అమ్మను వేధిస్తే.. అంతే! 

23 Jul, 2019 01:21 IST|Sakshi
అమిత్‌, లావణ్య

సాక్షి, హైదరాబాద్‌ : ‘అడ్డాలనాడు బిడ్డలు.. కానీ, గడ్డాలనాడా?’అని ఒక నానుడి. అయితే, ఈ కొడుకు అమ్మను ఆదరించకపోగా బెదిరించసాగాడు. అమ్మపాలిట గండమయ్యాడు. కన్నతల్లిని కష్టపెట్టి కటకటాలపాలయ్యాడు. ఇల్లు లేకుండా చేయబోయి జైలు పాలయ్యాడు. అత్తకు చేదోడువాదోడుగా ఉండాల్సిన కోడలు భర్తకే వత్తాసు పలికింది. చివరికి ఇద్దరూ కలసి ఊచలు లెక్కిస్తున్నారు. వారికి హైదరాబాద్‌ మల్కాజ్‌గిరి న్యాయస్థానం రెండేళ్ల జైలు, రూ.10 వేల జరిమానా విధిస్తూ సోమవారం తీర్పు చెప్పింది. వివరాలు... నేరేడ్‌మెట్‌లోని కాకతీయనగర్‌ కాలనీకి చెందిన జీఈ ప్రేమకుమారి(66)కి ముగ్గురు కుమారులు, కుమార్తె. అందరికీ పెళ్లిళ్లయ్యాయి. 2013 అక్టోబర్‌ 23న ప్రేమకుమారి భర్త చనిపోయాడు. ప్రైవేటు ఉద్యోగి అయిన పెద్ద కుమారుడు ఎం.అమిత్‌కుమార్‌ కన్ను తల్లి ఇంటిపై పడింది. దాన్ని ఆక్రమించుకోవాలని భార్యతో కలసి కుట్ర చేశాడు. ఇద్దరూ 2015 ఫిబ్రవరిలో ఆమె ఇంట్లోకి అక్రమంగా ప్రవేశించారు.

అంతటితో ఆగకుండా ఆ ఇంటిని తమ పేరిట రెగ్యులరైజ్‌ చేయించుకున్నారు. అప్పటి నుంచి వారిద్దరూ ప్రేమకుమారిని మానసికంగా వేధించసాగారు. తీవ్రస్థాయిలో దుర్భాషలాడేవారు. ఇల్లు వదిలి వెళ్లిపోవాలని బెదిరించేవారు. 2015 అక్టోబర్‌ 13న ప్రేమకుమారి బయటకు వెళ్లి వచ్చేసరికి కొడుకు, కోడలు ఆమె గదికి తాళం వేసేశారు. లోపలకి వస్తే అంతు చూస్తామని హెచ్చరించారు. కొడుకు, కోడలు వేధింపులు రోజురోజుకూ ఎక్కువవడంతో విసుగు చెందిన ప్రేమకుమారి అదేరోజు నేరేడ్‌మెట్‌ పోలీసులకు ఫిర్యాదు చేసింది. పోలీసులు కేసు నమోదు చేసి దర్యాప్తు చేపట్టి నిందితులపై మల్కాజ్‌గిరి కోర్టులో అభియోగపత్రాలు దాఖలు చేశారు. కేసును విచారించిన న్యాయస్థానం అమిత్, లావణ్యలను దోషులుగా తేల్చింది. వీరికి రెండేళ్ల జైలు శిక్ష, రూ.10 వేల చొప్పున జరిమానా విధించింది. ఈ కేసును సమర్థవంతంగా దర్యాప్తు చేసిన పోలీసులతోపాటు అదనపు పబ్లిక్‌ ప్రాసిక్యూటర్‌ నవీన్‌కుమార్‌ను రాచకొండ పోలీసు కమిషనర్‌ మహేశ్‌ ఎం.భగవత్‌ అభినందించారు. 
 

Read latest Crime News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

భర్త హత్య కేసులో భార్యే నిందితురాలు

హెచ్‌సీయూ విద్యార్థిని అనుమానాస్పద మృతి

ఎన్నారై అనుమానాస్పద మృతి

అశ్లీల చిత్రాలు చూపిస్తూ తండ్రి కొడుకు..

మలేషియా జైల్లో మనోళ్లు బందీ

అవమానాలు భరించ లేకున్నా.. వెళ్లిపోతున్నా..

మత్తులో కత్తులతో వీరంగం!

మోసగాడు.. ఇలా దొరికాడు

ఆషాఢమని భార్య పుట్టింటికి వెళితే..

ప్రేమ జంటలే టార్గెట్‌

‘ఆ ఊహనే భరించలేకున్నా.. చనిపోతున్నా’

వివాహేతర సంబంధమా.. వ్యాపారుల మధ్య పోటీయా..?

ట్రాక్టర్‌ డ్రైవర్‌ దారుణహత్య

హిజ్రా చంద్రముఖి ఫిర్యాదు..

వందల కోట్లు లంచంగా ఇచ్చా

భర్త, కుమారుడిని వదిలేసి సహజీవనం.. ఆత్మహత్య

బాలికపై సామూహిక లైంగికదాడి

ఇంటి పైకప్పు కూలి చిన్నారి దుర్మరణం

కుప్పంలో దొంగనోట్ల ముఠా!

ఎంపీ గల్లా అనుచరులపై కేసు

అనసూయ పేరుతో అభ్యంతరకర పోస్టులు

ప్రేమ వ్యవహారమేనా..?

సౌదీలో పరిచయం.. తమిళనాడులో సంబంధం

బ్యూటీషియన్‌ దారుణ హత్య

అమెరికాలో పూజారిపై దాడి

హైదరాబాద్‌కు ఐసిస్‌ నమూనాలు!

ముసద్దిలాల్‌ జ్యువెల్లర్స్‌పై మరో కేసు

షేక్ సద్దాంను హత్య చేసిన నిందితుల అరెస్ట్‌

ఉపాధ్యాయుల ఇళ్లలో భారీ చోరీ

ఆంధ్రప్రదేశ్
తెలంగాణ
సినిమా

పెన్‌ పెన్సిల్‌

వ్యూహాలు ఫలించాయా?

ఇస్మార్ట్‌... కాన్సెప్ట్‌ నాదే!

ఒక ట్విస్ట్‌ ఉంది

వెబ్‌ ఎంట్రీ?

రాజా చలో ఢిల్లీ