♦ ప్రత్యేక హోదా నినాదాలు చేస్తూ ఆగస్టు 26న
♦ ఒంటికి నిప్పంటించుకున్న చేబ్రోలు వాసి
♦ పట్టించుకోని సర్కారు, తెలుగుదేశం నేతలు
♦ పరిస్థితి విషమించి శుక్రవారం ఏలూరు ఆసుపత్రిలో కన్నుమూత
సాక్షి ప్రతినిధి, ఏలూరు: రాష్ట్రానికి ప్రత్యేక హోదా కోసం పాలకులతోనూ, మృత్యువుతోనూ చేసిన పోరాటంలో పశ్చిమగోదావరి జిల్లా ఉంగుటూరు మండలం చేబ్రోలు గ్రామానికి చెందిన సుందరపు దుర్గాప్రసాద్ ఓడిపోయారు. హోదా డిమాండ్తో రెండు నెలల కిందట ఒంటికి నిప్పంటించుకుని ఆత్మహత్యాయత్నం చేసిన ఆయన ఆరోగ్య పరిస్థితి విషమించడంతో శుక్రవారం ఏలూరులోని ప్రభుత్వాసుపత్రిలో కన్నుమూశారు. మెరుగైన వైద్యం అందిస్తే తన భర్త బతుకుతాడని దుర్గాప్రసాద్ సతీమణి అధికార పార్టీ నేతలను ఎన్నిసార్లు కలిసి మొరపెట్టుకున్నా ప్రయోజనం లేకపోయింది.
సాయం మాట దేవుడెరుగు.. రాష్ట్ర ప్రయోజనాల కోసం ఆత్మాహుతి యత్నానికి పాల్పడి ఏలూరు, విజయవాడ, గుంటూరు ఆసుపత్రుల్లో చికిత్స పొందిన దుర్గాప్రసాద్ను కనీసం పలకరించిన పాపాన పోలేదు. శుక్రవారం కన్నుమూసిన ఆయన భౌతికకాయం చూసేందుకూ ఒక్క టీడీపీ నేత రాకపోవడం దురదృష్టకరం. ‘‘మంత్రిని కలిశాం. ఎమ్మెల్యేకు మొరపెట్టుకున్నాం. ఎవరూ స్పందించలేదు. వైద్యానికి మా వద్ద పైసా కూడా లేదు. ప్రభుత్వం సాయం చేసి ఉంటే నా భర్త బతికేవాడు’’ అని దుర్గాప్రసాద్ సతీమణి జ్యోతి శుక్రవారం ఏలూరు ప్రభుత్వాసుపత్రి వద్ద కన్నీటి పర్యంతమయ్యారు. పోస్టుమార్టం అనంతరం దుర్గాప్రసాద్ భౌతికకాయాన్ని ఆయన స్వగ్రామానికి తరలించారు. బంధువుల అశ్రునయనాలు, గ్రామస్తుల ప్రత్యేక హోదా నినాదాల మధ్య శుక్రవారం సాయంత్రం అంత్యక్రియలు పూర్తయ్యాయి.
కుమార్తెకు ఉద్యోగం రాదన్న ఆవేదనతో...
కొన్నేళ్ల కిందట హైదరాబాద్ నుంచి చేబ్రోలు తిరిగొచ్చేసిన దుర్గాప్రసాద్ (50) కుటుంబం కైకరంలో హోటల్ పెట్టుకుని జీవనం సాగిస్తోంది. రాష్ట్ర విభజన తర్వాత కుమార్తె నిఖిలకు స్థానికత సమస్య రావడంతో డీఎస్సీ ఉద్యోగం రాదేమోనని బెంగపడేవాడు. చివరకు డీఎస్సీ పరీక్ష రాసేందుకు కోర్టును ఆశ్రయించి అనుమతి పొందాల్సి వచ్చింది. రాష్ట్రానికి ప్రత్యేక హోదా వస్తే ఇటువంటి సమస్యలన్నీ తీరతాయని దుర్గాప్రసాద్ భావించేవాడు. అందుకు తనవంతు యత్నంగా వివిధ పార్టీల నేతలను కలిసి వినతిపత్రాలు అందించేవాడు. ఈ నేపథ్యంలోనే ఈ ఏడాది ఆగస్టు 25న ఢిల్లీ వెళ్లిన ముఖ్యమంత్రి చంద్రబాబు ప్రత్యేక హోదా రాదేమోనని చేసిన వ్యాఖ్యలతో ఆయన తీవ్ర మనస్థాపానికి గురయ్యాడు. అదే విషయం ఆలోచిస్తూ ఆగస్టు 26 తెల్లవారుజామున ఒంటిపై పెట్రోల్ పోసుకుని నిప్పంటించుకున్నాడు.
హోదా కల్పిస్తే ఇలాంటి ఘటనలు జరగవు
దుర్గాప్రసాద్ మృతిపట్ల జగన్ ఆవేదన
సాక్షి, హైదరాబాద్: రాష్ట్రానికి ప్రత్యేక హోదా కల్పించకపోవడం, తన కుమార్తె స్థానికత సమస్య కారణంగా ఉద్యోగం రాదేమోనన్న మానసిక బెంగతో గత ఆగస్టు 26 న ఒంటిపై పెట్రోల్ పోసుకుని నిప్పంటించుకున్న పశ్చిమ గోదావరి జిల్లా చేబ్రోలుకు చెందిన దుర్గాప్రసాద్ మరణంపట్ల వైఎస్సార్ కాంగ్రెస్ పార్టీ అధ్యక్షుడు జగన్మోహన్రెడ్డి తీవ్ర ఆందోళన, ఆవేదన వ్యక్తం చేశారు. స్థానికత సమస్య తలెత్తడంతో తన కూతురు ఉద్యోగ నియామకాలకు సంబంధించి పోటీ పరీక్షల్లో పాల్గొనడానికి అర్హత కోల్పోతుండటంతో ఆవేదనతో దుర్గాప్రసాద్ ఆత్మహత్యకు పాల్పడటంపై జగన్ తీవ్ర దిగ్భ్రాంతిని వ్యక్తం చేశారు. రాష్ట్రానికి ప్రత్యేక హోదా కల్పిస్తే ఇలాంటి సంఘటనలు జరగడానికి ఆస్కారం ఉండేది కాదని పేర్కొన్నారు. దుర్గాప్రసాద్ కుటుంబానికి తన ప్రగాఢ సానుభూతిని, సంతాపాన్ని తెలియజేశారు.
హోదా పోరులో ఓడిన దుర్గాప్రసాద్
Published Sat, Oct 31 2015 1:24 AM
Advertisement
ఆ బీప్ సౌండ్ వస్తేనే.. మీ ఓటు వేసినట్టు
ఇది కదా క్రేజ్ అంటే.. సీఎం జగన్ ఇంటర్వ్యూకి మిలియన్ల వ్యూస్
Sakshi.com ఇప్పుడు సరికొత్తగా మీ ముందుకు
కాపులు, ముస్లింలకు రిజర్వేషన్లు అక్కర్లేదు: పవన్కళ్యాణ్
రైతు కుమార్తె విజయం.. రిషబ్ శెట్టి అభినందనలు
పులివెందుల ప్రజలకు ఇద్దరిపైనా ప్రేమే: వైఎస్ భారతి
RCB Vs PBKS: కోహ్లి అరుదైన రికార్డు.. ఐపీఎల్ చరిత్రలోనే తొలి క్రికెటర్గా
Phone Tapping Case: ఫోన్ ట్యాపింగ్ కేసులో బిగ్ ట్విస్ట్..
బిజీగా ఉండటం ఇంత డేంజరా! హెచ్చరిస్తున్న సైకాలజిస్ట్లు
కారులో వాసన బాగుందని తెగ పీల్చుకుంటున్నారా.?
టాలీవుడ్లో అది చాలా కష్టం.. అసౌకర్యంగా అనిపిస్తుంది: సంయుక్త
లోకేష్ కి ఆళ్ల రామకృష్ణారెడ్డి సవాల్
రెడ్ లిప్స్టిక్ను ఉత్తరకొరియా ఎందుకు బ్యాన్ చేసిందో తెలుసా!
డాగ్ లవర్స్ బీ అలర్ట్ : ప్రమాకరమైన కుక్కలపై తమిళనాడు నిషేధం
రూ.100 వరకు క్యాష్బ్యాక్ ప్రకటించిన పేటీఎం
టీడీపీ అడ్డంగా బుక్కైంది: సజ్జల కీలక వ్యాఖ్యలు
చంద్రబాబు దోచిన సొమ్ము అంతా ప్రజలదే..
ప్రత్యేక హోదా కూడా అమ్మేశారు
నయనతారకు క్రేజీ ఛాన్స్.. భారీగా డిమాండ్ చేస్తోన్న భామ!
ఏపీలో కాంగ్రెస్, టీడీపీ ములాఖత్.. బండారం బద్దలైంది
తప్పక చదవండి
- ముద్రగడ మరో లేఖ.. కీలక వ్యాఖ్యలు
- నాకోసం ఆ స్టార్ హీరో నెలలతరబడి వెయిట్ చేశాడు: కమెడియన్
- ఏఐ యూనివర్సిటీ.. ఒడిశా మేనిఫెస్టోలో ఆసక్తికర హామీలు
- అతిపెద్ద ఐటీ కంపెనీ.. సీఈవో జీతం మాత్రం..
- అక్కా నన్ను పెళ్లి చేసుకుంటావా?.. యంగ్ హీరోయిన్కు ఉహించని ప్రశ్న!
- జనగణన లేకుండా ఈ లెక్కలేల?
- మారుతీ స్విఫ్ట్ కొత్త మోడల్
- మద్యం మత్తుతో ఓటర్ల చిత్తుకు చంద్రబాబు కుట్ర
- RCB Vs PBKS: ఆర్సీబీ ఘన విజయం.. ఐపీఎల్ నుంచి పంజాబ్ ఔట్
- ఆ బీప్ సౌండ్ వస్తేనే.. మీ ఓటు వేసినట్టు
Advertisement