ఆల్కాట్‌తోట (రాజమహేంద్రవరం రూరల్‌): మే 11వ తేదీన జరగనున్న జాతీయ లోక్‌ అదాలత్‌లో అత్యధిక కేసులు పరిష్కరించేందుకు రెవిన్యూ, పంచాయతీరాజ్‌ అధికారులు తమ పరిధిలో ఉన్న రాజీపడదగిన కేసులను గుర్తించాలని తొమ్మిదవ అదనపు జిల్లా న్యాయమూర్తి ఎం.మాధురి తెలిపారు. సోమవారం తూర్పు గోదావరి జిల్లా ప్రధాన న్యాయస్థాన ఆవరణలో ఆమె ఉమ్మడి తూర్పు గోదావరి జిల్లాలోని జిల్లా రెవెన్యూ, పంచాయతీ అధికారులతో సమావేశం నిర్వహించారు. ఈసందర్బంగా తొమ్మిదవ అదనపు జిల్లా న్యాయమూర్తి ఎం.మాధురి రాజీపడదగిన జాబితాను అధికారులు సిద్ధం చేసి జిల్లా న్యాయ సేవాధికార సంస్థకు అందించాలన్నారు. తూర్పు గోదావరి జిల్లా న్యాయ సేవాధికార సంస్థ కార్యదర్శి కె.ప్రకాష్‌ బాబు, గవర్నమెంటు ప్లీడరు సీహెచ్‌వీ ప్రసాద్‌, ఉమ్మడి తూర్పు గోదావరి జిల్లా రెవెన్యూ, పంచాయితీ అధికారులు పాల్గొన్నారు.

●● అట్టహాసంగా వైఎస్సార్‌ సీపీ అభ్యర్థుల నామినేషన్లు ● భారీగా ర్యాలీలు ● ఎంపీ స్థానానికి డాక్టర్‌ గూడూరి శ్రీనివాస్‌ ● రాజమండ్రి సిటీ ఎమ్మెల్యే స్థానానికి మార్గాని భరత్‌ నామినేషన్‌ సాక్షి, రాజమహేంద్రవరం: సార్వత్రిక సమరం తొలి ఘట్టమైన నామినేషన్ల పర్వం కొనసాగుతోంది. మంచి తేదీ, ముహూర్తం చూసుకుని వైఎస్సార్‌ సీపీ ఎంపీ, ఎమ్మెల్యే అభ్యర్థులు నామినేషన్లు దాఖలు చేస్తున్నారు. తమ ఇష్ట దైవం వద్ద పత్రాలు పెట్టి పూజలు చేస్తున్నారు. భారీ జన సమీకరణ, ర్యాలీతో కుటుంబ సమేతంగా రిటర్నింగ్‌ అధికారి కార్యాలయానికి వెళ్లి నామినేషన్లు వేస్తున్నారు. వారు వెళ్తున్న మార్గాలు భారీగా తరలుతున్న ప్రజలతో కిక్కిరిసిపోతున్నాయి. అభ్యర్థులపై అభిమానులు పూల జల్లులు కురిపిస్తున్నారు. నామినేషన్ల కోలాహలంతో నియోజకవర్గ కేంద్రాల్లో పండగ వాతావరణం నెలకొంటోంది. జిల్లావ్యాప్తంగా రాజమండ్రి రూరల్‌, అనపర్తి మినహా మిగిలిన ఒక పార్లమెంట్‌, ఐదు అసెంబ్లీ నియోజకవర్గాల్లో వైఎస్సార్‌ సీపీ అభ్యర్థులు నామినేషన్లు వేయడం పూర్తయ్యింది. వీరితో పాటు బీజేపీ, కాంగ్రెస్‌ అభ్యర్థులు సైతం నామినేషన్లు సమర్పించారు. వైఎస్సార్‌ సీపీ ఎంపీ అభ్యర్థిగా డాక్టర్‌ గూడూరి రాజమండ్రి లోక్‌సభ స్థానానికి వైఎస్సార్‌ సీపీ అభ్యర్థిగా డాక్టర్‌ గూడూరి శ్రీనివాస్‌ సోమవారం నామినేషన్‌ వేశారు. తొలుత తిలక్‌ రోడ్డులోని సాయిబాబా ఆలయంలో ప్రత్యేక పూజలు నిర్వహించారు. అనంతరం వైఎస్సార్‌ సీపీ శ్రేణులు, అభిమానులతో ర్యాలీగా సోమాలమ్మను దర్శించుకున్నారు. అనంతరం రామాలయం జంక్షన్‌, బొమ్మూరు మీదుగా కలెక్టరేట్‌కు చేరుకున్నారు. అక్కడ జిల్లా రిటర్నింగ్‌ అధికారి, కలెక్టర్‌కు మూడు సెట్ల నామినేషన్లు దాఖలు చేశారు. ఆయన వెంట రాజమహేంద్రవరం నగరాభివృద్ధి సంస్థ (రుడా) చైర్మన్‌ రౌతు సూర్యప్రకాశరావు, గూడూరి సతీమణి రాధిక ఉన్నారు. కార్యక్రమంలో శాఖ రాష్ట్ర మంత్రి, పార్టీ రాజమహేంద్రవరం రూరల్‌ అభ్యర్థి చెల్లుబోయిన శ్రీనివాస వేణుగోపాలకృష్ణ, రాష్ట్ర హౌసింగ్‌ కార్పొరేషన్‌ చైర్‌పర్సన్‌ మేడపాటి షర్మిలారెడ్డి, వైఎస్సార్‌ సీపీ సిటీ మాజీ అధ్యక్షుడు నందెపు శ్రీనివాస్‌, ఎన్నికల పరిశీలకులు రావిపాటి రామచంద్రరావు పాల్గొన్నారు. రాజమండ్రి సిటీ నుంచి మార్గాని భరత్‌రామ్‌ రాజమండ్రి సిటీ అసెంబ్లీ నియోజకవర్గం నుంచి వైఎస్సార్‌ సీపీ అభ్యర్థిగా ఎంపీ మార్గాని భరత్‌రామ్‌ నామినేషన్‌ వేశారు. నగరంలోని వీఎల్‌ పురం మార్గాని ఎస్టేట్స్‌కు వేలాదిగా తరలివచ్చిన పార్టీ శ్రేణులు, ప్రజలు అభిమానులతో ఉదయం ర్యాలీగా బయలుదేరారు. విశేష సంఖ్యలో బైక్‌లు, కార్లు, ఆటోలపై తరలివచ్చిన ప్రజలతో మార్గాని ఎస్టేట్స్‌ నుంచి సాగిన ఈ ర్యాలీ జనప్రవాహాన్ని తలపించింది. కంబాల చెరువు వరకూ ర్యాలీ కొనసాగగా.. అక్కడి నుంచి పాదయాత్రగా నగరపాలక సంస్థ కమిషనర్‌ కార్యాలయం వరకూ వెళ్లారు. ఎంపీ భరత్‌, ఆయన సతీమణి మోనా, భరత్‌ తల్లి ప్రసూన రిటర్నింగ్‌ అధికారికి నామినేషన్‌ పత్రాలు సమర్పించారు. ఇప్పటికే పలువురి నామినేషన్లు ● ఆయా నియోజకవర్గాల్లో వైఎస్సార్‌ సీపీ అభ్యర్థులుగా పోటీ చేస్తున్న నేతలు ఇప్పటికే నామినేషన్లు దాఖలు చేశారు. రాజానగరం ఎమ్మెల్యే అభ్యర్థిగా పార్టీ జిల్లా అధ్యక్షుడు జక్కంపూడి రాజా రాజానగరం సాయిబాబా ఆలయంలో సతీసమేతంగా పూజలు నిర్వహించిన అనంతరం వందలాది మంది పార్టీ శ్రేణులు, అభిమానులతో ర్యాలీగా వెళ్లి ఎంపీడీఓ కార్యాలయంలో నామినేషన్‌ వేశారు. ● నిడదవోలులో వైఎస్సార్‌ సీపీ అభ్యర్థి, సిట్టింగ్‌ ఎమ్మెల్యే జి.శ్రీనివాస్‌ నాయుడు భారీగా తరలివచ్చిన పార్టీ శ్రేణులు, అభిమానులతో కలసి తన క్యాంపు కార్యాలయం నుంచి పాదయాత్రగా వెళ్లి నామినేషన్‌ దాఖలు చేశారు. ● గోపాలపురం వైఎస్సార్‌ సీపీ ఎమ్మెల్యే అభ్యర్థిగా హోం మంత్రి తానేటి వనిత యర్నగూడెంలోని తన క్యాంప్‌ కార్యాలయంలో సర్వమత ప్రార్థనల అనంతరం భారీ ఊరేగింపుగా గోపాలపురం చేరుకున్నారు. సుమారు 12 కిలో మీటర్ల మేర ర్యాలీగా వెళ్లి నామినేషన్‌ వేశారు. ● కొవ్వూరు వైఎస్సార్‌ సీపీ ఎమ్మెల్యే అభ్యర్థిగా గోపాలపురం ఎమ్మెల్యే తలారి వెంకట్రావు.. ప్రభుత్వ సలహాదారు, నియోజకవర్గ పార్టీ పరిశీలకుడు రాజీవ్‌కృష్ణ, పార్టీ జిల్లా అధ్యక్షుడు జక్కంపూడి రాజా, భారీ సంఖ్యలో ప్రజలు వెంట రాగా ర్యాలీగా వెళ్లి నామినేషన్‌ దాఖలు చేశారు. ● ఇదిలా ఉండగా, రాజమండ్రి ఎంపీ స్థానానికి బీజేపీ అభ్యర్థి దగ్గుబాటి పురందేశ్వరి, కాంగ్రెస్‌ అభ్యర్థి గిడుగు రుద్రరాజు, రాజమహేంద్రవరం రూరల్‌, సిటీ, గోపాలపురం, కొవ్వూరు స్థానాలకు టీడీపీ నేతలు బుచ్చయ్య చౌదరి, ఆదిరెడ్డి వాసు, మద్దిపాటి వెంకట్రాజు, ముప్పిడి వెంకటేశ్వరరావు ఇప్పటికే నామినేషన్లు వేశారు. ● జిల్లాలోని ఒక పార్లమెంటు, 7 అసెంబ్లి నియోజకవర్గాల్లో సోమవారం 20 మంది అభ్యర్థులు నామినేషన్లు వేశారని జిల్లా ఎన్నికల అధికారి, కలెక్టర్‌ కె.మాధవీలత తెలిపారు. వీరిలో అనపర్తి నుంచి బీజేపీ తరఫున ములగపాటి శివరామ కృష్ణంరాజు తదితరులున్నారు.

సీటీఆర్‌ఐ (రాజమహేంద్రవరం): వచ్చే నెల 13న జరిగే సార్వత్రిక ఎన్నికల్లో ఓటు హక్కు వినియోగించుకునేందుకు వీలుగా జిల్లాలోని వివిధ వ్యాపార, వాణిజ్య, పారిశ్రామిక సంస్థలు, దుకాణాలు, హోటళ్లు, ఇతర సంస్థల్లో పని చేస్తున్న ఉద్యోగులు, కార్మికులకు వేతనంతో కూడిన సెలవుగా ప్రకటించారు. జిల్లా సహాయ కార్మిక కమిషనర్‌ బీఎస్‌ఎం వలీ సోమవారం ఒక ప్రకటనలో ఈ విషయం తెలిపారు. దీనిని ఉల్లంఘించిన యాజమాన్యాలకు జరిమానా విధిస్తామని హెచ్చరించారు. కొండెక్కిన ఎన్నికల కోడ్‌ కడియం: టీడీపీ సీనియర్‌ నాయకుడు గోరంట్ల బుచ్చయ్య చౌదరి ఎన్నికల కోడ్‌ను కొండెక్కించేశారు. కడియం మండలం పొట్టిలంకలో సోమవారం రాత్రి ఎన్నికల ప్రచారం చేపట్టిన ఆయన.. గ్రామస్తుల ఇలవేల్పు చింతాలమ్మ ఆలయంలోకి నేరుగా పార్టీ కండువాలతోనే వెళ్లిపోయారు. ఆ పార్టీ నాయకులందరూ కండువాలతోనే గుడి లోపలికి వెళ్లి ఫొటోలకు పోజులిచ్చారు. అదే ఆలయ ఆవరణలో మాజీ ఉప సర్పంచ్‌ కొత్తపల్లి రాజుబాబు తదితరులకు గోరంట్ల టీడీపీ కండువాలు వేసి ఆహ్వానించారు. ప్రతిసారీ రూల్స్‌పై మాట్లాడే గోరంట్ల.. స్వయంగా ఇలా ఎన్నికల నిబంధనలను ఉల్లంఘించడంపై గ్రామస్తులు విస్తుబోయారు. ఘనంగా సీతారాముల వనవిహారోత్సవం అన్నవరం: రత్నగిరి క్షేత్రపాలకులు శ్రీ సీతారాముల దివ్య కల్యాణ మహోత్సవాల్లో భాగంగా ఏడో రోజైన సోమవారం స్వామి, అమ్మవార్ల వనవిహారోత్సవం ఘనంగా నిర్వహించారు. సాయంత్రం 4 గంటలకు పెళ్లిపెద్దలు సత్యదేవుడు, అనంతలక్ష్మీ సత్యవతీదేవి అమ్మవారు వెంట రాగా నవదంపతులు సీతారాములను ఊరేగింపుగా కొండ దిగువన గార్డెన్‌ వద్దకు తీసుకుని వచ్చారు. అక్కడ ప్రత్యేక సింహసనాలపై సీతారాములను, సత్యదేవుడు, అనంతలక్ష్మీ సత్యవతీదేవి అమ్మవారిని వేంచేయించి, పండితులు పూజలు చేశారు. నవదంపతులకు దేవస్థానం అధికారులు నూతన పట్టు వస్త్రాలు సమర్పించారు. పూజా కార్యక్రమాల అనంతరం వనవిహారోత్సవం నిర్వహించారు. నేడు శ్రీచక్రస్నానం శ్రీరామ నవమి ఉత్సవాల ఎనిమిదో రోజైన మంగళవారం ఉదయం 8 గంటలకు పవర్‌హౌస్‌ వద్ద పంపా నదిలో సీతారాములకు శ్రీచక్రస్నాన మహోత్సవం నిర్వహించనున్నారు. నదిలో నీరు లేకపోవడంతో స్నానఘట్టాలకు దూరంగా నీరు ఉన్న చోట గుంత తవ్వి, అందులో ఈ కార్యక్రమం నిర్వహిస్తారు. పౌర్ణమి సందర్భంగా ఉదయం 9 నుంచి వనదుర్గ అమ్మవారికి ప్రత్యంగిర హోమం నిర్వహించనున్నారు.

సాక్షి, రాజమహేంద్రవరం: వైఎస్సార్‌ సీపీ అనుబంధ విభాగాల్లో పలువురికి జిల్లా స్థాయి పదవులు దక్కాయి. ముఖ్యమంత్రి, పార్టీ అధ్యక్షులు వైఎస్‌ జగన్‌మోహన్‌ రెడ్డి ఆదేశాల మేరకు పార్టీ కేంద్ర కార్యాలయం సోమవారం ఈ ఉత్తర్వులు వెలువరించింది. జిల్లా పార్టీ కమిటీ సంయుక్త కార్యదర్శిగా డాక్టర్‌ అక్షయపాత్ర శ్రీనివాస రవీంద్ర నియమితులయ్యారు. మైనార్టీ కమిటీ మైనార్టీ విభాగం జిల్లా వైస్‌ ప్రెసిడెంట్‌గా రాజమండ్రి రూరల్‌ నియోజకవర్గానికి చెందిన ఎండీ హమీద్‌బాషా, జనరల్‌ సెక్రటరీగా ఎస్‌కే ఇబ్రహీం, జాయింట్‌ సెక్రటరీగా ఎస్‌కే అబ్దుల్‌ రహీం నియమితులయ్యారు. వైద్య విభాగం వైద్య విభాగం కమిటీ జిల్లా అధ్యక్షురాలిగా డాక్టర్‌ అనుసూరి పద్మలత (రాజమహేంద్రవరం సిటీ), ఉపాధ్యక్షులుగా బండేల రాజశేఖర్‌ (కొవ్వూరు), ఎస్‌.వెంకటేష్‌ (రాజానగరం), జనరల్‌ సెక్రటరీలుగా బల్లా శ్రీనివాసరావు(రాజమహేంద్రవరం సిటీ), పి.దేవానందం (రాజమహేంద్రవరం రూరల్‌), ఎస్‌కే ఇమామ్‌ (రాజమండ్రి రూరల్‌), సూరిశెట్టి భాస్కర్‌ (రాజానగరం), పంద్రాకుల వీర వెంకట సత్యనారాయణ (కొవ్వూరు), రేలంగి మారుతీ శివ భాస్కర్‌ (నిడదవోలు), పి.చిన్ని (జగ్గంపేట), సుందరపల్లి సుధాకర్‌ (రాజానగరం) నియమితులయ్యారు.సెక్రటరీలుగా డీవీ కాలాబత్తుల రాజశేఖర్‌ (రాజమహేంద్రవరం సిటీ), కోరుపోలు నాని (రాజానగరం), తూము రవి (రాజానగరం), సూరంపూడి రవిప్రసాద్‌ (కొవ్వూరు), కండేటి వెంకట సూర్యాంగ సత్యనారాయణమూర్తి (కొవ్వూరు), పేరూరి ధనశంకరం (నిడదవోలు), పోతుల సత్య వరప్రసాద్‌ (నిడదవోలు), జాయింట్‌ సెక్రటరీలుగా డాక్టర్‌ కట్రో రేఖ (రాజమహేంద్రవరం సిటీ), డాక్టర్‌ షాకీర్‌ అబ్బాస్‌ (రాజమహేంద్రవరం సిటీ), డాకే శ్రీనివాసరావు (రాజమహేంద్రవరం రూరల్‌), ఎంవీవీ.సత్యనారాయణ (రాజమహేంద్రవరం రూరల్‌), వీవీ నర్సయ్య (రాజానగరం), గల్లా అచ్యుత్‌ (రాజానగరం), కొల్లూరి దేవీనాగ విశ్వతేజ (నిడదవోలు), ఎంవీఎస్‌ సూర్యనారాయణ (నిడదవోలు)ను నియమించారు.

పిఠాపురం: జనసేన అధినేత పవన్‌ కల్యాణ్‌పై పిఠాపురం నుంచి పోటీ చేస్తున్నట్టు ఇప్పటికే ఒక ట్రాన్స్‌జెండర్‌ ప్రకటించగా.. తాజాగా ఓ చర్మకారుడు కూడా ఆయనపై పోటీకి సిద్ధమంటున్నాడు. డిగ్రీ చదువుకున్నా కానీ కులవృత్తినే నమ్ముకుని జీవనం సాగిస్తున్న పట్టభద్రుడిని కాబట్టే చట్ట సభలకు వెళ్లాలని నిర్ణయించుకున్నానని, అందుకే పిఠాపురంలో ఎమ్మెల్యేగా పోటీ చేయడానికి నిర్ణయించుకున్నానని అంటున్నాడు పిఠాపురానికి చెందిన చర్మకారుడు ఏడిద భాస్కరరావు. పిఠాపురం ఆర్‌ఆర్‌బీహెచ్‌ఆర్‌ కాలేజీ వద్ద చెట్టు కింద 20 ఏళ్లుగా చెప్పులు కుట్టుకుంటూ జీవనం సాగిస్తున్న ఆయన స్వతంత్య్ర అభ్యర్థిగా బరిలో ఉంటున్నట్లు ప్రకటించారు. ఈ మేరకు రిటర్నింగ్‌ అధికారి కార్యాలయం నుంచి సోమవారం నామినేషన్‌ పత్రాలు తీసుకున్నారు. రెండు రోజుల్లో నామినేషన్‌ దాఖలు చేస్తానని చెప్పారు. ఈ సందర్భంగా మాట్లాడుతూ, సినీ యాక్టర్‌ పవన్‌ కల్యాణ్‌ ఇక్కడ పోటీ చేస్తున్నారని, ఎక్కడి నుంచో ఇక్కడకు వచ్చి అందరూ పోటీ చేస్తూంటే స్థానికుడిగా బీఏ పొలిటికల్‌ సైన్స చదువుకున్న తానెందుకు పోటీ చేయకూడదని అనిపించిందన్నారు. అందుకే నాలుగు నెలలుగా నియోజకవర్గ సమస్యలను పత్రికల ద్వారా సేకరించానన్నారు. ఇప్పుడు పవన్‌ కల్యాణ్‌ పరిష్కరిస్తానని చెబుతున్న పిఠాపురంలోని సమస్యలను తాను నాలుగు నెలల క్రితమే గుర్తించానన్నారు. నిరుపేద కుటుంబానికి చెందిన వాడిని కాబట్టి, ప్రజల సమస్యలు తీర్చాలంటే చట్ట సభలే వేదిక అని తలచి పోటీలో ఉండాలనుకుంటున్నానని చెప్పారు. తనకు తెలిసిన వారందరి మద్దతూ కోరుతున్నానని, చాలా మంది ముందుకు వస్తున్నారని అన్నారు. ఎలాగైనా పవన్‌ కల్యాణ్‌పై గెలుస్తాననే నమ్మకం తనకుందన్నారు. త్వరలో తాను కూడా ఓ మేనిఫెస్టో తయారు చేసుకుని, ప్రకటిస్తానని భాస్కరరావు తెలిపారు.

నల్లగొండ టౌన్‌: ఎండలు మండుతున్నాయి. జిల్లాలో నాలుగు రోజులుగా అత్యధికంగా 46 డిగ్రీలకుపైగా ఉష్ణోగ్రతలు నమోదవుతున్నాయి. ఉదయం 7గంటల నుంచే ఎండ దంచికొడుతోంది. ఉదయం 9గంటల దాటిందంటే ప్రజలు ఇళ్లనుంచి బయటకు రావడం లేదు. 11 గంటల దాటితే వీధులు, రోడ్లు జనసంచారం లేక నిర్మానుష్యంగా కనిపిస్తున్నాయి. మధ్యాహ్నం వేడిగాలులు వీస్తుండడంతో ఉక్కపోతతో తట్టుకోలేక ప్రజలు అల్లాడిపోతున్నారు. శుక్రవారం అత్యధికంగా త్రిపురారం మండలం కామారెడ్డిగూడెంలో 46.6 డిగ్రీల గరిష్ట ఉష్ణోగ్రత నమోదైంది. అనుముల హాలియా మండలం ఇబ్రహీంపేట, కట్టంగూర్‌ మండల కేంద్రంలో 46.5 డిగ్రీలు నమోదుకావడం విశేషం. 21 ప్రాంతాల్లో 45 డిగ్రీలకు పైగా, 24 ప్రాంతాల్లో 44 డిగ్రీలకు మించి నమోదైంది. ఇంకా ఐదు చోట్ల 43 డిగ్రీలు నమోదు కాగా జిల్లాలో మిగతా చోట్ల 42 డిగ్రీలకుపైగా గరిష్ట ఉష్ణోగ్రతలు నమోదయ్యాయి. రెండో వారంలో ఎండలు పెరిగే అవకాశం ఉన్నట్లు వాతావరణ శాఖ అధికారులు పేర్కొంటున్నారు. ఫ అత్యధికంగా కామారెడ్డిగూడెంలో 46.6 డిగ్రీల ఉష్ణోగ్రత

దేవరకొండ, నిడమనూరు: ఎన్నికల విధుల్లో పీఓలు, ఏపీఓలు, ఓపీఓలు నిర్లక్ష్యం వహిస్తే చర్యలు తప్పవని జిల్లా ఎన్నికల అధికారి, కలెక్టర్‌ దాసరి హరిచందన హెచ్చరించారు. దేవరకొండ ఎంకేఆర్‌ ప్రభుత్వ డిగ్రీ కళాశాల, నిడమనూరులో రెండు నియోజకవర్గాల పీఓలు, ఏపీఓలకు నిర్వహిస్తున్న రెండో విడత శిక్షణ కార్యక్రమాలను శుక్రవారం ఆమె వేర్వేరుగా సందర్శించారు. ఈ సందర్భంగా రెండుచోట్ల ఉద్యోగులు పోస్టల్‌ బ్యాలెట్‌ కోసం ఏర్పాటు చేసిన ఓటర్‌ ఫెసిలిటేషన్‌ కేంద్రాలను పరిశీలించి పలు సూచనలు చేశారు. పలు వివరాలను అడిగి తెలుసుకున్నారు. ఈ సందర్భంగా ఆమె మాట్లాడుతూ నల్లగొండ లోక్‌సభ నియోజకవర్గ పరిధిలో ఏర్పాటు చేసిన ఆరు ఓటర్‌ ఫెసిలిటేషన్‌ కేంద్రాలను సద్వినియోగం చేసుకోవాలన్నారు. పోలింగ్‌ విధుల నిర్వహణలో తప్పులు చేస్తే సస్పెండ్‌ చేయడమే కాకుండా ఎన్నికల నిబంధనల మేరకు కేసులు నమోదు అవుతాయన్నారు. ఎన్నికల సంఘం నిబంధనలు తప్పని సరిగా పాటించాలని అన్నారు. ఆ తర్వాత దేవరకొండ పట్టణంలోని పాత సత్యసాయి కాలేజ్‌ రోడ్డులో 91 ఏళ్లు నిండిన సీనియర్‌ సిటిజన్‌ బీఎన్‌ శామ్యూల్‌ హోమ్‌ ఓటింగ్‌ సౌకర్యాన్ని వినియోగించుకోగా వారి ఇంటికి వెళ్లి ప్రత్యక్షంగా హోమ్‌ ఓటింగ్‌ విధానాన్ని పరిశీలించారు. రెండుచోట్ల ఆమె వెంట అనదపు కలెక్టర్‌ శ్రీనివాస్‌, దేవరకొండ ఆర్డీఓ శ్రీరాములు, తహసీల్దార్‌ సంతోష్‌కిరణ్‌ ఉన్నారు. ఫ జిల్లా ఎన్నికల అధికారి, కలెక్టర్‌ హరిచందన

భువనగిరి పట్టణంలో కొనసాగుతున్న జాతీయస్థాయి డబుల్స్‌ విభాగం టెన్నిస్‌ పోటీలు శుక్రవారం ముగిశాయి. - IIలోశుక్రవారం నమోదైన ఉష్ణోగ్రతలు ఇలా.. మండలం ప్రాంతం ఉష్ణోగ్రత త్రిపురారం కామారెడ్డిగూడెం 46,6 హాలియా ఇబ్రహీంపేట 46.5 కట్టంగూర్‌ కట్టంగూర్‌ 46.5 దామరచర్ల తిమ్మాపూర్‌ 46.3 చందంపేట తెల్దేవర్‌పల్లి 46.3 నిడమనూరు నిడమనూరు 46.2 తిరుమలగిరిసాగర్‌ తిరుమలగిరిసాగర్‌ 46.2 మాడ్గులపల్లి మాడ్గులపల్లి 46.0

నల్లగొండ అగ్రికల్చర్‌: జిల్లాలో అప్పుడే నకిలీ పత్తి విత్తనాల దందా ప్రారంభమైంది. జిల్లాలో వచ్చే వానాకాలం సీజన్‌లో 5.40లక్షల ఎకరాల్లో పత్తిని సాగు చేయనున్నట్టు, ఇందుకు సుమారు 15లక్షల వరకు పత్తి ప్యాకెట్లు అవసరం ఉంటుందని వ్యవసాయ శాఖ అంచనా వేసింది. దీన్ని దృష్టిలో పెట్టుకుని సీజన్‌ ఆరంభానికి నెలరోజుల ముందునుంచే నకిలీ విత్తనాల దందాకు వ్యాపారులు తెరలేపారు. తక్కువ ధరలకు విత్తనాలు ఇస్తామంటూ అమాయక రైతులకు నాసిరకం పత్తి విత్తనాలను అంటగడుతున్నారనే సమాచారం. పల్లెల్లో ఏజెంట్లను నియమించుకొని.. గ్రామాల్లో ఏజెంట్లను నియమించుకుని దందాను మూడుపువ్వులు ఆరుగాయలుగా కొనసాగిస్తున్నట్టు తెలుస్తోంది. గత వానాకాలంలో సైతం నాసిరకం పత్తి విత్తనాలను రైతులకు అంటగట్టడంతో సరైన పూత,కాయ రాక దిగుబడి తగ్గి రైతులు తీవ్రంగా నష్టపోయిన పరిస్థితి జిల్లాలో నెలకొంది. ఇప్పటికే జిల్లాలోని నల్లగొండ, నకిరేకల్‌, నార్కట్‌పల్లి, చండూరు, మునుగోడు, దేవరకొండ, కొండమల్లేపల్లి, హాలియా, అంగడిపేట, చింతపల్లి, మాల్‌ వంటి ప్రాంతాల్లో నకిలీలు విత్తనాలు తీసుకొచ్చి గోదాముల్లో సిద్ధంగా ఉంచినట్లు తెలుస్తోంది. జిల్లా కేంద్రంలోని జిల్లా వ్యవసాయాధికారి కార్యాలయం సమీపంలోని కొన్ని దుకాణాలు, ప్రకాశం బజార్‌, దేవరకొండ రోడ్డులోని ఒక ఎరువుల దుకాణం, మండలాల్లోని వివిధ గ్రామాల్లో గల దుకాణాల్లోనూ ఈ దందాను జోరుగా సాగిస్తున్నట్లు ఆరోపణలు వినిపిస్తున్నాయి. అయితే వ్యాపారులు మాత్రం తమ వద్ద ఎరువులు, పురుగుల మందులను కొనుగోలు చేసే రైతులకు విత్తనాలను ముందస్తుగా ఉద్దెరకు అంటగడుతున్నట్లు తెలుస్తోంది. ఎన్నికల కోడ్‌కు ముందే విత్తనాల రాక ప్రస్తుతం ఎన్నికల కోడ్‌ అమలులో ఉండి చెక్‌పోస్టులను ఏర్పాటు చేసి తనిఖీలను నిర్వహిస్తున్నారు. కానీ, ఎన్నికల కోడ్‌ వెలువడక ముందే.. అంటే చెక్‌పోస్టులను ఏర్పాటు చేయకముందే నకిలీ విత్తనాలను జిల్లాకు చేరినట్టు తెలుస్తోంది. ఇప్పటి వరకు సుమారు 5లక్షల వరకు విత్తన ప్యాకెట్లు, 8టన్నుటల వరకు లూజ్‌ విత్తనాలను వ్యాపారులు తెచ్చినట్లు సమాచారం. ప్రత్యేక నిఘా ఏర్పాటు చేశాం నకిలీ పత్తి విత్తనాలను అమ్మకుండా దుకాణాలు, వ్యాపారులపై ప్రత్యేక నిఘాను ఏర్పాటు చేశాం. గతంలో నకిలీ విత్తనాలు అమ్మి పట్టుబడిన వారు తిరిగి రెండోసారి పట్టుబడితే పీడీ యాక్టు ప్రయోగిస్తాం. జిల్లా వ్యాప్తంగా తనిఖీలను నిర్వహిస్తాం. నకిలీ విత్తనాల అమ్మేవారి సమాచారం ఇస్తే వారిపై కఠిన చర్యలు తీసుకుంటాం. – పాల్వాయి శ్రవణ్‌కుమార్‌, డీఏఓ, నల్లగొండ ఫ ఏపీతోపాటు మహబూబ్‌నగర్‌ జిల్లా నుంచి పత్తి విత్తనాలు దిగుమతి ఫ రహస్య ప్రాంతాల్లో నిల్వచేసిన వ్యాపారులు ఫ ఏజెంట్ల ద్వారా గ్రామాలకు చేరవేసి రైతులకు విక్రయం ఫ నామమాత్రంగా అధికారుల నిఘా విత్తనాలు వచ్చింది ఈ జిల్లాల నుంచే.. ముఖ్యంగా మన రాష్ట్రంలోని మహబూబ్‌నగర్‌, ఏపీ రాష్ట్రంలోని కర్నూల్‌, గుంటూరు, మాచర్ల ప్రాంతాల నుంచి ఈ నకిలీ విత్తనాలు పెద్ద ఎత్తున వ్యాపారులు తెస్తున్నారు. ప్రస్తుతం చెక్‌పోస్టులు ఉన్న కారణంగా కార్లు, బైక్‌లపై ప్రధాన రహదారుల నుంచి కాకుంగా గ్రామాల గుండా జిల్లాకు తీసుకొస్తున్నట్టు సమాచారం. జిల్లా వ్యవసాయశాఖ, టాస్క్‌ఫోర్స్‌ అధికారులు ఎన్నికల విధుల్లో ఉన్నందున గుట్టుచప్పుడు కాకుండా ఇతర జిల్లాల నుంచి నకిలీ విత్తనాలను తెచ్చి రైతులకు అంటగడుతున్నారు. గ్రామాల్లోని ఏజెంట్ల ద్వారా విత్తనాలను సరఫరా చేస్తున్నట్లు సమాచారం. ఈ నేపథ్యంలో అధికారులు స్పందించి నకిలీ విత్తనాల దందాను అరికట్టాలని, లేకుంటే తాము తీవ్ర నష్టాలపాలయ్యే అవకాశం ఉందని కొందరు రైతులు అంటున్నారు.

ఫ ఎస్పీ చందనా దీప్తి నల్లగొండ క్రైం: మహిళా రక్షణ కోసం షీటీమ్‌ బృందాలు నిరంతరం పనిచేస్తాయని జిల్లా ఎస్పీ చందనా దీప్తి శుక్రవారం ఒక ప్రకటనలో తెలిపారు. మహిళలను వేధిస్తే కఠిన చర్యలు తీసుకుంటామని హెచ్చరించారు. ఏప్రిల్‌ నెలలో జిల్లా వ్యాప్తంగా 13 ఫిర్యాదులు రాగా వాటిని విచారించి ఒక కేసు నమోదు చేసినట్లు తెలిపారు. ప్రజలు రద్దీ ఉండే బస్టాండ్‌లు, విద్యా సంస్థలు, రైల్వే స్టేషన్ల, షాపింగ్‌ మాల్స్‌, వ్యాపార సముదాయాలు తదితర ప్రాంతాల్లో మహిళలను వేధింపులకు గురి చేసే వారిపై రహస్యంగా నిఘా ఉంచినట్లు తెలిపారు. మహిళలు నేరుగా పోలీస్‌ స్టేషన్‌లో షీటీమ్‌ పోలీసులకు, డయల్‌ 100, వాట్సప్‌ ద్వారా క్యూఆర్‌ కోడ్‌ స్కానింగ్‌ పద్ధతిలో ఫిర్యాదు చేయవచ్చని పేర్కొన్నారు. సామాజిక మాధ్యమాల పట్ల అప్రమత్తంగా ఉండాలని తెలిపారు. ఫొటోలు మార్పింగ్‌ చేసి యువతులకు పంపి బ్లాక్‌మెయిల్‌ చేస్తే షీటీమ్‌ పోలీసులకు ఫిర్యాదు చేయాలని పేర్కొన్నారు. సమస్యలపై ఫిర్యాదు చేసేందుకు నల్లగొండ షీటీమ్‌ నంబర్‌ 8712670235, ఎస్పీ 8712670200, షీటీమ్‌ సీఐ కరుణాకర్‌ 8712670143, మిర్యాలగూడ షీటీమ్‌ ఎస్‌ఐ కోటేష్‌ 8096004465 నెంబర్లకు ఫిర్యాదు చేయవచ్చని తెలిపారు. ఆడిట్‌ అభ్యంతరాలపై ఆధారాలు సమర్పించాలి మిర్యాలగూడ: మిర్యాలగూడ మండలంలో 2018–19 నుంచి 2023–24 వరకు నిర్వహించిన సోషల్‌ ఆడిట్‌లో తెలిపిన ఆడిట్‌ అభ్యంతరాలపై మూడు, నాలుగు రోజుల్లో తగిన ఆధారాలు సమర్పించాలని జిల్లా విజిలెన్స్‌ అధికారి వేణుగోపాల్‌రావు అధికారులను ఆదేశించారు. శుక్రవారం మిర్యాలగూడ ఎంపీడీఓ కార్యాలయంలో పంచాయతీ కార్యదర్శులు, ఏపీఓలు, టెక్నికల్‌ అసిస్టెంట్లతో నిర్వహించిన సమావేశంలో ఆయన మాట్లాడారు. నిర్ణీత సమయంలోగా ఆధారాలు సమర్పించకుంటే ఫైనాన్షి యల్‌ ఇన్వాల్వ్‌మెంట్‌ ఉన్న చోట రికవరీ చేపట్టి తగిన చర్యలు తీసుకుంటామన్నారు. ఈ సమావేశంలో మేనేజర్‌ గౌతమి, టీఏ వింధ్యారాణి, ఎంపీడీఓ శేషగిరిశర్మ, ఎంపీఓ పద్మ పాల్గొన్నారు. వైభవంగా ఊంజలి సేవ యాదగిరిగుట్ట : యాదాద్రి శ్రీలక్ష్మీనరసింహస్వామి ఆలయంలో శుక్రవారం ఆండాళ్‌ అమ్మవారికి ఊంజలి సేవోత్సవం పాంచరాత్ర ఆగమశాస్త్ర ప్రకారం నిర్వహించారు. సాయంత్రం వేళ అమ్మవారిని ప్రత్యేకంగా అలంకరించి ఆలయ తిరు, మాఢ వీధుల్లో ఊరేగించారు. అనంతరం అద్దాల మండపంలో అమ్మవారిని అధిష్టింపజేసి ఊంజలి పర్వం చేపట్టారు. అదే విధంగా ప్రధానాలయంలో అర్చనలు, అభిషేకం, సుదర్శనహోమం, నిత్యకల్యాణం, జోడు సేవోత్సవం తదితర కైంకర్యాలు నిర్వహించారు.