రెసిడెంట్‌ కేటీఆర్‌ నగరంలో వరుస కార్నర్‌ మీటింగ్‌లు నిర్వహిస్తున్నారు. ప్రచారంలో చివరి రోజైన శనివారం సాయంత్రానికే కేసీఆర్‌ మల్కాజిగిరి, సికింద్రాబాద్‌లలో రోడ్‌ షోలు నిర్వహించనున్నారు. నేడు రాహుల్‌.. రేపు మోదీ.. ఎల్లుండి ప్రియాంక గ్రేటర్‌ బాట పట్టనున్న జాతీయ నేతలు ప్రచారానికి మిగిలింది ఇక రెండు రోజులే

నాలాలో పడి ఇద్దరు మృతి ● వరద ఉధృతికి కొట్టుకువచ్చిన మృతదేహాలు ● బేగంపేట ఓల్డ్‌కస్టమ్స్‌ బస్తీ వద్ద నాలాలో వెలికితీత.. ● రైలు పట్టాలు దాటుతూ నాలాలో పడి ఉంటారని అనుమానం సనత్‌నగర్‌: పొట్టకూటి కోసం ఒడిశా నుంచి నగరానికి వలస వచ్చిన ఇద్దరు కార్మికులు ప్రమాదవశాత్తు నాలాలో పడి మృతి చెందడం స్థానికంగా విషాదం నింపింది. మంగళవారం రాత్రి కుండపోతగా కురిసిన వర్షానికి అమీర్‌పేట నుంచి బేగంపేట వైపు వచ్చే నాలాలో వరదనీరు చేరి ఉధృతంగా ప్రవహించగా..ఇరువురు కార్మికులు కొట్టుకువచ్చినట్లు తెలుస్తోంది. బుధవారం తెల్లవారుజామున వరద తీవ్రత తగ్గడంతో బేగంపేట ఓల్డ్‌ కస్టమ్స్‌ బస్తీ వద్ద నాలాలో వీరి మృతదేహాలు బయటపడ్డాయి. బేగంపేట పోలీస్‌స్టేషన్‌ పరిధిలో జరిగిన ఈ సంఘటన వివరాలు పోలీసులు తెలిపిన ప్రకారం ఇలా ఉన్నాయి. ఒడిశా రాష్ట్రానికి చెందిన చంద్రపాండా (38), మనోజ్‌దాస్‌ (45) బతుకుదెరువు కోసం నగరానికి వలస వచ్చారు. వివిధ చోట్ల తిరుగుతూ దొరికిన కూలి పనులను చేస్తుంటారు. ఈ క్రమంలో నెల రోజుల క్రితం వీరు బేగంపేట ఓల్డ్‌కస్టమ్స్‌ బస్తీలో ఉండే తమ సహచరుడి గదిలోకి మకాం మార్చారు. ముగ్గురూ అమీర్‌పేటలోని ఓ హోటల్‌లో కార్మికులుగా పనిచేస్తూ పొట్టపోసుకుంటున్నారు. రోజుమాదిరిగా మంగళవారం సాయంత్రం విధులు ముగించుకున్న ముగ్గురు స్నేహితులు..గ్రీన్స్‌ల్యాండ్స్‌ సమీపంలో ఉన్న ఓ బార్‌కు వెళ్లారు. ముగ్గురూ కలిసి మద్యం తాగారు. అయితే ఒకవైపు భారీ వర్షం కురుస్తుండడంతో భోజనం పార్శిల్‌ తీసుకువెళ్ళాల్సిందిగా తోటి స్నేహితులు పురమాయించడంతో ప్రభాకర్‌ అక్కడి నుంచి వెళ్లి పోయాడు. భోజనం తీసుకుని ఇంటికి వెళ్ళిన ప్రభాకర్‌ రాత్రి పొద్దుపోయేవరకు రూమ్‌మేట్స్‌ కోసం వేచి చూసి నిద్రపోయాడు. ఇదిలా ఉండగా బుధవారం తెల్లవారుజామున చంద్రపాండా, మనోజ్‌దాస్‌ల మృతదేహాలు కొట్టుకురావడాన్ని గమనించిన స్థానికులు పోలీసులకు సమాచారం అందించగా హుటాహుటిన అక్కడికి చేరుకున్న పోలీసులు మృతదేహాలను నాలాలో నుంచి బయటకు తీయించారు. పోస్టుమార్టం నిమిత్తం గాంధీ మార్చురీకి తరలించారు. రైలు పట్టాల వద్దనే నాలాలో పడ్డారా..? అమీర్‌పేట లీలానగర్‌ నుంచి రైలు పట్టాల కిందుగా నాలా బేగంపేట వైపు సాగుతోంది. పాదచారులు పట్టాలను నేరుగా దాటకుండా ఓల్డ్‌కస్టమ్స్‌ బస్తీ వద్ద రైల్వే అండర్‌ బ్రిడ్జి ఉంది. అయితే భారీ వర్షంతో మంగళవారం రాత్రి నీరు భారీగా వచ్చి చేరింది. మద్యం సేవించి ఇంటికి పయనయమైన చంద్రపాండా, మనోజ్‌దాస్‌లు రైల్వే అండర్‌ బ్రిడ్జి వద్ద వరదనీటిని చూసి రైలు పట్టాల పైనుంచి వెళ్ళే ప్రయత్నం చేశారు. పట్టాల కింద నుంచి నాలా వెళ్తుండగా వీరు పట్టాలు దాటే క్రమంలో ప్రమాదవశాత్తూ జారి నాలాలో పడి కొట్టుకువచ్చినట్లుగా భావిస్తున్నారు. ఈ మేరకు మనోజ్‌దాస్‌ సోదరుడు సుక్రదాస్‌ ఫిర్యాదు మేరకు కేసు నమోదు చేశారు.

సాక్షి, సిటీబ్యూరో: ఒకవైపు ఎండ.. మరోవైపు కాలుష్యంతో నగరవాసులు ఉక్కిరిబిక్కిరి అవుతున్నారు. కాలమేదైనా 80 శాతం పట్టణ ప్రాంతాల్లో అధిక ఉష్ణోగ్రతలు నమోదవుతున్నాయి. అర్బన్‌ హీట్‌ ఐల్యాండ్స్‌ (యూహెచ్‌ఐ)గా పేర్కొ న్న ఈ ప్రాంతాల్లోని గాలిలో కార్బన్‌ మోనాకై ్సడ్‌ (సీఓ), నైట్రోజన్‌ డయాకై ్సడ్‌ (ఎన్‌ఓ2), ఓజోన్‌ (ఓ3), ఫార్మాల్డిహైడ్‌ (హెచ్‌సీహెచ్‌ఓ), ఏరో సోల్స్‌, సల్ఫర్‌ డయాకై ్సడ్‌ (ఎస్‌ఓ2) వంటి కాలుష్య కారకాలు అధిక మోతాదులో ఉన్నట్లు ఎన్‌ఐటీ తిరుచ్చి అధ్యయనంలో తేలింది. దీంతో పరిసర ప్రాంతాలతో పోలిస్తే యూహెచ్‌ఐ ప్రాంతాల్లో వేడి 2.6 డిగ్రీలు అధికంగా ఉన్నట్లు గుర్తించారు. ఏం చేయాలి? యూహెచ్‌ఐ, కాలుష్య సవాళ్లను నియంత్రించాలంటే పట్టణ ప్రణాళిక విభాగం, విధానాల అమలు కీలకం. ప్రభుత్వ, ప్రై వేట్‌ రంగ సంస్థలతో పాటు పౌరుల సహకారం అత్యవసరం. భూ ఉపరితలాన్ని చల్లదనంగా ఉంచేందుకు గ్రీనరీకి అధిక ప్రాధాన్యం ఇవ్వడం, పచ్చదనంతో కూడి న ఇంటి పైకప్పులు, భవన నిర్మాణాల్లో హరిత ఉత్పత్తుల వినియోగం తప్పనిసరి చేసేలా నిర్మాణ నిబంధనల సవరణలు వంటివి చేపట్టాలి. వీటితో పాటు కాలుష్యం వెదజల్లే కాలం చెల్లిన వాహనాలకు స్వస్తి పలకాలి. ట్రాఫిక్‌ నియంత్రణ, క్రమబద్దీకరణ వ్యూహాలను అమ లు చేయాలి. యూహెచ్‌ఐ ప్రభావాలపై ప్రజల్లో అవగాహన కల్పించాలి.● నగర వాసి ఉక్కిరిబిక్కిరి ● ఎన్‌ఐటీ తిరుచ్చి అధ్యయనంలో వెల్లడి

జీహెచ్‌ఎంసీ పరిధిలోని పనులు జోన్ల వారీగా ..జోన్‌ మొత్తం పూర్తయిన ఇంకా జరగాల్సిన పనులు (కి.మీ) పనులు (కి.మీ.) పనులు(కి.మీ.) సికింద్రాబాద్‌ 8 (9.31) 6 (5.83) 2 (1.42) కూకట్‌పల్లి 3 (7.97) 3 (7.97) – (–) ఎల్‌బీనగర్‌ 10 (12.04) 8 (10.10) 2 (0.52) చార్మినార్‌ 7 (5.71) 6 (2.76) 1 (0.74) ఖైరతాబాద్‌ 7 (9.18) 4 (4.36) 2 (0.37) శేరిలింగంపల్లి 2 (3.11) 2 (3.11) – (– ) మొత్తం 37 (47.32) 29 (34.13) 7 (3.05) వర్షం.. ఎవరికై నా హర్షమే. వర్షపు చినుకుల్లో తడిస్తే చాలామందికి థ్రిల్లింగే. కొత్త ఉత్సాహం వస్తుంది. హైదరాబాద్‌ మహానగరంలో మాత్రం ఉత్పాతంగా కనిపిస్తోంది. విశ్వనగరంగా ఎదుగుతూ ఎన్నో రంగాల్లో అగ్రగామిగా నిలుస్తున్నప్పటికీ ప్రజలకు వాన భయం మాత్రం పోవడం లేదు. ఎప్పుడు వాన కురిసినా నోళ్లు తెరచుకుంటున్న నాలాలు, నీట మునుగుతున్న కాలనీలు, అపార్టుమెంట్ల సెల్లార్లలోకి నీళ్లు ..నీళ్లలో కార్లు, బైకులు రెండు పుష్కరాలుగా కనిపిస్తున్న దృశ్యాలు. 2000 సంవత్సరం ఆగస్టులో కురిసిన భీకర వర్షం తాలూకు భయాలు వానొచ్చిందంటే ఇప్పటికీ వెంటాడుతూనే ఉన్నాయి. సాక్షి, సిటీబ్యూరో: ● ఈ వేసవిలో మండుతున్న ఎండల భగభగలతో అల్లాడుతున్న నగర ప్రజలకు మంగళవారం కురిసిన వర్షం ఎంతో ఉపశమనం కలిగించింది. కొత్త ఉత్సాహాన్నిచ్చింది. ● తెల్లారేసరికి నాలాలో కొట్టుకు వచ్చిన రెండు మృతదేహాలు, ప్రహరీ కూలి ఏడుగురు కార్మికుల ప్రాణాలు పోయాయన్న వార్తలు మనసుల్ని కలచి వేశాయి. వీటి అంచనా వ్యయం: రూ. 747.45 కోట్లు జోన్ల వారీగా పూడికతీత పనుల వివరాలిలా.. జోన్‌ లక్ష్యం జరిగిన (కి.మీ) పని(కి.మీ) ఎల్‌బీనగర్‌ 119.99 67.09 చార్మినార్‌ 384.61 211.77 ఖైరతాబాద్‌ 171.26 57.68 శేరిలింగంపల్లి 71.82 35.82 కూకట్‌పల్లి 100.83 48.81 సికింద్రాబాద్‌ 104.20 45.44 మొత్తం 952.71 466.61 బయటపడ్డ విశ్వనగర వరద దృశ్యాలు పూర్తికాని పూడికతీత.. ఎస్‌ఎన్‌డీపీకి నిధుల కొరత ప్రచారంలో ‘సేఫ్టీ’.. ప్రాణాలకు లేదు ‘ఆడిట్‌’ నిర్మాణాల నిబంధనలు కాగితాల్లో..ప్రజల ప్రాణాలు గాల్లో