ఎమ్మెల్యే జగ్గిరెడ్డి 
 
 వైఎస్సార్‌ సీపీ తరఫున రూ. 21 వేల ఆర్థిక సాయం
 
 తాడితోట (రాజమహేంద్రవరం)/ ఆత్రేయపురం: 
 ఆత్రేయపురం మండలం ర్యాలి గ్రామంలో గ్యాస్‌ సిలిండర్‌ పేలుడు సంఘటనలో గాయాల పాలైన బాధితులకు ఒక్కొక్కరికి రూ. 15 లక్షలు చొప్పున ఎక్స్‌గ్రేషియా చెల్లించాలని కొత్తపేట ఎమ్మెల్యే చిర్ల జగ్గిరెడ్డి డిమాండ్‌ చేశారు. ఈ సంఘటనలో గాయాల పాలై ఆస్పత్రిలో చికిత్సపొందుతున్న 15 మందిని గురువారం ఆయన రాజమహేంద్రవరం హాస్పటల్‌లో పరామర్శించారు. వైఎస్సార్‌ కాంగ్రెస్‌ పార్టీ తరఫున బాధితులకు రూ. 21 వేల ఆర్ధిక సహాయం అందజేశారు. అనంతరం ఆయన మాట్లాడుతూ ప్రమాదం జరిగినప్పుడు పరామర్శకు వచ్చిన మంత్రులు ఎక్స్‌గ్రేషియా చెల్లిస్తామని వాగ్దానం చేసి మర్చిపోతున్నారన్నారు. రెండేళ్ల క్రితం జొన్నాడలో గోదావరి గేట్లు ఎత్తివేసినప్పుడు ముగ్గురు మృతి చెందారని, వారి కుటుంబాలను పరామర్శించిన ఉప ముఖ్యమంత్రి చిన రాజప్ప ప్రభుత్వం నుంచి నష్టపరిహారం ఇస్తామని వాగ్దానం చేశారన్నారు. ఆ హామీ ఇచ్చి రెండేళ్లయినా ఇప్పటి వరకూ బాధితులకు ఒక్క రూపాయి కూడా  అందలేదని ఎమ్మెల్యే తెలిపారు. రాష్ట్ర వ్యాప్తంగా వివిధ ప్రమాదాల్లో గాయ పడిన, ప్రాణాలు కోల్పోయినవారు 4 వేల మంది వరకూ ఉంటారన్నారు.  వారికి ముఖ్యమంత్రి సహాయ నిధి నుంచి ఆర్థిక సహాయం అందిస్తామని ఇచ్చిన హామీ మేరకు  ఇప్పటి వరకూ ఎక్స్‌గ్రేషియా చెల్లించలేదన్నారు. తాను ముఖ్యమంత్రి దృష్టికి ఈ విషయం తీసుకువెళ్తానని అన్నారు. ర్యాలి ప్రమాద బాధితులందరూ కూలీలు కనుక వారికి తక్షణమే నష్టపరిహారం చెల్లించాలని డిమాండ్‌ చేశారు. రావులపాలెం ఎంపీపీ కోట బాలయ్య, ర్యాలి ఎంపీటీసీ సభ్యు డు బోణం సాయిబాబు, ఎంపీటీసీ మాజీ సభ్యుడు మెర్ల వెంకటేశ్వర్లు, వైఎస్సార్‌ సీపీ రాష్ట్ర కార్యదర్శి కర్రి నాగి రెడ్డి, ఆత్రేయపురం ఎమ్మార్పీఎస్‌ అధ్యక్షుడు ముప్పిడి పండు,  ప్రధాన కార్యదర్శి తలపాకుల మోహన్‌ తదితరులు ఆయన వెంట ఉన్నారు.  బాధితుల్లో తీవ్రంగా గాయపడిన ముగ్గురిని కాకినాడలోని ప్రముఖ వైద్యశాలకు తరలించినట్టు ఆత్రేయపురం మండలం ఉచ్చిలిలో ఎమ్మెల్యే జగ్గిరెడ్డి తెలిపారు. 
  
  


 
 వైఎస్సార్‌ సీపీ జిల్లా అధ్యక్షుడు కన్నబాబు 
 
  
 తెలంగాణలో టీఆర్‌ఎస్‌లోకి ఫిరాయించిన టీడీపీ ఎమ్మెల్యే తలసాని శ్రీనివాసరావుకు మంత్రి పదవి ఇచ్చినప్పుడు కారాలు మిరియాలు నూరిన సీఎం చంద్రబాబు ఏకంగా గవర్నర్‌ ప్రజాస్వామ్య విలువలకు కాలరాచారని విమర్శించారు. రాష్ట్రంలో పదవులను ఆశ చూపి టీడీపీలోకి చేర్చుకున్న వైఎస్సార్‌ సీపీ ఎమ్మెల్యేలకు ఇప్పుడు మంత్రి పదవులు ఇవ్వడంపై చంద్రబాబు ద్వంద్వ వైఖరిపై వైఎస్సార్‌సీపీ నాయకులు తూర్పార పట్టారు. ఇతరులు తప్పు చేశారంటూ విమర్శించిన చంద్రబాబు ఇదే తప్పు చేశారని మండిపడ్డారు. టీడీపీకి మిత్రపక్షంగా ఉన్న బీజేపీ రాష్ట్ర కార్యవర్గ సభ్యుడు సత్యానందం కూడా చంద్రబాబు వైఖరిని నిరసించారు.
  
 తాటిపాక (రాజోలు) : 
 తమ పార్టీ జెండాపై నెగ్గి పార్టీ ఫిరాయించిన ఎమ్మెల్యేలకు సీఎం చంద్రబాబు మంత్రి పదవులు ఇవ్వడం సిగ్గుచేటని వైఎస్సార్‌ సీపీ జిల్లా అధ్యక్షుడు కురసాల కన్నబాబు ధ్వజమెత్తారు. గడపగడపకూ వైఎస్సార్‌ కార్యక్రమం వంద రోజులు పూర్తయిన సందర్భంగా ఆయన ఆదివారం తాటిపాక వచ్చారు. అనంతరం విలేకరుల సమావేశంలో మాట్లాడారు. మంత్రివర్గ విస్తరణ తీరుతో చంద్రబాబు నైజం బయట పడిందని విమర్శించారు. తెలంగాణలో శ్రీని వాస్‌యాదవ్‌ టీడీపీ నుంచి టీఆర్‌ఎస్‌ లోకి ఫిరాయించి మంత్రి పదవి పొం దినప్పుడు చంద్రబాబు విమర్శలు, గవర్నర్‌పై చేసిన ఆరోపణలు ప్రజలు మర్చిపోలేదన్నారు. ఆయన రెండు నాలుకలు, రెండు కళ్లు సిద్ధాంతాన్ని ప్రజలు మరోసారి చూశారన్నారు. శాసనసభలో సమస్యలపై ప్రతి పక్ష నేత,  జగ¯ŒSమోహ¯ŒSరెడ్డిని మాట్లాడనీయకుండా మైక్‌లు కట్‌ చేస్తున్నారన్నారు.  పార్టీ జిల్లా మాజీ అధ్యక్షుడు కుడిపూడి చిట్టబ్బాయి, కొత్తపేట ఎమ్మెల్యే చిర్ల జగ్గిరెడ్డి, రాజోలు, మండపేట కో ఆర్డినేటర్లు బొంతు రాజేశ్వరరావు, వేగుళ్ల పట్టాభిరామయ్య, అమలా పురం ఎంపీ నియోజకవర్గ పరిశీలకుడు వలవల బాబ్జీ పాల్గొన్నారు.  పి.గన్నవరం కో ఆర్డినేటర్‌ కొండేటి చిట్టిబాబు ఆధ్వర్యంలో 175 రోజులను అంబాజీపేట మండలం మాచవరంలో పూర్తి చేసుకుంది. ఈ సందర్భంగా కేకు కట్‌ చేసి పంచారు. 
  
 రాజీనామా చేయించి గెలవాలి
 రాజానగరం : పార్టీ ఫిరాయించిన ఎమ్మెల్యేలను మంత్రి వర్గంలోకి తీసుకుని సీఎం చంద్రబాబు ప్రజాస్వామ్యాన్ని అపహాస్యం చేశారని వైఎస్సార్‌సీపీ యువజన విభాగం రాష్ట్ర అధ్యక్షుడు జక్కంపూడి రాజా విమర్శించారు. మండలంలోని శ్రీ కృష్ణపట్నంలో ఆదివారం విలేకరులతో మాట్లాడుతూ పార్టీ ఫిరాయించిన 21 మంది ఎమ్మెల్యేలతో రాజీనామా చేయించి, తిరిగి ఎన్నికల్లో గెలవాలన్నారు. వారిలో ఏ ఒక్కరు గెలిచి నా రాజకీయాల నుంచి పూర్తిగా తప్పుకుంటానని సవాల్‌ చేశారు. తెలంగాణలో పార్టీ ఫిరాయింపులను తప్పుపట్టిన ఆయన వైఖరి చూస్తుంటే దిగజారుడు రాజకీయాలకు అద్దం పడుతుందన్నారు, రాజీనామా చేయిం చకుండా, అనర్హత వేటు వేయకుండా మంత్రులుగా ప్రమాణ స్వీకారం చేయించడం రాజ్యాంగాన్ని ధిక్కరించడమేనన్నారు. ఇటువంటి దుశ్చర్యలను అడ్డుకోవలసిన స్పీకర్, గవర్నర్లు కూడా వారికి దాసోహం కావడం సిగ్గుచేటన్నారు. హేయమైన పరిపాలనను ప్రజలు గమనిస్తున్నారని, వారికి తగిన గుణపాఠం చెప్పడానికి సిద్ధంగా ఉన్నారన్నారు. సమావేశంలో వైఎస్సార్‌ సీపీ మండల కన్వీనర్‌ మండారపు వీర్రాజు తదితరులు పాల్గొన్నారు.
  
 విలువలకు పాతరేసిన చంద్రబాబు  
 కొత్తపేట ఎమ్మెల్యే జగ్గిరెడ్డి విమర్శ 
 కొత్తపేట/రాజోలు : పార్టీ పిరాయించిన ఎమ్మెల్యేలను మంత్రి వర్గంలోకి తీసుకున్న సీఎం చంద్రబాబు రాజ్యాంగం, ప్రజాస్వామ్య విలువలను పాతరేశారని ఎమ్మెల్యే చిర్ల జగ్గిరెడ్డి ఆరోపించారు. కొత్తపేటలోని వైఎస్సార్‌ సీపీ రాష్ట్ర సంయుక్త కార్యదర్శి గొల్లపల్లి డేవిడ్‌రాజు స్వగృహంలో, తాటిపాకలో ఆదివారం ఆయన విలేకరులతో మాట్లాడారు. తెలంగాణ మంత్రివర్గంలోకి టీడీపీ ఎమ్మెల్యే తలసాని శ్రీనివాస్‌యాదవ్‌ను తీసుకున్నప్పుడు కేసీఆర్‌ ప్రజాస్వామ్యాన్ని ఖూనీ చేశారన్నారు. ఇప్పుడు ఆయన చేసిందేమిటని ప్రశ్నించారు. పార్టీ ఫిరాయించిన ఎమ్మెల్యేలను రాజీనామా చేయించి ఉప ఎన్నికల్లో గెలిపించుకుని మంత్రి పదవులు ఇవ్వాలని సవాల్‌ చేశారు. చంద్రబాబు చర్యలను ప్రజాస్వామ్యవాదులు, మేధావులు ఖండించాలని కోరారు. పార్టీ జిల్లా సేవాదళ్‌ అధ్యక్షుడు మార్గన గంగాధరరావు, రైతు విభాగం రాష్ట్ర కార్యదర్శి బండారు రాజా, రాష్ట్ర పార్టీ ప్రచార కార్యదర్శి ముసునూరి వెంకటేశ్వరరావు, మండల అధ్యక్షుడు ముత్యాల వీరభద్రరావు, జిల్లా కార్యదర్శులు రెడ్డి చంటి,నెల్లి లక్ష్మీపతిరావు, నియోజకవర్గ ప్రచార కార్యదర్శి కముజు సత్యనారాయణమూర్తి, జెడ్పీ ప్రతిపక్ష నేత సాకా ప్రసన్నకుమార్, రావులపాలెం ఎంపీపీ కోట చెల్లయ్య, ఎంపీటీసీ కొండేటి రామకృష్ణ, రాష్ట్ర సంయుక్త కార్యదర్శి విప్పర్తి వేణుగోపాల్, రాష్ట్ర రైతు విభాగ అధికార ప్రతినిధి జక్కంపూడి తాతాజీ, బి.సూరిబాబు, చింతలపాటి వెంకట్రామరాజు పాల్గొన్నారు.  
  


 
 ఈవెంట్లకే నిధులు.. ప్రజా సంక్షేమానికి చిల్లు...
 
 దోచుకోవడం...దాచుకోవడం.. ఇదే పని
 
 సీఎం తీరుపై వైఎస్సార్‌ సీపీ నాయకులు కన్నబాబు, విశ్వరూప్‌ ధ్వజం
 
 ఉప్పలగుప్తం (అమలాపురం) : 
 ఎప్పుడైనా ఎక్కడైనా పరపతికోసం పాకులాడే వ్యక్తి ఎవరైనా ఉన్నారంటే అది మన ముఖ్యమంత్రి చంద్రబాబేనని చెప్పక తప్పదు. అమెరికా నుంచి ఆఫ్రికా ఖండంలో ఏ దేశమేగినా తన గురించి తన పాలన గురించి చెప్పునే ఘనత చంద్రబాబుకే దక్కుతుందని వైఎస్సార్‌ సీపీ జిల్లా అధ్యక్షుడు కురసాల కన్నబాబు అన్నారు. ఉప్పలగుప్తం మండలం గొల్లవిల్లిలో శనివారం జరిగిన గడపగడపకూ వైఎస్సార్‌లో పాల్గొన్న కన్నబాబు విలేకర్ల సమావేశంలో మాట్లాడారు. చేసింది లేకపోయినా గొప్పను చాటుకునేందుకు ఈవెంట్లు ఏర్పా టు చేసి కోట్లు ఖర్చు చేస్తున్న చంద్రబాబు ప్రజా సంక్షేమానికి పైసలు లేవంటున్నారు. రాష్ట్రంలో ఏఒక్క వర్గానికీ మేలు చేసిన దాఖలాలు లేనేలేవు. రుణమాఫీ అంటూ రైతులను మభ్యపెట్టి వారి సంక్షేమాన్ని గాలికి వదిలేశారని, రైతుకు అండగా నిలిచే సహకార వ్యవస్థలను రుణమాఫీ పుణ్యమా అని పూర్తిగా అధోగతి పాలు చేశారన్నారు. రైతుకుమేలంటూ జరిగిం దంటే ఒక్క దివంగత వైఎస్సార్‌ హయాంలోనేనన్నారు. జిల్లాలో లక్ష హెక్టార్లలో మినుము సాగు చెయ్యాలని ఆంక్షలు పెట్టిన ముఖ్యమంత్రి జిల్లాలో సాగునీరు ఎంతవరకూ అందుతుంది. అపరాల విత్తనాలు ఏమేరకు అందుతున్నాయో చూశారా అని ప్రశ్నించారు. మొలక శాతం లేని విత్తనాలు అందిస్తూ ఎకరాకు 8 కేజీల విత్తనం సరిపోగా మొలక మొత్తం వస్తుంది ఎకరాకు 16 కేజీలు వేయాలని చెప్పే ఘనత టీడీపీ ప్రభుత్వానిదే అన్నారు. టీడీపీ ప్రభుత్వంలో అన్ని వర్గాల ప్రజలు రోడ్డెక్కి ఆందోళన చేయాల్సిన పరిస్థితి వచ్చిందన్నారు. క్షేత్ర స్థాయిలో ప్రజల ఇబ్బందులను పట్టించుకోని చంద్రబాబు ప్రశ్నించిన ప్రతిపక్షనేత జగ¯ŒSమోహ¯ŒSరెడ్డిపై అనుభవం లేనివాడంటూనే,  ప్రశ్నించిన ప్రతీ వారిపై అక్రమ కేసులు బనాయిస్తూ రాష్ట్రంలో ప్రతిపక్షం లేకుండా చేయాలనుకుంటున్నారన్నారు. ప్రభుత్వంపై ప్రజా వ్యతి రేకతే తగినవిధంగా బుద్ధి చెపుతుందన్నారు. పార్టీ పీఏసీ సభ్యుడు, నియోజకవర్గ కోఆర్డినేటర్‌ పినిపే విశ్వరూప్‌ మాట్లాడుతూ రాజధాని నిర్మాణం పేరుతో చంద్రబాబు అనుచరగణమంతా దోచుకోవడం..దాచుకోవడం అన్న ట్టు ఎక్కడిక్కడ భూ కబ్జాలు, ప్రాజెక్టుల పేరుతో పెర్సంటేజీలు తీసుకోవడం తప్ప ప్రజా పాలనలను పట్టించుకోవడం లేదన్నారు. ప్రజలను నమ్మించే రోజులు పోయాయి.. చంద్రబాబును సాగనంపడమే తరువాయి అన్నారు. సీజీసీ సభ్యుడు కుడుపూడి చిట్టబ్బాయి, నాయకులు దంగేటి రాంబాబు, మిండగుదిటి మోహన్, కొండేటి చిట్టిబాబు పాల్గొన్నారు.
  
  


 
 స్థానిక సమస్యలు పట్టించుకోవడం లేదు
 
 సామాజిక బాధ్యత మరిచారు
 
 ఓఎన్‌జీసీపై ఎమ్మెల్యే జగ్గిరెడ్డి ధ్వజం
 
 ఆలమూరు (కొత్తపేట) : 
 మండపేట కేజీ బేసి¯ŒS పరిధిలో ఓఎ¯ŒSజీసీ తవ్వకాలు చేపట్టిన 35 యేళ్ల నుంచి ఆలమూరు పరిసర ప్రాంతాల్ని ఎందుకు అభివృద్ధి చేయకుండా నిర్లక్ష్యం చేశారంటూ ఎమ్మెల్యే చిర్ల జగ్గిరెడ్డి  అధికారులను నిలదీసారు. ఆలమూరు మండలంలోని కలవచర్లలో కొత్తగా చేపట్టబోయే షేల్‌ గ్యాస్‌ తవ్వకాలపై శనివారం స్థానిక ప్రభుత్వ జూని యర్‌ కళాశాలలో ప్రజాభిప్రాయ సేకరణ జరిగింది. జిల్లా జాయింట్‌ కలెక్టర్‌ జే రాధాకృష్ణమూర్తి, కాలుష్య నియంత్రణ మండలి బోర్డు ప్రధాన అధికారి డి.రవీంద్రబాబు సమక్షంలో నిర్వహించిన ఈకార్యక్రమానికి ఎమ్మె ల్యే హాజరై ఓఎ¯ŒSజీసీ ఏకపక్ష నిర్ణయాల వల్ల స్థానికులు ఎదుర్కొంటున్న సమస్యలను వివరిం చారు. మండలం చుట్టూ ఏడు బావుల్లో చమురు, సహజ వాయువు నిక్షేపాల నుంచి వేల కోట్ల రూపాయలు ఆర్జిస్తున్న ఓఎన్జీసీ స్థానిక ప్రజల సమస్యలను పట్టించుకోవడం లేదన్నారు. స్థానికుడొక్కరికీ ఉద్యోగం ఇవ్వలేదన్నారు. తవ్వకాల వల్ల ప్రమాదాలు జరిగే అవకాశం ఉన్నందున స్థానికుల భద్రతపైనా భరో సా ఇవ్వడం లేదన్నారు. ఒక్క గ్రామాన్ని కూడా మోడల్‌ విలేజీగా నిర్మించక పోవడంపై సంస్థ పక్షపాత వైఖరి స్పష్టమవుతోం దన్నారు. సామాజిక బాధ్యత కింద గ్రామాల అభివృద్ధి చేయకుంటే తిరుగుబాటు తప్పదని హెచ్చరించారు.  కలవచర్ల చమురు బావిలో పనులు ప్రారంభించేసి ప్రజాభిప్రాయ సేకరణ చేపట్టడం ఎంతవరకూ సమంజమన్నారు.  
  
 చమురు బావిలో ఎగసిన మంటలు
 ఆలమూరు : ఆలమూరు–మండపేట రోడ్డులోని కొత్తూరు సెంటర్‌లో ఓఎ¯ŒSజీసీ వెలికి తీస్తున్న చమురు, సహజ వాయు బావిలో శనివారం మంటలు ఎగసిపడ్డాయి. దీంతో పరిసర ప్రాంతాల్లో విద్యుత్‌ సరఫరా నిలిచిపోయింది. ఓఎ¯ŒSజీసీ కార్యకలాపాల్లో నిమగ్నమైన ఉన్నతాధికారులు వెంటనే స్పందించి ప్రమాదాన్ని నివారించగలిగారు. ఓఎ¯ŒSజీసీ రిగ్‌ పక్కనే ఉన్న ప్రభుత్వ జూనియర్‌ కళాశాలలో ప్రజాభిప్రాయ సేకరణ జరిగిన రోజునే హఠాత్తుగా మంటలు వెలువడటంపై స్థానికులు తీవ్ర ఆందోళన చెందారు. పక్కనే ఉన్న కొత్తూరు సెంటర్‌ వాసులు మూకుమ్మడిగా వెళ్లి ఓఎ¯ŒSజీసీ అధికారులను నిలదీశారు. పరిశీలనలో భాగంగానే సహజవాయువును ఒక్కసారిగా వదిలివేయడం వల్ల మంటలు అధికంగా వ్యాపించినట్లు ఓఎ¯ŒSజీసీ అధికారులు తెలిపారు.
  
 కార్యకలాపాలను అడ్డుకోవడం తమ అభిమతం కాదు
 దేశ ప్రయోజనాల దృష్ట్యా ఓఎ¯ŒSజీసీ కార్యకలాపాలను అడ్డుకోవడం తమ అభిమతం కాదని, సంస్థ తన బాధ్యత మరువకుండా ప్రత్యేక ప్యాకేజీ ప్రకటించి గ్రామాలను ఆదుకోవాలన్నారు. ప్రజాభిప్రాయ సేకరణపై సర్పం చ్‌కు కూడా సమాచారం ఇవ్వకపోవడం శోచనీయమన్నారు. ప్రజాభిప్రాయ సేకరణలో భాగంగా డీఎస్పీ ఎ¯ŒSబీఎం మురళీకృష్ణ నేతృత్వంలో భారీ పోలీసు బందోబస్తును ఏర్పాటు చేయడంపై విమర్శలు వ్యక్తమయ్యాయి.
 రూ.44 కోట్ల వ్యయంతో గ్యాస్‌ వెలికితీత
 మండలంలోని కలవచర్లలో రూ.44 కోట్ల వ్యయంతో ఓఎ¯ŒSజీసీ షేల్‌ గ్యాస్‌ ను వెలికి తీస్తుందని ఆసంస్థ ప్రతినిధులు పి.చంద్రశేఖర్, బి.ప్రసాదరావు, ఎ.కామరాజు తెలిపారు. పర్యావరణానికి ఏవిధమైన హాని జరగకుండా ప్రత్యేక చర్యలు తీసుకున్నామన్నారు. సుమారు నాలుగు కిలోమీటర్ల మేర నిదానంగా తవ్వకాలు చేపట్టి దాదాపు నాలుగు నెలల్లో పూర్తి చేస్తామన్నారు. ఓఎ¯ŒSజీసీ సామాజిక బాధ్యత నిధుల నుంచి ఆలమూరు మండలాన్ని అన్ని విధాల అభివృద్ధి చేస్తామన్నారు. జాతీయ ఓఎ¯ŒSజీసీ శాఖ నిబంధనల మేరకు కలవచర్లలో ప్రజాభిప్రాయ సేకరణ జరపాలంటూ గత ఏడాది డిసెంబర్‌ మూడున ఆదేశించిందని, అందులో భాగంగానే ఈఏడాది జనవరి మూడున పత్రిక ప్రకటన జారీ చేయడంతో పాటు పరిసర  పంచాయతీలకు లిఖిత పూర్వకంగా సమాచారం అందించామన్నారు. స్థానిక ప్రజా ప్రతినిధుల సూచనలు, సలహాలను పరిగణనలోకి తీసుకుంటామని హామీ ఇచ్చారు. దేశీయ ఇంధన సామర్థ్యాన్ని పెంపొందించేందుకు కృషి చేస్తున్న ఓఎ¯ŒSజీసీ కార్యకలాపాలకు మద్దతును ఇవ్వాలని వారు విజ్ఞప్తి చేశారు. ఈ సందర్భంగా స్థానిక చమురు బావిలో త్రవ్వకాలు చేపట్టే విధానం, ఓఎ¯ŒSజీసీ కార్యకలపాలను అధికారులు దృశ్య రూపంలో వివరించారు.
 సమాచారం లేదు
 ఆలమూరు ప్రభుత్వ జూనియర్‌ కళాశాలలో నిర్వహిం చిన ప్రజాభిప్రాయ సేకరణపై రైతులకు, ప్రజాప్రతినిధులకు సమాచారం ఇవ్వలేదని  ప్రజా సంఘాల నాయకు లు, స్థానికులు ఆరోపించారు. చమురు తవ్వకాల వల్ల కలిగే అనర్థాలను సభికులకు వివరించారు. ఓఎ¯ŒSజీసీ నిర్లక్ష్య పోకడల వల్ల జిల్లా వాసులు ఏవిధంగా నష్టపోతున్నదీ జన విజ్ఞాన వేదిక, మానవ హక్కుల వేదిక, ఎంఆర్‌పీఎస్, జాగృతి సేవాసంస్థ, రైతుకూలీ సంఘం ప్రతినిధులు చేపట్టిన ప్రసంగం స్థానికులను ఆలోచింపజేసింది.
  


 రాజవొమ్మంగి/రంపచోడవరం : 
 టీడీపీ ప్రభుత్వం, నాయకులు  రోజులు లెక్కపెట్టుకోవాల్సిందేనని, వారి కక్ష సాధింపు పాలనకు ప్రజలు గుణపాఠం చెప్పే రోజు వస్తుందని వైఎస్సార్‌సీపీ జిల్లా అధ్యక్షుడు కురసార కన్నబాబు అన్నారు. రాజవొమ్మంగిలో మంగళవారం మాతాశిశు మరణాలు చెందిన కుటుంబాలకు మంగళవారం ఆయన పార్టీ తరఫున ఆర్థిక చేయూతను అందజేశారు. ఈ సందర్భంగా ఆయన మాట్లాడుతూ ప్రత్యేక హోదా కార్యక్రమంలో పాల్గొనేందుకు విశాఖ వెళ్లిన పార్టీ అధినేత జగ¯ŒSమోహ¯ŒSరెడ్డిని ఎయిర్‌పోర్టు ర¯ŒSవేపై అడ్డుకోవడం ప్రభుత్వ పనితీరుకు పరాకాష్టన్నారు. 2019 ఎన్నికలలో ప్రజలు టీడీపీ వారిపై తిరగబడతారన్నారు. ప్రజల కోసం పనిచేసే పార్టీ నాయకులపై రౌడీషీట్‌ ఓపె¯ŒS చేస్తున్నారని విమర్శించారు. ఏజెన్సీలోని దుస్థితిని వివరిస్తూ ప్రతిపక్ష నేత జగ¯ŒSమోహ¯ŒSరెడ్డి గతేడాది రంపచోడవరం వచ్చిన విషయాన్ని గుర్తు చేశారు.
 ఏజెన్సీలో మాతాశిశు మరణాలకు చంద్రబాబు తలదించుకుని నిలబడాలన్నారు. టీడీపీ నాయకులు ఆస్తులు పోగు చేసుకునే విధంగా పాలన సాగుతుందన్నారు. రాష్ట్ర యువజన విభాగం అధ్యక్షుడు జక్కంపూడి రాజా మాట్లాడుతూ మూడేళ్లు పాలనలో ఒక్క హామీ కూడా నెరవేర్చలేదన్నారు. యువజన విభాగం జిల్లా అధ్యక్షుడు అనంత ఉదయభాస్కర్‌ మాట్లాడుతూ మాతాశిశు మరణాలపై ఐటీడీఏ పీవో, కలెక్టర్‌ వచ్చినా చర్యలు తీసుకోలేదన్నారు. ఈ మరణాలకు కారణాలు కూఆ తెలుసుకోలేదన్నారు. కాళ్లవాపు వ్యాధి బాధిత కుటుంబాలను పార్టీపరంగా ఆదుకుంటామని ప్రకటించారు. రంపచోడవరం ఎమ్మెల్యే వంతల రాజేశ్వరి, పార్టీ రాష్ట్ర కార్యదర్శి కర్రి పాపారాయుడు, పార్టీ మండల కన్వీనర్లు సింగిరెడ్డి రామకృష్ణ, జల్లేపల్లి రామన్నదొర, ఎంపీపీలు, జెడ్పీటీసీలు పాల్గొన్నారు.
  

ఆల్కాట్‌తోట (రాజమహేంద్రవరం రూరల్‌): మే 11వ తేదీన జరగనున్న జాతీయ లోక్‌ అదాలత్‌లో అత్యధిక కేసులు పరిష్కరించేందుకు రెవిన్యూ, పంచాయతీరాజ్‌ అధికారులు తమ పరిధిలో ఉన్న రాజీపడదగిన కేసులను గుర్తించాలని తొమ్మిదవ అదనపు జిల్లా న్యాయమూర్తి ఎం.మాధురి తెలిపారు. సోమవారం తూర్పు గోదావరి జిల్లా ప్రధాన న్యాయస్థాన ఆవరణలో ఆమె ఉమ్మడి తూర్పు గోదావరి జిల్లాలోని జిల్లా రెవెన్యూ, పంచాయతీ అధికారులతో సమావేశం నిర్వహించారు. ఈసందర్బంగా తొమ్మిదవ అదనపు జిల్లా న్యాయమూర్తి ఎం.మాధురి రాజీపడదగిన జాబితాను అధికారులు సిద్ధం చేసి జిల్లా న్యాయ సేవాధికార సంస్థకు అందించాలన్నారు. తూర్పు గోదావరి జిల్లా న్యాయ సేవాధికార సంస్థ కార్యదర్శి కె.ప్రకాష్‌ బాబు, గవర్నమెంటు ప్లీడరు సీహెచ్‌వీ ప్రసాద్‌, ఉమ్మడి తూర్పు గోదావరి జిల్లా రెవెన్యూ, పంచాయితీ అధికారులు పాల్గొన్నారు.

రాజమహేంద్రవరం రూరల్‌: ఆంధ్రప్రదేశ్‌ ప్రభుత్వం విడుదల చేసిన 10వ తరగతి పరీక్షా ఫలితాలలో రాజమహేంద్రవరంలోని తమ తిరుమల ఇంగ్లిష్‌ మీడియం స్కూల్‌ విద్యార్థులు అద్భుత ఫలితాలను సాధించారని తిరుమల విద్యాసంస్థల చైర్మన్‌ నున్న తిరుమలరావు తెలిపారు. కె.రఘువీర్‌ 595 మార్కులు, కె.సుప్రియ 595 మార్కులు, ఏపీఆర్‌ సాయిశ్రీలత, బి.లలితరాణి, కె.సత్యభాస్కర్‌ 594 మార్కులు, టి.ప్రీతిశరణ్య, ఎం.ఇబ్రహీం 593మార్కులు, కె.అశ్రిత, ఎంవీఎల్‌ఎ వాత్సల్య, ఎం.గ్రీషశ్రీ, బియు.ప్రసాద్‌, పి.శ్రీతుల్య, జేవీఎన్‌ సత్యసాయిదత్త, వై.తేజశ్వి, ఎస్‌.రంజిత్‌కుమార్‌ 592మార్కులు, వై.కృష్ణచైతన్య, ఎల్‌.వైష్ణవి, సీహెచ్‌.లోక్‌ప్రకాష్‌, ఎస్‌వీఎస్‌.శ్రీధర్‌, డి.చిన్మయి 591మార్కులు సాధించారన్నారు. 590పైన 34మంది విద్యార్థులు, 580పైన 223 మంది విద్యార్తులు, 570పైన 451మంది, 560పైన 642 మంది, 550పైన 779మంది, 500పైన 451మంది , 560పైన 642మంది, 550పైన 779మంది, 500పైన 1108 మంది విద్యార్థులు సాధించారని, 100 శాతం ఉత్తీర్ణత సాధించారని ఆయన తెలిపారు. ఈ సందర్భంగా అత్యధిక మార్కులు వచ్చిన విద్యార్థులను నున్న తిరుమలరావు, డైరెక్టర్‌ సరోజినిదేవి, అకడమిక్‌ డైరెక్టర్‌ జి.సతీష్‌బాబు, ప్రిన్సిపాల్‌ వి.శ్రీహరి అభినందించారు.

బిక్కవోలు: ఇంకా ఎన్నికలు జరగలేదు. ఓడినచోట కూతురు గెలిపించడం ఏమిటా అని అనుకుంటున్నారా? ఇది నిజం. అయితే ఎన్నికల్లో కాదు పదోతరగతి ఫలితాల్లో ఇది జరిగింది. సోమవారం విడుదలైన పదో తరగతి ఫలితాల్లో మండలంలోని కొంకుదురు గ్రామంలో కుక్కల శ్రీ తేజస్విని 556 మార్కులు సాధించి పాఠశాల మొదటి స్థానం కై వసం చేసుకుంది. అయితే తన తండ్రి కుక్కల ప్రభాకర్‌ ఇదే పాఠశాలల్లో 1996 పదోతరగతి ఫలితాల్లో ఉత్తీర్ణత సాధించలేకపోయాడు. అప్పటి నుంచి కూలీ పనిచేస్తున్నా తన ఇద్దరు పిల్లలను చక్కగా చదివించాడు. అయితే 2022లో తన కుమారుడిపై ఆశలు పెట్టుకున్నాడు. కాని కుమారుడు తృతీయ స్థానం సాధించాడు. అప్పటి నుంచి కుమార్తె శ్రీ తేజస్విని మరింత శ్రద్ధ తీసుకోవడంతో పాఠశాల స్థాయిలో ప్రథమ స్థానం సాధించిందన్నాడు. తన కలను కూతురు సాకారం చేయడంలో పాఠశాల ఉపాధ్యాయులు సహకారం అందించారని ఆయన తెలిపాడు.

ఆల్కాట్‌తోట (రాజమహేంద్రవరం రూరల్‌): ఆంధ్రప్రదేశ్‌ ప్రభుత్వం సోమవారం విడుదల చేసిన పదవ తరగతి ఫలితాలలో శ్రీషిర్డీసాయి విద్యానికేతన్‌ రాజమహేంద్రవరం, కడియం విద్యార్థులు అత్యుత్తమ ఫలితాలను సాధించినట్లు విద్యాసంస్థల డైరెక్టర్‌ టి. శ్రీవిద్య తెలిపారు. తమ లక్ష్య ఓరియంటేషన్‌తో 10 వ తరగతి చదివిన వి. ఉదయ రుషిత 600 మార్కులకు 593 సాధించి ప్రథమ స్థానంలో నిలువగా ఎన్‌.సాయి అక్షయ, బి.యశశ్విని 592 మార్కులు, ఎం. జాహ్నవి, ఎస్‌. దేవికృష్ణసిరి 591, ఎ. లోహిత్‌ కుమార్‌ 590 మార్కులు సాధించినట్లు వివరించారు. ఆరుగురు విద్యార్థులు 590కి పైగా మార్కులు సాధించగా, 24 మంది 580 మార్కులకు పైగా, 44 మంది 570కి పైగా మార్కులు, 75 మంది 550కి పైగా మార్కులు సాధించారు. హాజరైన మొత్తం164 మంది విద్యార్థులు ప్రథమశ్రేణిలో ఉత్తీర్ణులయినట్లు తెలిపారు. విద్యార్థులను, ఉపాధ్యాయ బృందాన్ని శ్రీ షిర్డీసాయి విద్యాసంస్థల చైర్మన్‌ తంబాబత్తుల శ్రీధర్‌, డైరెక్టర్‌ శ్రీవిద్య, లక్ష్య అకాడమీ డీన్‌ కె. శ్రీనివాస్‌ అభినందించారు.

సీటీఆర్‌ఐ (రాజమహేంద్రవరం): వచ్చే నెల 13న జరిగే సార్వత్రిక ఎన్నికల్లో ఓటు హక్కు వినియోగించుకునేందుకు వీలుగా జిల్లాలోని వివిధ వ్యాపార, వాణిజ్య, పారిశ్రామిక సంస్థలు, దుకాణాలు, హోటళ్లు, ఇతర సంస్థల్లో పని చేస్తున్న ఉద్యోగులు, కార్మికులకు వేతనంతో కూడిన సెలవుగా ప్రకటించారు. జిల్లా సహాయ కార్మిక కమిషనర్‌ బీఎస్‌ఎం వలీ సోమవారం ఒక ప్రకటనలో ఈ విషయం తెలిపారు. దీనిని ఉల్లంఘించిన యాజమాన్యాలకు జరిమానా విధిస్తామని హెచ్చరించారు. కొండెక్కిన ఎన్నికల కోడ్‌ కడియం: టీడీపీ సీనియర్‌ నాయకుడు గోరంట్ల బుచ్చయ్య చౌదరి ఎన్నికల కోడ్‌ను కొండెక్కించేశారు. కడియం మండలం పొట్టిలంకలో సోమవారం రాత్రి ఎన్నికల ప్రచారం చేపట్టిన ఆయన.. గ్రామస్తుల ఇలవేల్పు చింతాలమ్మ ఆలయంలోకి నేరుగా పార్టీ కండువాలతోనే వెళ్లిపోయారు. ఆ పార్టీ నాయకులందరూ కండువాలతోనే గుడి లోపలికి వెళ్లి ఫొటోలకు పోజులిచ్చారు. అదే ఆలయ ఆవరణలో మాజీ ఉప సర్పంచ్‌ కొత్తపల్లి రాజుబాబు తదితరులకు గోరంట్ల టీడీపీ కండువాలు వేసి ఆహ్వానించారు. ప్రతిసారీ రూల్స్‌పై మాట్లాడే గోరంట్ల.. స్వయంగా ఇలా ఎన్నికల నిబంధనలను ఉల్లంఘించడంపై గ్రామస్తులు విస్తుబోయారు. ఘనంగా సీతారాముల వనవిహారోత్సవం అన్నవరం: రత్నగిరి క్షేత్రపాలకులు శ్రీ సీతారాముల దివ్య కల్యాణ మహోత్సవాల్లో భాగంగా ఏడో రోజైన సోమవారం స్వామి, అమ్మవార్ల వనవిహారోత్సవం ఘనంగా నిర్వహించారు. సాయంత్రం 4 గంటలకు పెళ్లిపెద్దలు సత్యదేవుడు, అనంతలక్ష్మీ సత్యవతీదేవి అమ్మవారు వెంట రాగా నవదంపతులు సీతారాములను ఊరేగింపుగా కొండ దిగువన గార్డెన్‌ వద్దకు తీసుకుని వచ్చారు. అక్కడ ప్రత్యేక సింహసనాలపై సీతారాములను, సత్యదేవుడు, అనంతలక్ష్మీ సత్యవతీదేవి అమ్మవారిని వేంచేయించి, పండితులు పూజలు చేశారు. నవదంపతులకు దేవస్థానం అధికారులు నూతన పట్టు వస్త్రాలు సమర్పించారు. పూజా కార్యక్రమాల అనంతరం వనవిహారోత్సవం నిర్వహించారు. నేడు శ్రీచక్రస్నానం శ్రీరామ నవమి ఉత్సవాల ఎనిమిదో రోజైన మంగళవారం ఉదయం 8 గంటలకు పవర్‌హౌస్‌ వద్ద పంపా నదిలో సీతారాములకు శ్రీచక్రస్నాన మహోత్సవం నిర్వహించనున్నారు. నదిలో నీరు లేకపోవడంతో స్నానఘట్టాలకు దూరంగా నీరు ఉన్న చోట గుంత తవ్వి, అందులో ఈ కార్యక్రమం నిర్వహిస్తారు. పౌర్ణమి సందర్భంగా ఉదయం 9 నుంచి వనదుర్గ అమ్మవారికి ప్రత్యంగిర హోమం నిర్వహించనున్నారు.