సాక్షి, తిరుపతి: ఓటమి భయంతో కూటమి అభ్యర్థులు ఇష్టారాజ్యంగా వ్యవహరిస్తున్నారు. ఓటర్లను భయభ్రాంతులకు గురిచేసి పోలింగ్‌ శాతాన్ని తగ్గించాలని పక్కా ప్లాన్‌తో విధ్వంసాలు సృష్టించారు.అల్లర్లు సృష్టించి..అసత్యాలకు పదును పెట్టి ఎన్నికల్లో అల్లర్లు, విధ్వంసాలు సృష్టించేందుకు కూటమి అభ్యర్థులు నోటిఫికేషన్‌ వెలువడక ముందు నుంచే విధ్వంసాలకు పథక రచన చేశారు. అందులో భాగంగానే నామినేషన్‌ రోజున ఆర్డీఓ కార్యాలయం వద్ద ఎమ్మెల్యే చెవిరెడ్డి భాస్కర్‌రెడ్డి వాహనంపై దాడికి తెగబడ్డారు. ఆపై విచక్షణారహితంగా పోలీసులపైన, వైఎస్సార్‌సీపీ శ్రేణులపై రాళ్ల వర్షం కురిపించారు. మరోవైపు తిరుపతి నగరంలో జరుగుతున్న ప్రచారంలో జనసేన రౌడీలు స్థానికులు, వైఎస్సార్‌సీపీ శ్రేణులపైన దాడులకు తెగబడ్డారు. ఇదంతా కుట్రలో భాగమేనని ఓటర్లు చర్చించుకుంటున్నారు.  రిగ్గింగ్‌ని అడ్డుకున్నందుకే విధ్వంసాలు పోలింగ్‌ రోజు చంద్రగిరి నియోజకవర్గ ఓటర్లంతా వైఎస్సార్‌సీపీ ఎమ్మెల్యే అభ్యర్థి చెవిరెడ్డి మోహిత్‌రెడ్డికే పట్టం కడుతున్నారన్న విషయాన్ని గ్రహించిన కూటమి అభ్యర్థి పులివర్తి నాని అనుచరులు రామంద్రాపురం మండలం, బ్రాహ్మణకాలువ పోలింగ్‌ కేంద్రంలో రిగ్గింగ్‌కు యతి్నంచారు. తమకు అడ్డుగా ఉన్న దళిత ఏజెంట్‌ని బయటకు లాక్కొచ్చి అతనిపై దాడిచేశారు. వైఎస్సార్‌సీపీ పాకాల మండల పార్టీ అధ్యక్షులు నంగా నరే‹Ùరెడ్డి కుమారుడు లవంత్‌రెడ్డిపై కత్తులతో దాడికి పాల్పడ్డారు. తర్వాత పులివర్తివారి పల్లెలో రిగ్గింగ్‌కు యతి్నంచారు. వైఎస్సార్‌సీపీ ఏజెంట్‌పై మాజీ జెడ్పీటీసీ సురేష్ చౌదరి, పులివర్తి నాని కుమారుడు వినీల్‌ దాడికి దిగారు. నారావారిపల్లె పరిధిలోని పోలింగ్‌ కేంద్రంలో ఉన్న వైఎస్సార్‌సీపీ ఏజెంట్‌పైనా టీడీపీ మూకలు దాడిచేశారు. అదేవిధంగా కూచువారిపల్లె పరిధిలోని పోలింగ్‌ కేంద్రంలో రిగ్గింగ్‌కి అడ్డుగా ఉన్న వైఎస్సార్‌సీపీ ఏజెంట్‌ రాజశేఖర్‌ని, రిలీవ్‌ ఏజెంట్‌గా ఉన్న సర్పంచ్‌ కొట్టాల చంద్రశేఖర్‌రెడ్డిపై దాడి చేశారు. చంద్రశేఖర్‌రెడ్డి ఇంటిని ధ్వంసం చేశారు. గ్రామానికి చేరుకున్న చెవిరెడ్డి మోహిత్‌రెడ్డిపై దౌర్జన్యానికి దిగారు. మోహిత్‌రెడ్డి వాహనానికి నిప్పు పెట్టి, మరో ఎస్కార్ట్‌ వాహనాన్ని ధ్వంసం చేశారు. కార్యకర్తలపై దౌర్జన్యం చేశారు. కూచువారిపల్లెలో కార్యకర్తలను బేడ్లతో కోసి రక్త గాయాలు చేశారు.అక్కడే ఎందుకు తిష్ట? పోలింగ్‌ రోజున ఎటూ ఓటింగ్‌ శాతాన్ని తగ్గించలేకపోయామని భావించిన కూటమి టీడీపీ అభ్యర్థి పులివర్తి నాని అనుచరులు  రెచ్చిపోతున్నారు. మహిళా విశ్వవిద్యాలయం ప్రాంతంలో 144 సెక్షన్‌ అమలులో ఉండగా స్ట్రాంగ్‌ రూమ్‌ పరిసరాల్లో పులివర్తి నాని అనుచరులు మారణాయుధాలతో పెద్ద సంఖ్యలో అక్కడికి చేరుకోవాల్సిన అవసరం ఏమొచ్చిందని అధికారులు అనుమానం వ్యక్తం చేస్తున్నారు. స్ట్రాంగ్‌ రూమ్‌ పరిధిలో ఉన్న రౌడీ మూకలు మహిళా యూనివర్సిటీ సమీపంలో వైఎస్సార్‌సీపీ స్టిక్కర్‌తో ఉన్న ద్విచక్ర వాహనాన్ని కిందపడేసి ధ్వంసం చేశారు. ఆపై దానికి నిప్పంటించారు. అదేవిధంగా వైఎస్సార్‌సీపీ నాయకుడికి కారును కూడా ధ్వంసం చేశారు.  

­­సార్వత్రిక పోరు సందర్భంగా ఉమ్మడి జిల్లాలో చికెన్‌ విక్రయాలు రెట్టింపు స్థాయిలో జరిగాయి. నోటిఫికేషన్‌కు ముందు నుంచే విందు భోజనాల హడావిడి మొదలైంది. ఓట్ల పండుగలో నాన్‌వేజ్‌ వంటకాలెన్ని వడ్డించినా చికెన్‌దే సింహ భాగమైంది. రికార్డు స్థాయిలో బ్రాయిలర్‌ కోళ్ల అమ్మకాలు జరగ్గా, గత నెల రోజుల్లో మాంసాహార ప్రియులు రూ.435 కోట్లు విలువైన చికెన్‌ను లొట్టలేసుకుంటూ లాగించేశారు.  సాక్షి, భీమవరం: ఎన్నికల బరిలో నిలిచే అభ్యర్థులు ఓటర్లను ప్రసన్నం చేసుకునేందుకు విందు భోజనాలకు అధిక ప్రాధాన్యమిస్తారు. చుట్టూ ఉన్న కేడర్‌ను కాపాడుకునేందుకు ఆశావాహుల ఇంట నోటిఫికేషన్‌కు ముందు నుంచే ఈ సందడి మొదలవుతుంది. ఎన్నికల సమీపించే కొద్ది వివిధ సంఘాల వారికి విందులు ఏర్పాటు చేస్తుంటారు. ఈ క్రమంలో గత నెల రోజులోగా జిల్లాలోని ఏ నియోజకవర్గంలో చూసినా ఆతీ్మయ కలయికల పేరిట రాజకీయ విందులే. అభ్యర్థులు తమ ఎన్నికల కార్యాలయాల వద్ద ప్రతి రోజు కార్యకర్తలకు భోజనాలు ఏర్పాటు చేస్తూ వచ్చారు. నామినేషన్లు, ప్రచార కార్యక్రమాల్లో కేడర్‌ కోసం ప్రత్యేక విందులు వడ్డించారు. మరో పక్క మండల, నియోజకవర్గ స్థాయిలో వివిధ సామాజిక వర్గాలు, ఆటో, తోపుడుబండ్లు యూనియన్లు, వివిధ వర్తక సంఘాలతో పాటు ఎక్కువగా ప్రజల్లో ఉండే పీఎంపీలు, పాస్టర్లు, డ్వాక్రా సంఘాల లీడర్లు తదితర వర్గాల వారికి పోటాపోటీగా ఆతీ్మయ సమ్మేళనాలు నిర్వహించారు. వారి కోసం ఏర్పాటు చేసిన విందు భోజనాల్లో చేప, రొయ్య వంటకాలు చేసినా మాంసాహార ప్రియులు ఎక్కువగా ఇష్టపడే చికెన్‌కే ఎక్కువ ప్రాధాన్యమిచ్చారు.  గరిష్ట స్థాయి విక్రయాలు సాధారణంగా ఉమ్మడి జిల్లాలో రోజుకు 2.5 లక్షల కిలోల చికెన్‌ అమ్మకాలు జరుగుతుంటాయి. ఆదివారం, పండగ రోజుల్లో రెట్టింపు స్థాయిలో అమ్మకాలుంటాయి. ఎన్నికల సంగ్రామం నేపథ్యంలో గత నెల రోజులుగా రాజకీయ పారీ్టల నేతల నుంచి హోల్‌సేల్‌ వ్యాపారులకు రోజూ వందల కిలోల చికెన్‌ ఆర్డర్లు వచ్చాయి. గత నెల 18వ తేదీన ఎన్నికల నోటిఫికేషన్‌ వెలువడగా అంతకు వారం పది రోజుల ముందు నుంచి చికెన్‌ ఆర్డర్లు రావడం మొదలైందని వ్యాపారులు అంటున్నారు. నామినేషన్లు, ఎన్నికల ప్రచారం సందర్భంగా ఆర్డర్ల జోరు మరింత పెరిగిందంటున్నారు. రోజువారి అమ్మకాలతో పోలిస్తే సగటున గత నెల రోజులుగా రెట్టింపు స్థాయిలో అమ్మకాలు జరిగాయని వారు తెలిపారు. మునుపెన్నడూ ఇంత భారీస్థాయిలో వరుసగా అమ్మకాలు జరిగింది లేదంటున్నారు. కోళ్లు సిద్ధంగా.. ధర నిలకడగా  ఉమ్మడి జిల్లాలోని తణుకు, తాడేపల్లిగూడెం, జంగారెడ్డిగూడెం, పాలకొల్లు, పెనుగొండ, నరసాపురం తదితర ప్రాంతాల్లోని ఫాంలలో ఏడు లక్షలకు పైగా కోళ్ల పెంపకం చేస్తున్నారు. బ్రాయిలర్‌ కోడి వేసవిలో 40 రోజులకు, శీతాకాలంలో మేత ఎక్కువగా తీసుకోవడం వలన 35 రోజుల్లోనే రెండు కేజీలు వరకు బరువు పెరిగి వినియోగానికి వస్తుంటాయి. సాధారణంగా వేసవిలో ఎండల తీవ్రతకు కోళ్లు ఎక్కువగా మృత్యువాత పడుతుంటాయి. వేసవి తాపం నుంచి వాటికి ఉపశమనం కలిగించేందుకు షెడ్లపై వాటర్‌ స్ప్రింక్లర్లు, ఫ్యాన్లు తదితర వాటి ఏర్పాటుతో నిర్వహణ ఖర్చు తడిసిమోపెడవుతుంది. వేడి చేస్తుందన్న భావనతో చికెన్‌ వినియోగం తక్కువగా ఉండటం వలన డిమాండ్‌ లేక ధర పతనమవుతుంది. ఆయా కారణాలతో నష్టాలు చవిచూడాల్సి వస్తుందని వేసవిలో కొత్త బ్యాచ్‌లు తక్కువగా వేస్తుంటారు. అయితే ఈసారి ఎన్నికల సీజన్‌ కావడం వ్యాపారం బాగుంటుందని ముందే ఊహించి కొత్త బ్యాచ్‌లు సిద్ధం చేయడం వారికి కలిసొచ్చింది. వేసవిలో కిలో రూ.220 నుంచి రూ.250 మధ్య పలికే చికెన్‌ ధర ఈసారి డిమాండ్‌ ఎక్కువగా ఉండటంతో రూ.280 నుంచి రూ.300 మధ్య నిలకడగా ఉందని హోల్‌సేల్‌ వర్గాలు అంటున్నాయి. సగటున కిలో రూ.290 చొప్పున సాధారణ అమ్మకాలు మేరకు రోజుకు రూ.7.25 కోట్ల చొప్పున నెలకు రూ. 217.5 కోట్ల అమ్మకాలు జరుగుతాయని అంచనా. అయితే నెల రోజులుగా ఎన్నికల నేపథ్యంలో రెట్టింపు స్థాయిలో జరిగిన అమ్మకాల మేరకు జిల్లాలో రికార్డు స్థాయిలో రూ.435 కోట్లు మేర చికెన్‌ను మాంసాహారప్రియులు లాగించేశారంటున్నారు.   

నంద్యాల, సాక్షి: పోలింగ్‌ ముగియడంతో జిల్లాలో పాత పగలు భగ్గుమన్నాయి!. గత అర్ధరాత్రి ఆళ్లగడ్డలో ఒక యువకుడిపై హత్యాయత్నం జరిగింది. సదరు యువకుడ్ని టీడీపీ నేత భూమా అఖిలప్రియ దగ్గర పని చేసే బాడీగార్డుగా గుర్తించగా.. ఏవీ సుబ్బారెడ్డి మనుషులే ఈ పని చేయించి ఉంటారనే అనుమానాలు తలెత్తున్నాయి.కిందటి ఏడాది మే నెలలో జిల్లాలో నారా లోకేష్‌ పాదయాత్ర సందర్భంగా.. అఖిల ప్రియ వర్గీయులు కొత్తపల్లిరోడ్డులో ఏవీ సుబ్బారెడ్డిపై దాడి చేశారు. ఆ సమయంలో నిఖిల్‌ ఆయనపై చేయి చేసుకున్నాడు. భూమా వర్గీయుల దాడిలో ఏవీ సుబ్బారెడ్డి నోటి నుంచి రక్తం కారింది. ఆయనను కొడుతున్నప్పుడు భూమా అఖిల ప్రియా అక్కడే ఉన్నారు. పైగా ఆమె ఏవీ సుబ్బారెడ్డి వర్గీయులను బెదిరించడం కనిపించింది. వారిపై ఘాటు పదాలతో విరుచుకుపడ్డారామె. ఉమ్మడి కర్నూలు జిల్లా తెలుగుదేశం పార్టీలో తన తరువాతే ఇంకెవరైనా అంటూ హెచ్చరించారు. ఈ ఘటన తర్వాత టీడీపీ అధినేత చంద్రబాబు నాయుడు.. ఇరువురిని ఎన్నికలయ్యేదాకా గొడవపడొద్దని మందలించినట్లు ప్రచారం జరిగింది. కట్‌ చేస్తే.. ఏడాది తర్వాత నిన్న అర్ధరాత్రి  ఆళ్లగడ్డలో అఖిలప్రియ బాడీగార్డు నిఖిల్‌పై దాడి జరిగింది. తొలుత కారుతో నిఖిల్‌కు ఢీ కొట్టారు. ఆ తర్వాత అతనిపై రాడ్లతో విచక్షణా రహితంగా దాడి చేశారు. ఈ దాడిలో నిఖిల్‌ తీవ్రంగా గాయపడగా.. నంద్యాల ప్రభుత్వాసుపత్రికి తరలించారు. అతని పరిస్థితి విషమంగా ఉన్నట్లు తెలుస్తోంది. పాత పగతో సుబ్బారెడ్డి మనుషులే ఈ పని చేయించి ఉంటారని స్థానిక చర్చ నడుస్తోంది. పోలీసులు ఈ ఘటనపై స్పందించాల్సి ఉంది. అయితే దాడికి ఉపయోగించిన వాహనం నంద్యాలకు చెందిందిగా పోలీసులు గుర్తించినట్లు తెలుస్తోంది.

నియోజకవర్గం మొత్తం ఓట్లు పోలైన ఓట్లు పోలింగ్‌ శాతం ఆమదాలవలస 1,93,858 1,57,848 81.42 ఎచ్చెర్ల 2,44,760 2,03,831 83.28 ఇచ్ఛాపురం 2,68,202 1,89,238 70.56 నరసన్నపేట 2,14,866 1,77,145 82.44 పలాస 2,19,348 1,67,632 76.42 పాతపట్నం 2,25,313 1,63,044 72.36 శ్రీకాకుళం 2,73,260 1,91,875 70.21 టెక్కలి 2,36,327 1,90,272 80.51 మొత్తం 18,75,934 14,40,885 76.81

నరసన్నపేట: స్థానిక వేంకటేశ్వరస్వామి ఆల యాన్ని ప్రతిష్టించి 150 ఏళ్లు పూర్తయిన సందర్భంగా ఈ నెల 18 నుంచి 27 వరకూ బ్రహ్మోత్సవాలు ఆలయం ప్రాంగణంలో నిర్వహిస్తున్నారు. ఈ మేరకు విస్తృతంగా ఏర్పాట్లు చేస్తుండగా మరో వైపు ఆలయ కమిటీ ప్రతినిధులు ఆహ్వాన పత్రికలు చురుగ్గా పంపిణీ చేస్తున్నారు. ఆలయాన్ని సుందరంగా తీర్చిదిద్దుతున్నారు. 18 నుంచి 27 వరకూ రోజూ పూజా కార్యక్రమాలు నిర్వహించనున్నారు. చామర్తి శ్రీనివాసాచార్యులు కృష్ణమాచార్యులు, ఆలయ ట్రస్టు కమిటీ చైర్మన్‌ పి.వీరభద్రస్వామి ఆధ్వర్యంలో ఈ కార్యక్రమం జరగనుంది. ఓటెత్తిన గిరిజన గ్రామం హిరమండలం: మండలంలోని గొడియపాడు గిరిజన గ్రామంలో సోమవారం జరిగిన సార్వత్రిక ఎన్నికల్లో 316 పోలింగ్‌ బూత్‌ పరిధిలో అక్కడి ఓటర్లు 91.07శాతం ఓట్లేశారు. ఈ గ్రామంలో మొత్తం 224 మంది ఓటర్లు ఉండగా వీరిలో పురుషులు 91మంది ఓటు వేయ గా సీ్త్రలు 113 మంది తమ ఓటు హక్కును వినియోగించుకున్నారు. అలాగే లొకొండ గిరిజన గ్రామం 315 పోలింగ్‌ బూత్‌లో 90.67శాతం పోలింగ్‌ నమోదు జరిగింది. గ్రామంలో మొత్తం 193 మంది ఓటర్లు ఉండగా వీరిలో పురుషులు 80మంది, సీ్త్రలు 95మంది ఓటుహక్కు వినియోగించుకుని మండలంలో ద్వితీయ స్థానంలో నిలిచారు. అత్యల్పంగా మేజర్‌ పంచాయతీ హిరమండలం 298బూత్‌లో 56.47 శాతం పోలింగ్‌ నమోదైంది. ఇక్కడ 870మంది ఓటర్లు ఉండగా వీరిలో పురుషులు 244మంది, సీ్త్రలు 236 మంది ఓటు హక్కు వినియోగించుకున్నారు. మార్కెట్‌లోకి ఉద్దానం మునగ కాశీబుగ్గ: ఉద్దానంలో పండుతున్న దేశీ మునగ మార్కెట్‌లోకి వచ్చేసింది. ప్రస్తుతం హైబ్రీడ్‌ మునగకాయులు విరివిగా దొరుకుతున్నప్పటికీ దేశీ మునగకు మార్కెట్‌లో విపరీతమైన డిమాండ్‌ ఉంది. దీంతో ఉద్దానం దేశీ మునగను కొనుగోలు చేసేందుకు ఆసక్తి చూపిస్తున్నారు. పలాస, మందస మండలం సముద్ర తీరంలో వ్యాపించి ఉన్న ఉద్దాన దేశీ పంట మార్కెట్‌కు తీసుకువస్తున్నారు. పలాస, కాశీబుగ్గ,పూండి, మందస,హరిపురం, బ్రాహ్మ ణతర్లా మార్కెట్‌లో అమ్మకాలు సాగుతున్నాయి. కట్ట రూ.30 మొదలుకొని లభించడంతో కొనుగోలుకు ఆసక్తి చూపుతున్నారు. అమ్మవారి ఆలయాల్లో ప్రత్యేక పూజలు నరసన్నపేట: వైశాఖ మాసం మొదటి మంగళవారం సందర్భంగా మండల కేంద్రం నరసన్నపేటలో అమ్మవారి ఆలయాలు భక్తులతో కిటకిటలాడాయి. స్థానిక పైడితల్లి, శాంతామణి, నూకాలమ్మ తల్లి అసిరమ్మతల్లి ఆలయాల్లో అమ్మవారికి మహిళలు ముర్రాటు సమర్పించి మామిడి పండ్లతో మొక్కులు తీర్చుకున్నారు. ఈ సందర్భంగా అమ్మవారి ఆలయాల వద్ద రద్దీ నెలకొంది. ఉదయం నుంచి 10 గంటల వరకు ఈ రద్దీ కొనసాగింది.