మంత్రి కారుమూరి వెల్లడి తణుకు అర్బన్‌: ల్యాండ్‌ టైట్లింగ్‌ యాక్ట్‌ పుట్టింది టీడీపీ ప్రభుత్వ హ యాంలోనే అయినా చంద్రబాబు అండ్‌ కో జగన్‌ ప్రభుత్వంపై దు ష్ప్రచారం చేస్తున్నారని మంత్రి కారుమూరి వెంకట నాగేశ్వరరావు ఆగ్రహం వ్యక్తం చేశారు. తణుకులోని క్యాంపు కార్యాలయంలో సోమ వారం విలేకరుల సమావేశంలో ఆయన మా ట్లాడారు. 2019లో అసెంబ్లీ సాక్షిగా టీడీపీ నేత పయ్యావుల కేశవ్‌ ఈ యాక్ట్‌కి సపోర్ట్‌ చేస్తూ బిల్లు పాస్‌ చేసి పంపిస్తున్నానని చెప్పిన విషయానికి సంబంధించిన అప్పటి వీడియోను మంత్రి కారుమూరి మొబైల్‌లో చూపించారు. ఈ యా క్ట్‌ రాష్ట్రంలో అమలులో లేనప్పటికీ ఎన్నికల సమయంలో చంద్రబాబు, పచ్చమీడి యా జగన్‌ ప్రభుత్వంపై బురద చల్లాలని చూస్తున్నాయని దుయ్యబట్టారు. ఇప్పటికే ఎన్నికల అధికారి ఫిర్యాదు మేరకు చంద్రబాబును ఏ1, లోకేష్‌ను ఏ2 గాను పరిగణించి సీఐడీ కేసు నమోదుచేసి నట్టు చెప్పారు. ఇటువంటి దుష్ప్రచారం చేస్తు న్న వారందరినీ జైలులో వేయడమే తగిన శిక్ష అని ఆయన స్పష్టం చేశారు. సిగ్గు ఎగ్గు లేకుండా చంద్రబాబు ప్రవర్తిస్తున్న తీరుతో ఆయనను మెంటల్‌ ఆస్పత్రికి చేర్చాలని సూచించారు. ఎన్నికల నేపథ్యంలో చంద్రబాబు ఇచ్చిన సూపర్‌ సిక్స్‌లో అప్పుడే రూ.4 వేలు పింఛను పథకం ఎత్తేశారని, ఇక ఆ మేనిఫెస్టోని చెత్తబుట్టలో పారేయాలని ఎద్దేవా చేశారు. ఇంతటి దుర్మార్గాలకు తెరతీస్తున్న చంద్రబాబును ప్రజలు రాళ్లతో కొట్టే రోజులు వస్తాయన్నారు. కూటమి మేనిఫెస్టోను ముట్టుకోవడానికి కూడా బీజేపీ నేతలు ఇష్టపడలేదని గుర్తుచేశారు. దాడులకు దిగుతున్న టీడీపీ దుర్మార్గులు ఎన్నికల ప్రచారంలో భాగంగా ఏలూరు పార్లమెంట్‌ పరిధిలో కారులో వెళ్తున్న ఎంపీ అభ్యర్థి కారుమూరి సునీల్‌కుమార్‌పై టీడీపీ మూకలు దాడికి దిగిన తీరు దుర్మార్గమని మంత్రి కారు మూరి అన్నారు. ఎన్నికల ప్రచారాలు అన్ని పార్టీల వారూ చేసుకోవాల్సినవేనని, కానీ రాబోయే ఓటమిని దృష్టిలో పెట్టుకుని ఓర్వలేనితనంతో టీడీపీ నేతలు దాడులు చేయిస్తున్నారని విమర్శించారు. కాన్వాయ్‌లో ఉన్న కార్ల అద్దాలను పగులగొట్టి దాడికి దిగడం టీడీపీకే చెల్లిందన్నారు. ముఖ్యమంత్రి వైఎస్‌ జగన్‌మోహన్‌రెడ్డి తన సిద్ధాంతాల ప్రకారం ప్రజాప్రతినిధులను, పార్టీ శ్రేణులను ఒక క్రమశిక్షణతో నడిపిస్తున్నారని గుర్తుచేశారు.

భీమవరం: పట్టణంలోని ఎస్‌ఆర్‌కేఆర్‌, శ్రీవిష్ణు, డీఎన్నార్‌ ఇంజనీరింగ్‌ కళాశాలల్లో సోమవారం ఏపీ ఐసెట్‌ ప్రవేశ పరీక్ష ప్రశాంతంగా జరిగింది. మూడు కేంద్రాల్లో ఉదయం, మధ్యాహ్నం రెండు షిఫ్టుల్లో పరీక్షలు నిర్వహించారు. మొత్తం 800 మందికి గాను 51 మంది గైర్హాజరయ్యారు. ఎస్‌ఆర్‌కేఆర్‌ ఇంజనీరింగ్‌ కళాశాలలో ఉదయం 150 మందికి 142 మంది, మధ్యాహ్నం 150 మందికి 142 మంది హాజరయ్యారు. శ్రీవిష్ణు కళాశాలలో ఉదయం 100 మందికి 95 మంది, మధ్యాహ్నం 100 మందికి 88 మంది హాజరయ్యారు. డీఎన్నార్‌ కళాశాలలో ఉదయం 150 మందికి 144 మంది, మధ్యాహ్నం 150 మందికి 138 మంది విద్యార్థులు హాజరయ్యారు. ఎక్కడా అవాంఛనీయ సంఘటనలకు తావులేకుండా పరీక్షలు ప్రశాంతం జరిగాయి. కాపులకు మేలు చేసింది సీఎం జగనే పాలకొల్లు అర్బన్‌: రాష్ట్రంలో తెలగ, బలిజ, కాపు, ఒంటరి కులాలకు సీఎం జగన్‌ మోహన్‌రెడ్డి ఒక్కరే మేలు చేశారని యునైటెడ్‌ కాపు సంక్షేమ సంఘం జిల్లా కార్యదర్శి ఉనికెల శ్రీనివాసరావు స్పష్టం చేశారు. పాలకొల్లు మండలం పూలపల్లిలో ఆయన సోమవారం వైఎస్సార్‌సీపీ ఎంపీ అభ్యర్థి గూడూరి ఉమాబాల, ఎమ్మెల్యే అభ్యర్థి గుడాల శ్రీహరి గోపాలరావు (గోపి)కి మద్దతుగా ప్రచారం నిర్వహించారు. ఈ సందర్భంగా ఆయన మాట్లాడుతూ కాపులకు మేలు చేసే విధంగా కాపు నేస్తం పథకాన్ని కొనసాగిస్తూ 2024 మేనిఫెస్టోలో సీఎం జగన్‌ హామీ ఇచ్చినందుకు ప్రత్యేక ధన్యవాదాలు తెలిపారు. రాష్ట్రంలోని కాపు సామాజిక వర్గీయులంతా సీఎం జగన్‌కి అండగా నిలవాలని కోరారు. సమాజంలోని అన్ని వర్గాలకు ప్రయోజనం కలిగించేలా ఐదేళ్లు పనిచేసిన సీఎం జగన్‌ ప్రజల హృదయాల్లో నిలిచారన్నారు. పసుపు చొక్కాతో నిమ్మల ప్రచారం పాలకొల్లు సెంట్రల్‌: పాలకొల్లులోని ఎన్నికల ఫెసిలిటేషన్‌ కేంద్రం వద్ద పోస్టల్‌ బ్యాలెట్‌ ఓటు వేసేందుకు వచ్చిన ఉద్యోగులతో పాలకొల్లు ఎమ్మెల్యే నిమ్మల రామానాయుడు పచ్చ చొక్కా వేసుకుని వచ్చి మాట్లాడటంపై వైఎస్సార్‌సీపీ నాయకులు ఆగ్రహం వ్యక్తం చేస్తున్నారు. పట్టణంలోని ఎంఎంకేఎన్‌ మున్సిపల్‌ హైస్కూల్‌లో సోమవారం పోస్టల్‌ బ్యాలెట్‌ ఓటింగ్‌ కోసం ఐదు బూత్‌లను ఏర్పాటుచేశారు. ఇక్క డ ఓటింగ్‌ సరళిని పరిశీలించడానికి పచ్చ చొక్కా వేసుకుని వచ్చిన ఎమ్మెల్యే నిమ్మలపై చర్యలు తీసుకోవాలని వైఎస్సార్‌సీపీ నాయకులు డిమాండ్‌ చేస్తున్నారు. ఎన్నికల కమిషన్‌ నిబంధనలకు విరుద్ధంగా ఆయన ప్రవర్తించారని అంటున్నారు. 20 రోజులు.. రూ.1.87 కోట్లు చిన వెంకన్న హుండీ ఆదాయం లెక్కింపు ద్వారకాతిరుమల: ద్వారకాతిరుమల చినవెంకన్న ఆలయ హుండీల ఆదాయాన్ని స్థానిక ప్రమోద కల్యాణ మండపంలో సోమవారం లెక్కించారు. శ్రీవారికి విశేష ఆదాయం సమకూరింది. గత 20 రోజులకు గాను నగదు రూపేణా రూ.1,87,54,150 ఆదాయం లభించినట్టు ఆలయ ఈఓ వేండ్ర త్రినాథరావు తెలిపారు. కానుకల రూపంలో 241 గ్రాముల బంగారం, 6.410 కేజీల వెండితో పాటు విదేశీ కరెన్సీ యుఎస్‌ఏ, ఆస్ట్రేలియా, కెనడా, సింగపూర్‌ డాలర్లు 56, ఇంగ్లాండ్‌ పౌండ్స్‌ 2, అరబ్‌ ఎమిరటీస్‌ థీరమ్స్‌ 5, సౌదీ అరేబియన్‌ రియాల్స్‌ 4, కువైట్‌ దినార్‌ 1 లభించా యన్నారు. అలాగే రద్దయిన పాత రూ.2 వేలు, రూ.1,000, రూ.500 నోట్ల ద్వారా రూ.31,500 లభించాయన్నారు. ఆలయ అధికారులు, సిబ్బంది పాల్గొన్నారు.

తొలిరోజు 7,540 పోస్టల్‌ బ్యాలెట్ల వినియోగం భీమవరం/భీమవరం (ప్రకాశంచౌక్‌): జిల్లాలో తొలిరోజు సోమవారం పోస్టల్‌ బ్యాలెట్‌ ఓటింగ్‌ ప్రక్రియ విజయవంతంగా నిర్వహించినట్టు కలెక్టర్‌ సుమిత్‌కుమార్‌ తెలిపారు. భీమవరం ఎస్‌ఆర్‌కేఆర్‌ ఇంజనీరింగ్‌ కళాశాల వద్ద పోస్టల్‌ బ్యాలెట్‌ ఓటింగ్‌ సరళిని ఆర్డీఓ కె.శ్రీనివాసులతో కలిసి ఆయన పర్యవేక్షించారు. పలు ప్రాంతాల్లో ఓటింగ్‌కు పెద్ద ఎత్తున ఉద్యోగులు తరలివచ్చారు. ఈ సందర్భంగా కలెక్టర్‌ మాట్లాడుతూ జిల్లాలోని అన్ని నియోజకవర్గాల్లో మంగళవారం కూడా ఫెసిలిటేషన్‌ సెంటర్ల ద్వారా బ్యాలెట్‌ ఓటును వినియోగించుకోవచ్చునన్నారు. అలాగే 8వ తేదీ నుంచి 11వ తేదీ వరకు అన్ని నియోజకవర్గాల రిటర్నింగ్‌ అధికారి కార్యాలయాల్లో బ్యాలెట్‌ ఓటు వేయవచ్చునన్నారు. జిల్లాలో మొత్తం పోస్టల్‌ బ్యాలెట్‌కు 13,854 మంది దరఖాస్తు చేసుకోగా తొలిరోజు 7,540 మంది ఓటు హక్కును వినియోగించుకున్నట్టు చెప్పారు. నియోజకవర్గాల వారీగా.. ఆచంటలో 1,483 మందికి 855 మంది, పాలకొల్లులో 2,021 మందికి 1,357 మంది, నరసాపురంలో 1,583 మందికి 888 మంది, భీమవరంలో 2,781 మందికి 1,295 మంది, ఉండిలో 1,625 మందికి 1,034 మంది, తణుకులో 2,156 మందికి 1,138 మంది, తాడేపల్లిగూడెంలో 2,011 మందికి 973 మంది ఓటు హక్కును విని యోగించుకున్నట్టు కలెక్టర్‌ తెలిపారు. ఎన్నికల క మిషన్‌ నిబంధనల ప్రకారం పక్కాగా ఈ ప్రక్రి యను నిర్వహించడం కీలకమన్నారు. ఎన్నికల విధుల్లో ఉండి జిల్లాలో ఓటుహక్కు కలిగి పోస్టల్‌ బ్యాలెట్‌ కోసం దరఖాస్తు చేసుకోలేకపోయిన వారు నియోజకవర్గ ఫెసిలిటేషన్‌ కేంద్రంలో పోస్టల్‌ బ్యాలెట్‌ను వినియోగించుకోవచ్చని తెలిపారు.

భీమవరం(ప్రకాశంచౌక్‌): జిల్లాలో పీఓలు, ఏపీఓల శిక్షణ కార్యక్రమాన్ని ఈనెల 8, 9 తేదీల్లో నిర్వహించాలని కలెక్టర్‌, జిల్లా ఎన్నికల అధికారి సుమిత్‌కుమార్‌ అన్నారు. సోమవారం కలెక్టరేట్‌ నుంచి జిల్లాలోని ఏడు నియోజకవర్గాల ఆర్వోలతో ఆయన వీడియో కాన్ఫరెన్స్‌ ద్వారా సమీక్షించారు. ఈ సందర్భంగా ఆయన మాట్లాడుతూ జిల్లాలో పోస్టల్‌ బ్యాలెట్‌ విజయవంతమైందని, ఇదే స్ఫూర్తితో రెండో రోజూ కూడా పనిచేయాలని సూచించారు. ఎన్నికల విధులలో ఉన్న ప్రతి అధికారి, సిబ్బంది తప్పనిసరిగా పోస్టల్‌ బ్యాలెట్‌ను వినియోగించుకోవాలన్నారు. ఎన్నికల శిక్షణలో భాగంగా పోలింగు సామగ్రి పంపిణీ, మాక్‌ పోలింగ్‌, పోలింగ్‌ నిర్వహణపై అవగాహన కల్పించాలన్నారు. బృందాలుగా ఏర్పాటుచేసి ఒక్కో సిబ్బందికి వ్యక్తిగతంగా కూడా శిక్షణ ఇవ్వాలన్నారు. పోలింగ్‌ కేంద్రాల్లో పూర్తిస్థాయిలో మౌలిక వసతులు కల్పించడంతో పాటు విద్యుత్‌ కోత లేకుండా చూడాలన్నారు. ప్రతి రెండు గంటలకు పోలింగ్‌ శాతం తెలిసేలా పోల్‌ డే మేనేజ్‌మెంట్‌ సిస్టమ్‌ యాప్‌ (పీడీఎంఎస్‌)ను డౌన్‌లోడ్‌ చేసుకోవాలన్నారు. మాక్‌ పోలింగ్‌ సమయంలో పోటీలో ఉన్న అభ్యర్థులు, వివిధ పార్టీల ప్రతినిధుల సందేహాలను నివృత్తి చేయాలన్నారు. డీఆర్వో జె.ఉదయ భాస్కరరావు, సీపీఓ ఎం.మోహనరావు, జిల్లా పరిశ్రమల శాఖ అధికారి యు.మంగపతిరావు, ఈడీ ఎం ఎం.కిరణ్‌, డీఐఓ బి.బాలయ్య, ఎన్నికల సూప రింటెండెంట్‌ సీహెచ్‌ దుర్గాప్రసాద్‌ పాల్గొన్నారు.

భీమవరం అర్బన్‌: ప్రజా సంక్షేమమే ధ్యేయంగా సంక్షేమ పథకాలు అమలు చేసిన ముఖ్యమంత్రి వైఎస్‌ జగన్‌మోహన్‌రెడ్డికి మళ్లీ పట్టం కడదామని భీమవరం ఎమ్మెల్యే అభ్యర్థి గ్రంధి శ్రీనివాస్‌ అన్నారు. భీమవరం మండలంలోని తాడేరు, బేతపూడి, తుందుర్రు, జొన్నలగరువు గ్రామాలలో సోమవారం ఆయన ఎన్నికల ప్రచారం నిర్వహించారు. ఈ సందర్భంగా మాట్లాడుతూ 2014లో చంద్రబాబు 600 పైగా హామీలు ఇచ్చి అధికారంలోకి వచ్చాక ఏ ఒక్క హామీ నెరవేర్చకుండా రాష్ట్ర ప్రజలను మోసం చేశారన్నారు. డ్వాక్రా మహిళలు, రైతులు అధిక వడ్డీలకు అప్పులు చేసి బ్యాంకులకు కట్టి మోసపోయారని గుర్తు చేశారు. వైఎస్‌ జగన్‌మోహన్‌రెడ్డి హామీలు ఇస్తే తప్పకుండా నెరవేరుస్తాడని ఆయనకు అండగా ఉందామన్నారు. భీమవరం నియోజకవర్గ ప్రజలు తనకు రెండు సార్లు అవకాశం ఇవ్వడంతో రాష్ట్ర స్థాయిలో నియోజకవర్గాన్ని ఆదర్శంగా తీర్చదిద్దానన్నారు. 2004 నుంచి 2009 వరకు, 2019 నుంచి 2024 వరకు తాను చేసిన అభివృద్ధి పనులు ల్యాండ్‌ మార్క్‌గా ప్రజలకు కనిపిస్తున్నాయన్నారు. పదేళ్ల పాటు ఎమ్మెల్యేగా పనిచేసిన అంజిబాబు తన హయాంలో చేసిన ఒక్క శాశ్వత అభివృద్ధి పని ఏదైనా ఉందా అని ప్రశ్నించారు. కరోనా సమయంలో ప్రజల పడుతున్న ఇబ్బందులను, కష్టాలను ఒక్కసారైనా పరిశీలించారా అని ప్రశ్నించారు. భీమవరం నియోజకవర్గాన్ని మరింత అభివృద్ధి చేసేందుకు ప్రజలు తనకు అండగా ఉండాలని కోరారు. నియోజకవర్గంలో తనను, నరసాపురం ఎంపీ అభ్యర్థిని గూడూరి ఉమాబాలకు ఓట్లు వేసి అత్యధిక మెజారిటీతో గెలిపించాలని కోరారు. ఎంపీపీ పేరిచర్ల విజయ నరసింహరాజు, జెడ్పీటీసీ సభ్యులు కాండ్రేగుల నరసింహరావు, మండల పార్టీ అధ్యక్షులు తిరుమాని ఏడుకొండలు, జేసీఎస్‌ కన్వీనర్‌ కోమటి రాంబాబు, సర్పంచ్‌లు ఆరేటి పెద్దబ్బు, సోడదాసి లలిత కుమారి, నామన మహేష్‌, బండి శక్తీశ్వరసాంబమూర్తి, శిరిగినీడి ప్రసాద్‌, నామన నాని, కొట్టి కుటుంబరావు, కడియం వెంకటేశ్వరరావు, సమతం ఉమా, బుంగా ప్రహ్లాదుడు, జడ్డు తాతాలు పాల్గొన్నారు. భీమవరం ఎమ్మెల్యే అభ్యర్థి గ్రంధి శ్రీనివాస్‌