హ్యూమర్ ప్లస్
అందరూ సుష్టుగా భోంచేసిన తరువాత దర్శక నిర్మాతలతోపాటు రైటర్ కూడా కథ మీద కూచున్నారు. ‘‘ఓపెనింగ్ సీన్లోనే హీరో ఒక కర్ర తీసుకుని చావబాదుతాడు’’ చెప్పాడు రైటర్. ‘‘ఎవర్ని? ప్రేక్షకుల్నా?’’ అడిగాడు నిర్మాత. ‘‘అది రిలీజ్ తరువాత, ఇప్పుడిక్కడ రౌడీల్ని. ఈ సీన్ స్పెషాలిటీ ఏమంటే ప్రతి దెబ్బకీ ఒక కర్ర విరిగిపోతుంది. బుర్ర పగిలిపోతుంది.’’ ‘‘ఎందుకలా తన్నడం?’’ అడిగాడు డైరెక్టర్. ‘‘ఎందుకంటే చిన్నప్పుడు కర్రలు కొట్టి జీవించాడు. పెద్దయ్యాక కర్రతో కొట్టి జీవిస్తాడు కాబట్టి.’’ ‘‘నేను గాంధీ ఫాలోయర్ని. హింసను ఇష్టపడను. లవ్స్టోరీ ఉంటే చెప్పండి’’ అన్నాడు నిర్మాత.
‘‘హీరో లండన్లో ఉంటాడు. హీరోయిన్ జపాన్లో ఉంటుంది. ఇద్దరూ ఫ్లయిట్లో కలుసుకుంటారు. ఎందుకు ప్రేమిస్తున్నారో తెలుసుకోకుండా ప్రేమించుకుంటారు’’ కథ మార్చాడు రైటర్. ‘‘అంటే మూగ ప్రేమన్నమాట’’ అడిగాడు డైరెక్టర్.‘‘లాజికల్గా ఆ వర్డ్ కరెక్ట్ కాదు. ఎందుకంటే ఇద్దరూ పాటలు పాడుకుంటారు కాబట్టి. డ్యూయెట్ల తరువాత విడిపోయి ట్విట్టర్లో మెసేజ్లు పెట్టుకుంటూ వుంటారు. ఒకరోజు ఇంటర్నెట్ సర్వీస్ కట్ అవుతుంది. ఆ కోపంలో హీరో వెళ్లి నెట్ సర్వీస్వాడ్ని హత్య చేస్తాడు.’’ ‘‘అదిగో, మళ్లీ వయలెన్స్, వద్దన్నానా?’’ అన్నాడు నిర్మాత.
‘‘హింస లేకుండా సినిమా కథ చేయలేమండి. కనపడే హింస, కనపడని హింస. ఈ రెంటిలో ఒకటి ఉండాల్సిందే’’ అన్నాడు రైటర్.‘‘హింసకి వ్యతిరేకి అని నేను చెప్పానా లేదా?’’ అని అక్కడున్న చాకును అందుకున్నాడు నిర్మాత. రైటర్ గజగజ వణుకుతూ డైరెక్టర్ వెనక దాక్కున్నాడు.‘‘నువ్వు కథలో రక్తపాతం చూపిస్తే, నేన్నీకు లైవ్లో చూపిస్తా’’ చాకుని గొంతు మీద నూరుతూ చెప్పాడు నిర్మాత.‘‘గాంధీ ఫాలోయర్ని అన్నారు కదండి’’ అన్నాడు రైటర్. ‘‘అవును థియరీ ప్రకారం గాంధీ శిష్యుడ్ని. ప్రాక్టికల్గా కత్తికి భక్తుడ్ని. ఏం చెబుతామో అది ఆచరించకుండా వుండటమే జీవితం. ఈ పాయింట్ మీద కథ చెప్పు.’’
‘‘హీరో నేపాల్లో బౌద్ధ సన్యాసిలాగా జీవిస్తూ వుంటాడు. ఎవరుదగ్గరికి వెళ్ళినా బుద్ధం శరణం అంటూ వుంటాడు. కడప నుంచి నేపాల్కి ఒక బృందం టూరిస్ట్ బస్సులో టూర్ వెళుతుంది. వాళ్ళలో ఒకడు హీరోని చూసి మహదేవరెడ్డీ అని అరుస్తూ పారిపోతాడు. వాడ్ని చూసి బస్సులో ఉన్న వాళ్ళంతా డ్రైవర్తో సహా ఎక్కడికి పారిపోతున్నారో కూడా తెలియకుండా పారిపోతారు’’ అని కొత్తకథ ప్రారంభించాడు రైటర్. ‘‘ఇంద్ర కథనే మళ్ళీ చెప్పావు కదా.. దొంగ’’ అన్నాడు నిర్మాత. ‘‘అన్నిటికి అడ్డుచెబితే నేనేం చేయలేనండి. ఇంద్రకి ముందు ఈ కథను తీశారు. తరువాత కూడా తీస్తున్నారు. మీకేంటి బాధ’’ కోప్పడ్డాడు రైటర్. ‘‘ఫాక్షన్ కథలు పాచిపోయాయి కానీ కొంచెం కొత్తది చెప్పు’’ అన్నాడు నిర్మాత. ‘‘జీవితం పాతగా వున్నప్పుడు కథలు కొత్తగా ఎట్టా వస్తాయి సార్’’ మూలిగాడు రైటర్. ‘‘ఫిలాసఫీ వల్ల లాసే తప్ప గెయినుండదు’’ అన్నాడు డైరెక్టర్.
‘‘ఒక రాజ్యం. అక్కడ సెల్ఫోన్లుండవు, ల్యాండ్ ఫోన్లుండవు. అసలు మనుషులే మనుషుల్లా ఉండరు. ఎవడైనా తప్పు చేస్తే మెడ నరుకుతారు. నరికే ముందు ఒక ఐటమ్ సాంగ్ వేయిస్తారు. నరికే ముందు బాదంకాయ పుట్టుమచ్చ ఉంటే వదిలేస్తారు...’’‘‘ఆపహే... ఈ కాలంలో కూడా రాజ్యాలెక్కడున్నాయి’’ చిరాకుపడ్డాడు నిర్మాత. ‘‘సినిమాల్లో వుంటాయి. ప్రేక్షకులు పేపర్లు చదవరని ఇండస్ట్రీ కాన్ఫిడెన్స్’’ ‘‘నాకీ కథ నచ్చింది’’ అన్నాడు డైరెక్టర్. ‘‘దీంట్లో కథ ఎక్కడుంది?’’ అన్నాడు నిర్మాత. ‘‘కథ లేకపోవడమే తెలుగు సినిమా కథ’’ అన్నాడు డైరెక్టర్. రైటర్, నిర్మాత మూర్ఛపోయారు.
– జి.ఆర్. మహర్షి
సినిమా కథ!
Published Mon, Apr 17 2017 12:01 AM
Advertisement
Sakshi.com ఇప్పుడు సరికొత్తగా మీ ముందుకు
ఇది కదా క్రేజ్ అంటే.. సీఎం జగన్ ఇంటర్వ్యూకి మిలియన్ల వ్యూస్
కాపులు, ముస్లింలకు రిజర్వేషన్లు అక్కర్లేదు: పవన్కళ్యాణ్
రైతు కుమార్తె విజయం.. రిషబ్ శెట్టి అభినందనలు
పులివెందుల ప్రజలకు ఇద్దరిపైనా ప్రేమే: వైఎస్ భారతి
RCB Vs PBKS: కోహ్లి అరుదైన రికార్డు.. ఐపీఎల్ చరిత్రలోనే తొలి క్రికెటర్గా
Phone Tapping Case: ఫోన్ ట్యాపింగ్ కేసులో బిగ్ ట్విస్ట్..
బిజీగా ఉండటం ఇంత డేంజరా! హెచ్చరిస్తున్న సైకాలజిస్ట్లు
ఆ గట్టున సినిమా స్టార్లు.. ఈ గట్టున రియల్ స్టార్లు
కారులో వాసన బాగుందని తెగ పీల్చుకుంటున్నారా.?
మంగళగిరిలో సీఎం జగన్ సభ
చంద్రబాబుకు ఓటమి భయం పట్టుకుంది.. అందుకే ఇలా..!
గోల్డ్ఫైనాన్స్ తీసుకుంటే రూ.20వేలే ఇస్తారట! మిగతా డబ్బు..?
నేడు, రేపు ఉత్తర కోస్తా, రాయలసీమలో వర్షాలు
ఒక వైపే చూడకు.. పచ్చిగా అబద్ధాలాడకు!
ఆ ముసలోడికి ఏం రోగం..కొడాలి నాని స్ట్రాంగ్ కౌంటర్..
లాభాల్లో ట్రేడవుతున్న స్టాక్మార్కెట్ సూచీలు
టీడీపీ దుష్ప్రచారాలపై తానేటి వనిత ఫైర్..
ఏఐ యూనివర్సిటీ.. ఒడిశా మేనిఫెస్టోలో ఆసక్తికర హామీలు
బీసీలను ఆదరించడంలో సీఎం జగన్ ముందుంటారు: కొడాలి నాని
తప్పక చదవండి
- ఏఐ యూనివర్సిటీ.. ఒడిశా మేనిఫెస్టోలో ఆసక్తికర హామీలు
- అక్కా నన్ను పెళ్లి చేసుకుంటావా?.. యంగ్ హీరోయిన్కు ఉహించని ప్రశ్న!
- జనగణన లేకుండా ఈ లెక్కలేల?
- మారుతీ స్విఫ్ట్ కొత్త మోడల్
- ఇదిగో ప్రోగ్రెస్ రిపోర్ట్
- ఎస్బీఐ లాభం రికార్డ్
- 15 సెకన్లు కాదు.. 15 గంటలు ఇవ్వండి..: అసదుద్దీన్ ఒవైసీ
- మద్యం మత్తుతో ఓటర్ల చిత్తుకు చంద్రబాబు కుట్ర
- ఢిల్లీ హైకోర్టులో కవిత బెయిల్ పిటిషన్
- RCB Vs PBKS: ఆర్సీబీ ఘన విజయం.. ఐపీఎల్ నుంచి పంజాబ్ ఔట్
Advertisement