రేపిస్టులకు కఠిన శిక్షలు విధిస్తున్న దేశాలివే!

2 Dec, 2019 18:16 IST|Sakshi

సాక్షి, న్యూఢిల్లీ : ‘దిశ’పై ఘోరంగా అత్యాచారం జరిపి క్రూరంగా హత్య చేయడంతో నేరస్థులను బహిరంగంగా ఉరితీయాలంటూ రాజకీయ పార్టీలు, ప్రజా సంఘాల నేతలే  కాకుండా సామాన్యుడి నుంచి సామాజిక కార్యకర్త వరకు నేడు డిమాండ్‌ చేస్తున్నారు. రేప్‌ కేసులకు సంబంధించి ప్రపంచంలోని ఇతర దేశాల్లో కఠిన శిక్షలు అమలు చేస్తున్నాయి ? వాటి వల్ల ఎంత మేరకు ప్రయోజనం ఉంది ? అన్న అంశాలను పరిశీలించాల్సిన అవసరం ఎంతైనా ఉంది. ప్రపంచంలో ఐక్యరాజ్య సమితి గుర్తించిన 195 దేశాల్లో పది దేశాల్లో రేప్‌ కేసులకు కఠిన శిక్షలను అమలు చేస్తున్నారు. షరియా చట్టాలు అమలు చేస్తున్న ఇస్లామిక్‌ దేశాల్లో కఠిన శిక్షలు ఎక్కువగా ఉన్నాయి.

సౌదీ అరేబియాలో
ఒకప్పుడు రేప్‌ కేసుల్లో నేరస్థులను బహిరంగంగా రాళ్లతో కొట్టి చంపేవారు. దీన్ని ‘ఎక్జిక్యూషన్‌ త్రో స్టోన్స్‌’ అని వ్యవహరించేవారు. చచ్చేవరకు నేరస్థుడు బాధ అనుభవించాలనే ఇస్లాం మతం ప్రకారం ఈ శిక్షను అమలు చేసేవారు. ఆ తర్వాత బహిరంగంగా తల నరికి చంపెవారు. ఇప్పుడు అక్కడ కూడా ఇలాంటి క్రూర శిక్షలను విధించడం లేదు. బహిరంగంగా 80 నుంచి వెయ్యి వరకు కొరడా దెబ్బలు, ఆ తర్వాత పదేళ్ల వరకు జైలు శిక్షలను అమలు చేస్తున్నారు. వివాహేతర సంబంధాల విషయంలో మగవాళ్లతోపాటు ఆడవాళ్లకు బహిరంగ కొరడా శిక్షలను అమలు చేస్తారు. వాటిని కనిపెట్టడానికి మతపరంగా ‘రహస్య పోలీసులు’ ఉంటారు.

ఇరాన్‌లో ఉరి
ఇస్లామిక్‌ దేశమైన ఇరాన్‌లో పలు నేరాలతోపాటు రేప్‌ కేసుల్లో ఉరి శిక్షలను అమలు చేస్తున్నారు. ఆ దేశంలో ఉరి శిక్షలు పడుతున్న కేసుల్లో పది నుంచి పదిహేను శాతం రేప్‌కు సంబంధించిన కేసులే ఉంటున్నాయి. రేప్‌ కేసుల్లో బాధితులు నష్టపరిహారం తీసుకొని నేరస్థులను క్షమించవచ్చు. అలాంటి కేసుల్లో వంద వరకు కొరడా దెబ్బలు, కొన్ని సందర్భాలో సాధారణ జైలు శిక్షలను విధిస్తున్నారు.

ఈజిప్టు, యుఏఈ, అఫ్ఘాన్‌లలో మరణ శిక్షలు
ఈజిప్టుతోపాటు యూఏఈ దేశాల్లో రేప్‌ కేసుల్లో ఉరి శిక్షలు  అమలు చేస్తున్నారు. దుబాయ్‌లో నేరస్థులను పట్టుకున్న ఏడు రోజుల్లో ఉరి తీస్తారు. అఫ్ఘనిస్థాన్‌లో రేప్‌ కేసుల్లో నేరస్థులను తుపాకీతో తలలో కాల్చి చంపుతారు. పట్టుకున్న నాలుగు రోజుల్లోనే ఈ శిక్షను అమలు చేస్తున్నారు.

ఇజ్రాయిల్‌లో
కనిష్టంగా నాలుగేళ్లు, గరిష్టంగా 16 ఏళ్ల విధిస్తున్నారు. ఇది వరకు బాధితురాలిని పెళ్లి చేసుకునే అవకాశం ఇచ్చేవారు. ఇప్పుడు ఎక్కువగా జైలు శిక్షలే విధిస్తున్నారు.

చైనాలో
భారీ అవినీతి, కొన్ని రేప్‌ కేసుల్లో  మాత్రమే మరణ శిక్షలు అమలు చేస్తున్నారు. గతంలో ఓ గ్యాంగ్‌ రేప్‌ కేసులో నలుగురికి మరణ శిక్ష అమలు చేసిన అనంతరం వారు నిర్దోషులని తేలడంతో అప్పటి నుంచి నేరం తీవ్రతనుబట్టి ఆచితూచి మరణ శిక్షలు విధిస్తున్నారు.

రష్యాలో
రేప్‌ కేసుల్లో మూడు నుంచి ఆరేళ్లు జైలు శిక్షలు విధిస్తున్నారు. బాధితులు 18 ఏళ్ల లోపు వారైతే నేరస్థులకు నాలుగు నుంచి పదేళ్ల వరకు శిక్షలు పెరుగుతాయి. రేప్‌ కారణంగా బాధితురాలు మరణిస్తే 8 నుంచి 15 ఏళ్ల వరకు శిక్ష పెరుగుతుంది. అదే చనిపోయిన బాధితురాలు 14 ఏళ్ల లోపు మైనరైతే 12 నుంచి 15 ఏళ్ల వరకు శిక్ష పెరుగుతుంది.

నెదర్లాండ్స్‌లో
రేప్‌లే కాకుండా లైంగిక వేధింపులకు పాల్పడిన, అనుమతి లేకుండా ముద్దు పెట్టుకున్నా రేప్‌ కేసుగానే పరిగణిస్తారు. నాలుగేళ్ల నుంచి 15 ఏళ్ల వరకు జైలు శిక్ష విధిస్తారు. బాధితురాలు మరణించిన పక్షంలో 15 ఏళ్ల జైలు శిక్ష విధిస్తారు. వేశ్యలను వేధించినా నాలుగేళ్ల వరకు జైలు శిక్షలు పడతాయి.

ఫ్రాన్స్‌లో
రేప్‌ కేసుల్లో 15 ఏళ్ల వరకు జైలు శిక్ష విధిస్తారు. 15 ఏళ్లలోపు మైనర్లు బాధితులైతే 20 ఏళ్ల వరకు శిక్ష విధిస్తారు. బాధితురాలు తీవ్రంగా గాయపడినా, మరణించినా 30 ఏళ్ల వరకు జైలు శిక్షలు విధిస్తారు. కఠిన శిక్షలు విధించడం వల్ల ఏ దేశంలోనూ పెద్దగా రేప్‌ కేసులు తగ్గడం లేదు. మరణ శిక్షలు విధించడం వల్ల సాక్ష్యాధారాలు లేకుండా చేయడంలో భాగంగా బాధితులను హత్య చేస్తున్నారని సామాజిక సంఘాలు ఆరోపిస్తున్నాయి. ‘దిశ’ హత్య కూడా అందులో భాగంగానే జరిగింది. మహిళలకు సరైన భద్రతను కల్పించడంతోపాటు ఆకతాయులకు అవగాహన కార్యక్రమాలు నిర్వహించడం, ప్రజల్లో సామాజిక చైతన్యం తీసుకరావడం వల్లనే రేప్‌ సంఘటనలను అదుపు చేయవచ్చని సామాజిక శాస్త్రవేత్తలు ఎప్పటి నుంచో చెబుతున్నారు.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

ఉరేసుకొని ఆత్మహత్య; దుర్వాసన రావడంతో..

కర్కశం: కన్న కూతుర్ని గొలుసులతో కట్టేసి..

అదృశ్యమైన టెకీ జంట మృతి, చంపేశారా?

జిల్లాలో రెండు ప్రేమజంటల ఆత్మహత్య..

చేతులు కట్టేసి.. రోడ్లపై నగ్నంగా..

పిల్లలకు విషమిచ్చి.. తల్లి..

మైనర్‌ బాలికపై ఆర్‌ఎంపీ అఘాయిత్యం

కట్టుకున్న వాడినే కడతేర్చింది

ఈ అడ్డాల వద్ద జర భద్రం బిడ్డా..!

మృగాళ్ల పైశాచికత్వం: చిన్నారిని హింసించి..

అమెరికాలో రోడ్డు ప్రమాదం, తెలుగు విద్యార్థి మృతి

హత్యకు గురైన మహిళ తల లభ్యం

మృత్యువులోనూ వీడని స్నేహబంధం

విజయారెడ్డి కేసు: అటెండర్‌ మృతి

‘ఆ కొడుకులు ఉన్నా ఒకటే.. పోయినా ఒక్కటే’

నకిలీ కరెన్సీ ముఠా గుట్టురట్టు

ప్రియురాలి నిశ్చితార్థం రోజే.. ప్రియుడి ఆత్మహత్య

సూసైడ్‌నోట్‌ రాసి ప్రియుడితో వెళ్లిపోయింది..

సెంట్రల్‌ వర్సిటీ  విద్యార్థిని ఆత్మహత్య

భార్యను కొట్టిన నటుడు అరెస్ట్‌  

గల్లంతైన ఫారెస్ట్‌ ఆఫీసర్ల మృతదేహాలు లభ్యం

తప్పిన పెను ప్రమాదం, ట్రావెల్స్‌ బస్సు దగ్ధం

పొలం కాజేసిన 12 మంది అరెస్ట్‌

బాలికపై లైంగిక దాడి కేసులో నిందితుడి పట్టివేత

బాలికపై బాలుడి అత్యాచారం

శంషాబాద్‌ హత్యాచార ఘటన : సీపీ కీలక సూచన

కదులుతున్న కారులోనే భార్య, మరదలిని చంపి..

ప్రియాంక హత్యపై అసభ్య పోస్ట్‌లు,కేసు నమోదు

అందరి ముందు బట్టలు విప్పించి..

ఆంధ్రప్రదేశ్
తెలంగాణ
సినిమా

తల్లిదండ్రులకు సందీప్‌ కానుక

‘మైండ్‌ బ్లాక్‌’ చేసిన డీఎస్పీ.. మహేశ్‌ ఫ్యాన్స్‌ పుల్‌ హ్యాపీ

‘శ్రీదేవి : ది ఎటర్నల్ స్క్రీన్ గాడెస్’

జనవరి 31న ‘నిశ్శబ్దం’గా..

భార్యను కొట్టిన నటుడు అరెస్ట్‌  

మథనం విభిన్నంగా ఉంది